فياقرا 2002

[عبدالرحمن بن زهير]

اخواني إليكم هذه الأبيات وفيها نوع من الطرافه اتمنى ان تحوز على رضاكم.....

يـا زين مـادامـك على البعد ناوي=عندي طلب واستسمحك تسمعه زين
لا جيت ترحـل رد قـلب الـشقاوي=مافيه داعـي تاخذه يا اريش العين
خله ترى مـا فـيه غيـر البـلاوي=متجمعه من سـبتـك قبـل عـامين
من يوم شفتـك و انـت لابس سماوي=يومك سألت الشارقـه دربـها وين
في موترا "ن" لونه كما عود جـاوي=فيـاقرا مـوديـله الفـين واثنـين
وقفت لـك وانـا بددسـن عـراوي=واقـول واويـلاه ياحـظي الشين
وشلـون اكـلم لابسـات الـغطاوي=اللي حلاهم يقسم القـلب نـصفين
وانا بعد مـن فـوق هـذا حـياوي=ولا كـاوي الغتره ولا لابسن زين
قلت اتبـعني والـطريـق أمـتساوي=مافـيه لـفات "ن" من يسار ويمين
واوصلتك اقرب منطقه وانت نـاوي=تمشـي ورايه غصب لدبي والعين
وكتبت لك رقمي بكـرت الـعطاوي=خـويي الـلي كـان يطلبني بدين
ماكنت اظـنك مخلـفاً للـهقـاوي=وتحدني صوب البـهـاذيل والبين
لكن فـمـان الله مـادمـت قـاوي=مـاعادبه يـامرحبا الساع واهلين

"""هذه لقصه ضرب من الخيال""" تحياتي عبدالرحمن بن زهير

[نجم الإبداع]

ارحب ياعبدالرحمن

خيال جميل

ومصافحه راقيه

صح قلبك

ابدعت ياشاعر

لاهنت

فائق الاحترام

[عادل العتيبي]

هههههههههههههه



الله الله الله



ابداع × ابداع


صح الله لسانك يالقرم

وما قصرت


قصيدة تستحق القراءة اكثر من مرة لجمالها ولطرافتها



اسمحلي احتفظ بنسخها منها في جهازي


تحياتي لك

[صعبة المنال]

االعنوان يجيبك عن بعد 2000 كيلو

صح لسانك


صعبة المنال

[علي محمد العتيبي]

الله الله

ياسلام عليك ياعبدالرحمن

ابداع

ابداع

لله درك من رائع

قصيده كايفه

من نوع السهل الممتنع

صح لسانك ملايين


اعجابي واحترامي

[الطامي]

بن زهير
صح السانك
ولاهنت
ابيات طيبة من طيب

صح لسانك

قصيده جميله ورائعه
كل الشكر لك

دمت بخير

[صوت الإحساس]

هلابك وبحروفك


أبداع وإمتاع




لاعدمتك





لك الود والتقدير

[ماجد الزيد]

صح الله لسانك وجاد بنانك اخي عبد الرحمان نص كايف ورايق مره
صح الله لسانك حتى ترضى
تقبل ودي وتقديري

[ســُلاف]

وقفت لك وانـا بددسـن عـراوي
واقول واويـلاه ياحظـي الشيـن
وش فيه العراوي يأدي الغرض طول بالك
بس عارف المشكلة وين؟؟
انك
ولا كاوي الغتره ولا لابسن زيـن
بن زهير استمتعنا بقراءة ابياتك
صح لسانك