----أولـــــــــم الـعـــزبـــــة----

[نايف مقبول العمراني]

الجود بيـر كـل ماجـم سالـي=الجود عـز ولا يـورث خسـارة
والبض ماتـارد عليـة الجمالـي=ومن لايعرف البض ينشد كبـارة
أولم العزبـة ليـا ضـاق بالـي=واطفي لهيب حرق الـروح نـارة
زود الخوي اللي معـي مايبالـي=ورفقت الاجواد سـاس التجـارة
رجـل يشيـل خفافهـا والثقالـي=اللي شعاري بالمراجـل شعـارة
من عقبها في ديرة الضيق مالـي=الا اطلق الخطوات صوب الصدارة
للديـرة اللـي ماتفـارق خيالـي=يومي عليها ياخـذ الفكـر غـارة
وليا وصلت اجدع بروس العوالـي=في منزل فيـة البـدن والوبـارة
واشب ناري وادعي الخير فالـي=واحط على النار الحلا والمـرارة
في روضة فيهـا الحيـا تملالـي=فنجالها يطفـي لهيـب الحـرارة
والجو يرعد من جنوب وشمالـي=ولا ينعرف ليل السما من نهـارة
حب الخلا هـو المنـا والمنالـي=هو التقـدم والفخـر والحضـارة
شوف الدبش واهل الدبش والمتالي=وشوف الربيع اللي يسرك خضارة
وربعي هم العزوة وهم راس مالي=سم الحريب ومن نخاهـم نمـارة
ربعي ذخيرة لـو تجـور الليالـي=لو صار في خط الزمان استـدارة
محد يقـول ينـوب هـذا بدالـي=وقت اللزوم الكل خابـر مسـارة
اهل الوفا نرخص لهم كل غالـي=وعدوهـم ياعـل تمحـل ديـارة

[مبروك بن ماضي]

اخوي المبدع :
الشاعر / نايف مقبول العمراني
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي

[حمود السكراني]

نايف العمراني صح لسااااااااانك

والنعم فيك وبربعك سلمت وسلم غاليك

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك
تحيتي ومودتي

[محمد الأحمري]

الله الله الله
صح لسانك ملايين يا الطيب
وبيض الله وجهك
وفقك الله

[منيع]

ياسلام عليك وحواليك
رائع ومبدع
بارك الله فيك
تحياتي لكم

[الأموره]

العمرآني ..~

صح لسـآنك ملايين ..~

سلمت و سلم فكرك ..~

ألف شكر لك ..~

دمت برعاية الخالق ..~

[الخنساء]

ربعي ذخيرة لـو تجـور الليالـيل ---------و صار في خط الزمان استـدارة
محد يقـول ينـوب هـذا بدالـي -----------وقت اللزوم الكـل خابـر مسـارة
اهل الوفا نرخص لهم كـل غالـي --------وعدوهـم ياعـل تمحـل ديـارة

صح لسانك ولاهنت

ابيات رائعة وبوح صادق

سلمت ودمت بخير

[حوريه]

ناااااايــف

صح قلبك على هالقصيده الجميله

أخذتنا مع العزبه لجو الرعد والمطر

وشبت النار وشوف الدبش

ماشاء الله عليك ما خليت شى

استمتعت بقرأتها كثيرا

دااام حرفك ونبضك

.

[داعي الشوق]

صح لسانك يالعمراني

قصيدة رائعة بالحيل

معاني تشد الانتباة للقاري

لله درك يا نايف

صح لسانك مع التقدير لك

،،،،،،،،،،،