21-01-2009, 09:59 PM
|
رقم المشاركة : 1 | |||
|
بن منشـآر =
الطائر المنتوف ياموج وينه=ودي بشوفه هو وولد الشويمان والخوف لاتخرج على الناس عينه=والله مايبقى في االملعب انسان ادري عجوز الحاره بيني وبينه=من شونها ماقد سلم راعي الضان ياغاويه ماعندك اعلي بينه=ولا معك خاتم ولامعك خرصان موج = اقول يا المنشار صمتك يا زينه = واللي كتبته ما عجبنا ولا زان المهآجر = فلاح اقبل مثل ضب الدفينه= لا ساحب العكره ولا شايل اوزان بن مشنآر = ياموج وشبك نفسك اليوم شينه=مانتيب على خبري وراكبك شيطان مانتي نحيفه شكلك الا متينه=مايشبعك حبة دجاجه وقرصان موج = حكيه وكاد وقافياته رزينه = ولاهوب متهور ولاهو بخوان المهآجر = منشار مصدي لاعبه به سنينه=لالوح ينشر به ولا ذابل اغصان بن منشآر = ياعود لو جيت التزمت السكينه=ماكان ثار اليوم بالغيد بركان موج = لا والله الا الحكي منك يا شينه = تقول طايرنا منتف وحيران وانا من اللي قلت جدا حزينه = ولا من اول كنت بالحيل طربان المهآجر = موتر قربع لو نوضب مكينه=القير خبط ومابه عمود كردان بن منشآر = بانتف جناحك والحديا رهينه=ماكل غيمه ترسل اليوم الامزان المهآجر = حتى التواير بنشرت كلعجينه= يحتاج وزن اذرع وترصيص بيبان موج = فلاح لا ترمي بيوتٍ مكينه = وبيت قزاز وكل ما فيه خربان بن منشآر = مساعدك مكسور وافهم رطينه=تاه المنجم بين حفره وغدران موج = يبشر بسعده ولا ابد ما نهينه = هذا معزبنا بنوفي له الان بن منشآر = بنت العرب ماهيب ريا سكينه=والحرف عندك بالهوى صار حيران موج = للحب موطن وله قوافي ثمينه = نوزن حروفه صح بادق ميزان بن منشآر = حرفك بدقه للهوى تسبكينه= جوهر يناسب كل عاشق وولهان موج = مانيب لا ريا ولاني سكينه = انا بنيه من تذلل له امتان وكان الهوى حرفه لشعري يدينه = فانتا عزفت الحب بوتار لحزان بن مشنآر = ونعم بحالك شاعرك تربكينه= على النقاء مابيننا شي واخوان موج = حياك من اختك ولا به غبينه = وشتان بين الصدق والزيف شتان بن مشنآر = انا مزحت وكل شي بحينه=رميتها للعود واحسبه نشوان موج = وحنا وقفنا بين مزحك وبينه = والنفس ما ترضى بذلٍ وخذلان بن منشآر = الرمي ماظنيت بتتكتينه=والا الذهب يابنت يحتاج سكان موج = وجهت لي قافك وقافي ظمينه = وناديت موج جنبه كل ربان بن مشنآر = العود ماهو حاسب تبرمجينه=شاعر جميل وله في العلم نيشان داعي = سلام ياللي قافكم خابرينه = موج وفلاح اللي لهم عز وشآن موج = هذا الحكي جيد وجانا يقينه = مشكور يومك قلته ابدون نكران بن منشآر = العود ماهو جاي لو تزهمينه=صلى وكل جحه وكان الذي كان داعي = ايضا لأمورة سلام بعينه = مرسول من عندي بتوقيع عتبان المهآجر = جيتك معي بارود ترمي متينه=اختار وين توقع بدون حسبان موج = اللي لفلى سلم محن مرخصينه = حياك يا داعي تفضل بميدان بن منشآر = خابرك يابو ستمية سفينه=وارث علوم الجد من ماضي الازمان دآعي = الله يكافينا شرور الضغينة = الطاير اللي قام يكفخ بجنحان موج = كلٍ الى من قال حكيه يدينه = وبه يتضح لو كان متعب وضميان المهآجر = فلاح لاعدوا رجال الرطينه= الجد تكروني وبالأصل بلشان دآعي = شذى العطر عطّر ضواحي المدينة = محلا العطر لا فاح من حول بستان بن منشآر = العود جانا بالعلوم المكينه= زار الحطيئه واقبل العود هجان مير ازهله باعطيه وسم بجبينه=ماعاد ينفع لو يقل ليت ماكان المهآجر = جدي له الرايات تخفق مكينه=امسيلمه معروف في العرف نيشان موج = جاك المحلق بالبيوت الثمينه = وفي حضرته القاف يزها بالالوان المهآجر = وانته بليا جد لو عارفينه=نقول تكرني ويرقص بزيران بن منشـآر = ابشر على موتره تسمع حنينه=وتنزل زيوت القير مع كل شكمان المهآجر = اما انت ياضب الجبل هاجدينه= لوهو بجحره يطلع بفعل دخان يطلع وهو مصدع عسى الله يعينه=يبي مسكن لكن الجسم عريان بن منشآر = العود هرب من توالي سنينه= ماغير كنه هرش بالبر هربان والا كما موتر سمعنا ونينه= طالع مع ديراب بالحمل مليان موج = فلاح قالو ربعنا الاولينه =الطيب لا تقابله بيات نكران المهآجر = وإلا انت يالثعلب يخفي ونينه= لو لف ذيله واضح بكل الالوان داعي = أبمسكك ياعود عندي رهينة = و اربطك من عند الاذاني والامتان بن منشآر = ياموج هذا العود ماتعرفينه=سنجاب في شجره يكسر بالاغصان المهآجر = هذي شذا او زهرة مستكينه= القاب واجد لكن بنفس عنوان ياسعود وين النعل من سارقينه= طول العمر حافي وناحل وجوعان بن منشآر = مادري علام البنت هذي البدينه=تبي تشب النار مابين شيبان دآعي = الين تعرف وش يسار ويمينة = وعندي فلاح القرم حامي و صنيان موج = والعود تدريبه وحن عارفينه = محدٍ لفى بحره وجاء منه سلمان بن منشآر = يابنت تيار الهوى تشركينه= كنك سجاح وصار للعود روجان سق ياسعود النار في كل دينه=وارسل صواريخك على راس عثمان المهآجر = منشور ما ينشر بنخله ولينه= ماعاد به نصل ولا فيه اسنان دآعي = طاحت سنون العود و ايضا يدينه = ماعاد به حيلة على المشي يا فلان المهآجر = مثل طراطيع لحماس المشينه= جتهم طيايرٍ تهدم للاركان بن منشآر = علمي سمع به يوم راعي جهينه=من قبل ماتولد وياجيك خذلان موج = فلاح لازم من يقصص يدينه = وداعي خذلني جاء وللحكي طربان المهآجر = صاروخك اللي تدعي مبطلينه= وصاروخنا يضرب مناشير خذلان بن منشآر = موج القصيد اليوم صارت سجينه=والعود يرمي كنه الشيخ سرحان موج = وحكيك رجعلك ماحن ابحاسبينه = مير انتبه الحكي يوزن بالثمان المهآجر = الموج موج ومغرق للسفينه= احذر ينوشك دام في البحر طبعان دآعي = عايش وحيد وفيه غبش بعينه = ما غير يرقل كن صايبه توهان بن منشآر = الفوز ماحنا لكم تاركينه=ثار الشبابي كنه اليوم طوفان المهآجر = دور نعالك فالبدو ماخذينه=وحدد من المتهم وثبت ببرهان ين منشآر = حنا كلينا الي لكم طابخينه=ماعد بقي الا عظم وسبال خرفان صوت الاحساس = الفوز ماحنا لكم تاركينه=ثار الشبابي كنه اليوم طوفان موج = ماني بمن يسجن ولاني رهينه = اوردك للماء وارجعك عطشاان المهآجر = اما انت يالمنشار بالراس تينه= لابد نقطفها ونعزف لدنان موج = فلاح عالي جاه الله يعينه = وداعي الين الحين نعطيه الامان المهآجر = ياصوت جنب كان تبغى السكينه=الموج هايج وانت بالنبع غرقان بن منشآر = عود الفتن ماغير نسمع طنينه= ياكل من العثرب تقل راس ثربان موج = وكانه نوي يكل تجيه السخينه = نكويه كيه تنتفض منه الامتان دآعي = يا موج لك عندي معاني ثمينة = و انتي ثمينة ما تقدر بالاثمان بن منشآر = ماودي اجرح زهرة الياسمينه= والا معي بارود يلهب بالامتان والعود فوق الراس ماحدن يهينه=ماغير هو بالشعر تقلون ثعبان المهآجر = بندقك ترمي خلف بعر ودمينه=والموج يغرق من قرب دون حسبان بن منشآر = شوفو سوات العود ياهل السمينه= امدح وهو هاوي الحطيئه وغلبان المهآجر = محدٍ يهين العود ياجاهلينه=يرمي صواريخ الغضب كوم واطنان بن منشآر = وش فيك كنك صاب راسك خزينه=تنفظ رصاصك كنك اوليد خرمان المهآجر = اعرفك حصني لوذته مستكينه=ماينومن ذيلك تلفه بخلقان بن منشآر = بطين قلبه صار ضني اذينه=ماعد يركز تقل ماطور شرقان المهآجر = ومصرانك الأعور شكى من حنينه= يبي له الكيه تعدله بوزان لا انتاب من حرب ولا من جهينه= الأصل تكروني لفى عند بنبان موج = اليوم يومٍ ينحسب من سنينه = فلاح ما ينسااه لو طول ازمان المهآجر = مانيب خايف يالعقول الفطينه= اضرب على الكايد والحقه فلحان موج = والطير حلق بالقوافي الثمينه = يكتب بيوت الشعر ببداع فنان بن منشآر = ابشر بمن يطويك كيه مشينه=ياعود سامحتك واثارك لك السان سناعيس = ياناس وشب العود مزعج ونينه = كنه حنين الفكس ويجل وخربان موج = رجع يدندن بالبيوت الحزينه = فلاح ارحم روحك اصبحت حيران بن منشآر = والصعوه الي ماتسيب القرينه=باصخها كفين من جمر خزان موج = سنعوس الا العود جنب يمينه = تراه هذا اليوم قايد وربان بن منشآر = العود ماينفعك لو زاد زينه=مخضوض وسط الناس من رمي محجان سناعيس = فلاح اقشط كل شخص بعينه = ولايهمك لوبدا منه اذعان المهآجر = الهرش لو ساعدك ماهو ضمينه= ياسرع ما ينحاش في البر جوعان سنآعيس = ياموج عودك كلهم مشتكينه =مايخلي الفتنه مثل طير برمان محمد بن عمآر = والله انا مالي ومال الضغينه = مايدخل بين اثنين ياكود شيطان المهآجر = الموج كافي يغرقك من دفينه= فاحذر وحاذر كل موج بطغيان موج = اللي على وضح النقى مستهينه = يبشر بسوطٍ يلهب اطراف لمتان والل يقل مالي ومال الضغينه = محمود قوله ليت يسمعه فلحان بن عمآر = الله يرحم مزنه المستهينه = ماتت وهي تحش في وسط ريضان سناعيس = لانته ولا موجك تشيلو سفينه = قبطانها فلاح لاجاك زعلان بن منشآر = يابنت ليت لسينك تمسكينه= والا ترى باعطيك من راس دكان بن عمآر = ماعاد لي في القاف زينه وشينه = من صار الوكر مليان ديبان بن منشآر = اللعب ماهو انتي معي تلعبينه= ماينشرب مع راعي الزيف فنجان المهآجر = ورطك هرش تايهٍ في الدفينه=واصبحت وحدك طايحٍ بين جدران موج = القاف له ناسه وله عاشقينه = وانا بدعت الشعر في كل ميدان والعب ماني له وحن عارفينه = اللي شغله العب واعيته لحزان سناعيس = صقر مزور مركب له مكينه = ويشحن على الكهرب مع العاب بزران بن عمآر = الله يجير اللي تباها بزينه = والقاف ماله لون في بعض الأحيان بن منشآر = العود لامن ضاق واظهر كنينه= كنه يسوق الابل تايه بصمان المهآجر = من لاعب الخفرات ربي يعينه= يخدعه شوف ما يحسب لحسبان موج = صدقت بعض القاف محدٍ ضمينه = حتى ان بعضه ينكتب دون ميزان المهآجر = اسوق جمع ذياب لي مستكينه= وانته تسوق اللي يسمى جحيشان بن منشآر = العود لامن مات لاتقبرينه= سجيه للذكرى معا جوز غربان سناعيس = ياموج طيرك كلنا خابرينه = يقلب عليك ولو حلفتي بالاديان بن عمآر = القاف من نظمه ترى خابرينه = وما كل من قال الشعر صار فنان سناعيس = ومحمد العمار الله يعينه = لاجاه مثل الطير بالسطح طفشان المهآجر = اللي ببطنه ني يظهر كنينه= والفوح يقطع سم عقرب وديبان بن عمآر = ياطير ياللي لج راسي طنينه = مالك ومال الحوم من غير جنحان بن منشآر = مانته بتحليلك موفق وزينه=مشحون من كهرب على الروح نزحان المهآجر = لانك مثل بوم مشى في هوينه= يخاف صقر حايم حول الاغصان بن منشآر = دبور مانتسمع الا زنينه= وريحه كما السنجاب من خلف كتان المهآجر = مانيب مثلك باشتراكٍ حنينه= وإلا يدفونه إذا صار عطلان السع ذنب كبشٍ يثرثر دمينه= كوده يوقف ما ينجس للاركان ترطن وترطن لو عجنت العجينة = طبخك بليا ملح يالبيه عمران سناعيس = لاجا يتشمس ياجماعه بطينه = ماكنه الله كورة بين سمران بن منشآر= حسبي عليك الله يابن العيينه=حركت روث البل واصبحت طفشان المهآجر = الروث اطهر من نجس فار طينه=نغسله من سبع وسبعٍ ولا زان بن عمآر = الظاهر ان العود عنده قرينه = قام ايتخبط مثل من كان عميان موج : لاهو قدر ينزل ولا احدٍ يعينه = ينطر فرج ربه ويدعي يا ديان سناعيس = طيرك غدا يابنت مثل الحزينه = اللي لقت مطرح وفرحت به ازمان موج = سنعوس ريض مانتم ابطايلينه = مغير لاعبكم وهزيتو امتان المهآجر = والخاتمه ياهرش ضيع جنينه= امش بعدال ووصل الخط خيطان سنآعيس = ياطير جنب لاقشطك بحينه= ترا الصريح يلاخسك تقل نيشان المهآجر = لو يجتمع كل الملا بتعدينه= ما ياصلون الطير لا فل جنحان |
|||
|
|
21-01-2009, 10:25 PM
|
رقم المشاركة : 2 | ||
|
|
صح لسانكم جميع |
||
|
|
|
22-01-2009, 09:19 PM
|
رقم المشاركة : 3 | |||
|
|
|||
|
|
|
23-01-2009, 01:51 AM
|
رقم المشاركة : 4 | |||
|
محاورة رائعة |
|||
|
|
|
23-01-2009, 05:53 PM
|
رقم المشاركة : 5 | |||
|
11111111111111111لله عليكم إبدعتوا |
|||
|
|
|
24-01-2009, 11:24 PM
|
رقم المشاركة : 6 | |||
|
لـو يجتمـع كـل الـمـلا بتعديـنـه=مـا ياصلـون الطيـر لا فـل جنحـان |
|||
|
|
|
01-02-2009, 12:02 PM
|
رقم المشاركة : 7 | |||
|
هههههههههههههههه |
|||
|
|
|
02-06-2009, 08:12 PM
|
رقم المشاركة : 8 | |||
|
صحت السنتكم |
|||
|
|
|
04-12-2010, 12:48 PM
|
رقم المشاركة : 9 | ||
|
|
مشكور |
||
|
|
|
05-12-2010, 10:11 AM
|
رقم المشاركة : 10 | ||
|
|
وفقك الله |
||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
محآورة الكتآبي الأربعآء 21 -1
تمت هذه المحاورة الجماعيه في مساء الأربعاء 24/1/1430
