ابرحـل إلى النسيـان ....الكوخ المهجور بالصوت

[الطائر المهاجر]

ابرحـل إلى النسيـان لا تنشدي المقهور = عن اللي جرى له او على ويـن مشـواره
واذا من نشدك الناس عن كوخي المهجور = قـولي لهم هـاجر ولادري عن اخبـاره
ابخفي جروحي في جناحٍ غـدا مكسـور = وادوّر بقايـا طفـل فـي داخلـي نـاره
اذا من تحـرّك يوهـج القلـب كالتنـور = اهاديه لا يغضب ويخـرج عـن اطـواره
أسولف واغنّي له واقول الدمـع معـذور = مدامك فقـدت اللـي يراعيـك بانظـاره
يجاوب بحرقه توضح انّه كما المقبور = جسم حـيّ لكـن تنعـي الـروح زوّاره
سنين العمر تاهت على عقدهـا المنثـور = احـاول اجمّـع مـا لقيتـه مـن اثـاره
انا لا ذكرته اوجس القلب كالمعصور= يحارب جيـوشٍ تنـوي اليوم بحصاره
مابين الحزن والياس واقف كما المأسور = يطالع بحاله واعلن الوقت اعسـاره
خسر كل شي لاجلها مـا سمع للشـور = خسر حلـم كان بيوم يبقيه بدياره
يحسب الزمن يصفى وثاري الزمن معذور = فحنّـا سبـب جـزره ومـدّه واعصـاره
نفوسٍ تغيّر بالمبادي بلا محذور= فلا عاد يفرق بومهـا اليـوم واحـراره
ولا عاد به في الحب شـرعٍ ولا دستـور = فكـلٍ يغنّـي عـازفٍ أكـذب اوتــاره
نست حب يجمعنا بعفّه علـى الميسـور = نست يوم قالت انت لي الكـون وانـواره
كلام كثيرٍ لين مـا اصبحـت كالمسحـور = تبيعه وانا اشري وادفـع العمـر لغبـاره
وترحل وانا مدري وترسل ثـلاث سطـور = "نصيب ومقدّر ينتهي الحـب واسـراره"
حبيبي تعال اليوم واكشف عن المستـور = من اللي شرى قلبـك وخاويت لاطياره
لتشطب على قلبٍ شويته كمـا العصفـور = بلا ذنب غير انه وطـى لاجلـك اخطـاره
ابرحل لعل انسى واذا غبت سبع شهـور = فصلّي على الغايب رحل لاخـر اسفـاره

[مبروك بن ماضي]

الطائر المهاجر :
شاعرنا واستاذنا القدير
صح لسانك وجاااد بيانك
لانملك أمام هذا النص الشعري الجزل
غير الاعراب عن مشاعر الاعجاب المتجدد بماتخطه يمينك
أدامك الله بهذة الشاعرية الفذه ودمت بخير حال
مرووووووووووووور تلميذ
تفضل بقبول تحياتي واحترامي الكبيرين ،،

[الصريح العتيبي]

استاذنا القدير/الطائر المهاجر-----------------سلمه الله
صح لسانك واعتلى شانك دام الابداع حليفك شامخه بشموخ شخصك
سجل اعجابي وتقبل مروري ودمت بصحه وسلامه

[هاجس نجد]

دكتورنا الحبيب / الطائر المهاجر
صح لسانك وعلا شأنك
نص جميل وراقي كما عودتنا على تقديم الأفضل والأجود
سلمت وسلم نبضك ودام عطائك
أهديك تحياتي وتقديري لشخصك الكريم
أخوك
سعـــد عبــد اللـــه العبيـــد

[داعي الشوق]

الله يابو عبدالله
عيني عليك باردة

قصيدة حركت مشاعر ووجدان

ولي عودة للرد بما يليق لهذه الرائعه أستاذي الفاضل

تحياتي مع التقدير ،،،

[هندي العتيبي]

الطائر المهاجر

ابداع وجمال

قصيده جزله من شاعراً جزال

ولاعدمناك يا استاذنا

[الخنساء]

صح لسانك مشرفنا ر
لاهان راسك قصيدة رااائعة
ترجمت لوعة الاحساس
سلمت وسلم شعرك
دمت بخير

[سناعيس]

الطائر المهاجر
صح لسانك على هذه الرائعه والجزله
والله لايهينك
تحياتي

[المؤمن]

سلمت اناملك ... كلمات رائعه واسلوب بالكتابه اروع

يعطيك الف عافيه ...


في انتظار يديدك الى الامام ...


تقبل تحياتي

[فيصل]

رائع حقا ما سطره قلمك الراقى

سلمت ولاندمت