طري العــ 1430 ــود

[محمد بن عمار]

لملامسة مشاعركم المحلقة
في سماء الابداع واستهلالية العام الهجري الجديد
هنا مشاركة للولوج الى ردهات افكاركم الواعدة ...
=========

((( طـــري الـعـــود )))

هلا ًبالريم يوم أقبل .. يسابق ظله بممشاه = تخثعّ بالخطى خايف . وهوفي منطقة مرماي
هلا والشوق له حيّاه من مسراه إلى ملفاه = مثل شوق الزروع اللي شكت من غيبة السّقاي
عيونه ترمش المعنى . وقلبي بلحظها يقراه = إلى جت عينه بعيني تترجم قصدي ومعناي
طري العود رعبوب ٍ جماله والحسن أطغاه = وسهم الموت في النظرة متى ماطالعت بأغضاي
متى ما ابحرت بعيونه أغوص بعمقها والقاه = بعيد ٍ ما يوصّلني قرارة . هاجسي ومناي
تموت البسمة ويعجز لساني وصفها بشفاه = وتخون الذاكرة فكري وأحمّل غلطتي دنياي
وترى الأيام حبلى و الليالي تنولد أشباه = تصاريف الدهر والوقت حدّ تني على أقصاي
على صفحة جبينه ينعكس نورالقمر بضياه = ينوّر لي ظلام الفكر... لحظة يبتدي مسراي
سريت بهاجسي لأجله توغّلت بمحيط حماه = أروّض مهرة أفكاره تعود لموطني وحماي
اسافرمع خيال الشوق سابح في بحور رضاه = أجدّف بالغلاء والحب يستقبلني بمرساي
إذا خذت القلم كل القوافي من يدي تخشاه = تقول السمع والطاعة وفيما قلت هـذا امضاي
أعسف القاف والمعنى بكيفي آمره وأنهاه = أطوّع نايفات القيل . وهذا في الشعـرمبداي
وانا مالي مرام ٍ كان فكره مبعـد بمغـزاه = ولالي في الهجاء إلا ّ ان تبلا ّني سفيه الراي
عرفت الرجل بأفعاله تدسّم شاربه يمناه = ودرب ٍالعيب و المنقود عن مشيه تشوم خطاي
وعرضي ماتدنّس يوم كل ٍ هاجسه أغواه = حفظت النفس عن عوج الدروب بفعلي بيمناي
كماعد ٍ قراح ٍ ماورد ماه ! الدلو . ورشاه = متى ما فاض جمّي ترتوي شهب القفار بمـاي
ورثته عن رجال ٍ درّسوني العلم من مبداه = وطابت سيرتي من طيب أبوي وجدي ومجناي
ومن يشري رضاي بدين . نقد ٍ إشتريت رضاه = فداه اللآش دامه ماتغالا في العمر مشراي
عزيز ٍما اصاحب غير من مثلي عزيز الجاه = يثمّن طاعة الله والردى ماهوب . به مشّاي

محمد بن عمار

[منيع]

أطوّع نايفـات القيـل . وهـذا فـي الشعرمبـداي

وانت كذالك
قول وفعل ياابن عمار
كم انت رائع
كل الود والتقدير
تحياتي

محمد بن عمااار

مبدع ومتمكن وجزل

قصيده راائعه جدااااا

تدل على شااعريه فذه

لا يمتلكها الكثير

لله درررررررك

ولا هنت

موج القصيد

[نجم الإبداع]

الله الله

الله عليك يابن عمار


صح لسانك يامبدع

انت تعزف على الحروف بدقه لتصل كاصوات البلابل الى القلوب

شهادتي فيك مجروحه يا محمد

ولست هنا الا لاسجل اعجابي

لاهنت


تقبل مروري

وودي

[عبدالله الشويمان]

الاخ محمد بن عمار

ما شاء الله عليك..بحر يتلاطم صح السانك وعلا شأنك.

نص راقي وسلس وجزل يا الجزل.

دمت بخير ولا هنت يا الغالي

[عبدالله راشد الثويني]

شاعر مُبدع
شاعر متألق
كنت متأكد من روعتها حتى قبل دخولي وقرائتها
أعتدنا منك الإبداع وليست بجديده عليك
صح لسانك مليوون ولا يكفوون
وعساك تعود السنه وانت بصحه وسلامه
كل الوُد لشخصك الكريم

[عذب القوافي]

صح لسانك أخي / محمد نص وافي وعوايدك الجزال يالغالي

مودتي ,,,,,,,,

[داعي الشوق]

كفو كفو يا بن عمار

صح لسانك و إعتلا شانك يا عالي الشان

إبداع رائع و تصوير جميل

صح لسانك مع التحية

،،،،،،،،،

[سناعيس]

صح لسانك يابن عمار
ولله درك على هذه الرائعه
ولاهنت

تحياتي

[منصور العبدالله]

طري العود رعبوب ٍ جماله والحسـن أطغـاه
وسهم الموت في النظرة متى ماطالعت بأغضاي
متى ما ابحرت بعيونه أغوص بعمقها والقـاه
بعيد ٍ ما يوصّلني قـرارة . هاجسـي ومنـاي
تموت البسمة ويعجز لساني وصفهـا بشفـاه
وتخون الذاكرة فكري وأحمّل غلطتـي دنيـاي


الله الله

وش خليت يابن عمار


صح لسانك ملايين

تنهل من نبع صافى عذب

لله درك