{الــذكـرى الـعـظــيـمــة

[مهدي الحبابي]

إليكم مع التحيه والتقـديـر

بمناسبة ذكـرى البـلاد العظيمـة = ذكرى النصر ذكـر توحـد بـلادي
اليـوم ذكـرى معجـزاتٍ قديمـه = وذكرى فخر وتعد ضمـن العيـادي
ذكرى المؤسس والصبر والعزيمـه = ونصرٍ كبير ونصر ما هـو بعـادي
يوم أن ابو تركي أسترد الوسيمـة = ومن اجلهـا معـاد ذاق ألرقـادي
وسيمته ما هي علـى خـد ريمـه = وسيمـة ورثـه ولجلـه يـفـادي
ورث الفخر ورث السيوف الصريمه =اللي لجلها خاض حـرب وجهـادي
ومن أجلها لأرواح راحت قسيمـه = وبالعز والتوفيـق نـادى المنـادي
نادى المنادي بعـد رفـع الظليمـة = رفع الظليمة في صبـاح وهجـادي
رجع أحقوقـه بالعـزوم الهميمـه = وعاد الشداد لمستحـق الشـدادي
ولم الشتات وحارب أصل الجريمـه = وحكم كتـاب الله وبالأمـن سـادي
ومشوا على نهجه قلـوبٍ رحيمـه = رحمه على الطيب كعـام المعـادي
وفي حكمهم ما جات فرحـة يتيمـه = لأفراح في دار أخو نـوره جـدادي
دار العظام تصيـر دايـم عظيمـه = ونور الأمن يجلا حلاك السـوادي
وفي ظلهـم للشعـب راي ٍ وقيمـه = في ظل من حكمه ورايـه سـدادي
اللي كسب حـبٍ وقـدر وحشيمـه = قائـد محنـك فالشدايـد قـيـادي
راعى المواقف والنوايـا السليمـه = عبدالله الغالـي بـه الكـل شـادي
قائـد مسيرتنـا بحـزم وعزيمـه = صقر العروبه فالمواقـف ريـادي
قائد مسيرتنـا عسـى الله يديمـه = ويديم ابـو خالـد كريـم الأيـادي
اللـي مواقيفـه بغيـره عديـمـه = درع الوطن حر ٍ يعـرف الهـدادي
مدات جـوده غيـث هتـان ديمـه = يشبع ويكسي ذا الكـلام الوكـادي
يرفع عن المحتاج ضلـم الهزيمـه = ويبـدد أحزانـه بلبـس الجـدادي
وبمناسبة ذكـرى البـلاد العظيمـه = حبيت اشارك يوم نـادى المنـادي

{ مهدي بن مسفر الحـبـابي **

[منيع]

بارك الله فيك على هذا الحس الوطني الرائع
تحياتي وتقديري

[نجم الإبداع]

الله الله

صح لسانك يامهدي

مصاغحه وافيه من وافي

ابدعت ياشاعر

وكل عام وانت بخير

تحياتي وودي

[مبروك بن ماضي]

أنعم بالشعر والشاعر
وأنعم بموضوع القصيدةِ ما أجلّه
أدام الله هذة البلاد الطاهره بعزٍ ومجد
أجل التحايا وأكثر لك شاعرنا القدير

[حي الضمير]

صح لسانك يامهدي ابدعت كعادتك
ولاجديد يامتألق والوطن يستحق الابداع
سجل الاعجاب والتقدير الدائم

[حمد العيد]

العزيز والغالي/ ابو نواف

لله درك وبيض الله وجهك على هذا النص الشامخ بشموخ مملكتنا الحبيبه

صح لسانك مدد

ودي وتقديري

حمد العيد

[داعي الشوق]

صح لسانك يالشاعر مهدي الحبابي

قصيدة رائعه بروعة شاعرها

والوطن له فضل كبير ويستحق ذلك

وافي يا مهدي وما قصرت

صح لسانك مع التحية لك ،،،

[عذب القوافي]

صح لسانك أخي الشاعر الجزل / مهدي الحبابي

نص عالي أخضر

لله درك يالغالي

تقديري,,,,,,

[الطائر المهاجر]

امتعتنا بهذه الوطنيه الرائعه
وللوطن حق علينا
صح لسانك
ولاهنت
تحياتي وتقديري

[سناعيس]

مهدي الحبابي
صح لسانك على هذه الوطنية الرائعه
كعادتك جزل الله لايهينك

تحياتي