17-05-2008, 11:42 AM
|
رقم المشاركة : 1 | |||
|
السلام عليكم ورحمـة الله وبركاته
واوجودي وجد منهو راح ناوي للزياره=للرياض العاصمه يا الله عسى خيره يديم وسط زحمات المواتر صار تايه في مساره=تايهً(ن) من غير وجهه فاقد الدرب السليم من يشوفه في مساره قال ذا ياخوك طاره=طايره عيناه كنـٌه داخل السكه فهيم مادرى إنه مايفرق بين طلعه وانحداره=مايفرق بين لفـٌه او طريقً(ن) مستقيم بين كبري وبين مخرج والتقاطع والاشاره=يا الله إني داخلً(ن) بك يالطيف وياعليم كل ماجيت التقاطع حان وقت الاستخاره=وين أوجه كل درب في عيوني (سيم سيم) واوجودي يا الرياض ليلها شابه نهاره=قمت افكر كيف عايش من بقى فيها مقيم والبشر ماترجهن مابين روحه واستداره=طايره في وسط عجٌه مثل ذرات الهشيم قالها اللي مايتابع للتطور والحضاره=كل ماناظر لمنظر راح في قافه يهيم يوم شفت الفيصليه قلت ياطول العماره=اشهد أن اللي ملكها ماشكى الحظ العقيم رحت سارح با المعالم والمناظر والاثاره=كل من ناظر لشكلي قال صحصح ياغشيم قلت مالي غير (أُجـره) ياعسى فيها جداره=دلنٌـي ياجعل ربي يرزقك خير ونعيم لي حوالي فوق ساعه كل لحظه وسط حاره=وين الآقي يارفيقي مايسمى با النسيم قال تابع موتري وارفع على ضو الإناره=وادفع اللي تدفعه وانت رجالن كريم صرت مثل اللي مبشـر يا النشاما في بشاره=مثل من حصل مراده في دجى الليل الظليم رحت للشقه عيوني ينطلق منها شراره=صرت ماسك للمخده كنٌها الخل الحميم وفي منامي زارني من طال بعده وانتضاره=نور قلبي غايتي في ظلمه الليل البهيم في خفوقي زاد قدره واشهد ان القلب داره=نظرته تبعد همومي تشفي الجرح الأليم لو رحل يعلن خفوقي من بعد هجره دماره=واعذابي كيف يهجر عادته فيني رحيم يشهد الله وسط قلبي صرت باني له مناره=أعشقه ولا عليٌه من عذولي واللئيم يامر وينهي وقلبي ينتظر منه الاشاره=يقتلب عمري بدونه من نعيمه للجحيم يوم زان الحـلم ، جاء من يحرق أحلامي بناره=صاحبي تنوج جاني قال أصحى ياسقيم حاس حلمي واعذابي راح من طال إنتظاره=ياعسى ربٌي يعوضني بجنات النعيم وسلامتكم والعذر على الإطاله تحيتي |
|||
|
|
17-05-2008, 01:19 PM
|
رقم المشاركة : 2 | ||
|
|
الشاعر الجزل/ عبدالله الثويني
مرحبا(ن)بك يالثويني والمدن فيها مراره=نمت ليله في كنفها سوت الشي العظيم كيف عقدين(ن)مظت لي عيشت موّظف إداره=من كباري لي كباري ماش درب(ن)مستقيم ياماجينامن وسطهانحسب الحاره شطاره=وإحتجزني سيد واقف واحسب إن قلبي فهيم وياماياماعشنا فيها ذقنا حره مع غباره=الصبردامك موظف بكره يفرجها العظيم |
||
|
|
|
17-05-2008, 02:10 PM
|
رقم المشاركة : 3 | ||
|
|
كل ماجيت التقاطع حـان وقـت الاستخـاره |
||
|
|
|
17-05-2008, 05:22 PM
|
رقم المشاركة : 4 | ||||||||||||
|
|
||||||||||||
|
|
|
17-05-2008, 07:40 PM
|
رقم المشاركة : 5 | ||
|
|
هههههههههههههههه |
||
|
|
|
18-05-2008, 12:28 PM
|
رقم المشاركة : 6 | |||
|
اثويني |
|||
|
|
|
19-05-2008, 05:52 AM
|
رقم المشاركة : 7 | ||||
|
اقتباس:
شاعرنا المُبدع ، بن خزيم لتواجدك نكهه خاصـه ـ كل الشكر على مرورك وصح لسانك على هذه الأبيات الرائعه وعسى الله يكون با العون تحيتي |
||||
|
|
|
19-05-2008, 05:53 AM
|
رقم المشاركة : 8 | ||||
|
اقتباس:
صح بدنك يا الغالي شاكرك لك تواجدك وعسانا ماننحرم من ها الطـلٌـه تقبل وُدي |
||||
|
|
|
19-05-2008, 05:54 AM
|
رقم المشاركة : 9 | |||||||||||||
|
اقتباس:
صح بدنك يا الغالي كل الشكر على تواجدك العذب ماننحرم منك تقبل وُدي |
|||||||||||||
|
|
|
19-05-2008, 05:55 AM
|
رقم المشاركة : 10 | ||||
|
اقتباس:
كل الشكر على تواجدك ماننحرم منك وُدي |
||||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
شاف برج الفيصليه قال ياطـول العماره . .
رد: شاف برج الفيصليه قال ياطـول العماره
