ولــــه

[نافع بن محمد البويت]

جتني تعاتبني على غير عاده=تشكي معاناة الوله في هواها
فضّت حروف وجرحتني زياده=بانت مشاريه الهوى من شفاها
شافت وله مجنون صعب انقياده=طالت ليالي موعده ماوفاها
صارت تشد الشعر شد القلاده=عض الاصابع نادمة وش حداها
قالت عليه الليل طول هجاده=جيتك بعد آخر شموع خذاها
اناضر الساعة وكوعي وساده=قمت اتسلى بصورتك من غلاها
ما جيت تنشد عني تاخذ الافاده=يالمفتري حبيبتك وش بلاها
قلت اتركي زود العتب والنكاده=لا تشرحي للنفس عما خفاها
لاتجعلي ظنك يرافق اعناده=كفي دموعك جرح القلب ما ها
لمت بقايا بوحها في ركاده=وخلت دفاتر ظنها من وراها

[الأموره]

البويت ..~

هطول جميل ..~

و أبيـآت رآئعه ..~

صح لسـآنك ملآآيين يخوي ..~

سلمت و سلم فكرك ..~

ألف شكر لك ..~

دمت برعآية الخآلق ..~

[الطائر المهاجر]

صح لسانك وقلبك
ولا هان راسك
جزلة من جزل وشاعر مبدع
فضت حروف (او فاضت) فربما يكون خطأ مطبعي
لاهنت
تحياتي

[نافع بن محمد البويت]

اختي الامورة اخي الطائر من العايدين واشكركم على مرورك
اخي الطائر بالنسبة لمفردة فضت بالضاد المشددة حفظكم الله

[الطائر المهاجر]

لاهنت
ومشكور على التوضيح
وياليت الحرف اللي عليه شده
او تنوين توضع عليه لتسهل المهمة للقارئ
تحياتي

[الطامي]

نافع البويت
صح السانك اخي
وافية بالحيل لافض فوك
شكرا لك لاهنت عيني

[نافع بن محمد البويت]

ابشر من عيوني

[منيع]

ابيات رائعه
وتستحق الاشادة
دمت مبدعا
تحياتي لكم

[نافع بن محمد البويت]

اخي الطامي(منصور المري) عيدك مبارك لك تحياتي
وانت يا اخي منيع(ابراهيم بن حمد)عيدك مبارك تقبل تحياتي

[ام العمده]

نافع

صح لسانك واعتلا شانك
ابدعت
دمت بخير