وباء كرونا المستجد 2019

[الطامي]

الا يالله يابا الجود ربي = عظيم الشان في عليا مقامه
هو المالك هو القاهر ولا له = شريك بالتفرد في الزعامه
هو القيوم وله الحمد دايم = هو الرحمن في يوم القيامه
سبحان اللي يِحيي اموات بالو = وكلن كامل بلحم وعظامه
هو الجبار خالق كل شئٍ = منزّه جل شانه في كلامه
عزيز الملك يعلم كل خافي = من التفكير لأكبرمن عَدامه
ويرزق كل خلقه مايبالي = لاكن رضاه للمسلم علامه
والا يالله حنا من عبيدك = هل التوحيد مأموم وإمامه
طلبناك المغفره من ذنوبٍ = كثيره وانت رحمَن القيامه
ترفع عنا الوباء بعد ان غزانا = فأنت اللي تزيله مع حطامه
ونسلم من كورونا والأوامر = من الآمر وحن نسمع كلامه
يقول احذر تجي ثالث ثلاثه = ولو في مسجد شيد مقامه
وإذا جاتك من الدوله اوامر = فيها التنبيه للعاقل علامه
فخلك من بعيد في سلامك = ايلين الله يبعد هالغمامه
والزم جدر بيتك لاتجوّل = ترى في جلستك ايضاً سلامه
وطبقنا يالله انك تحفظنا = من الأمراض والشر وسهامه

[الطائر المهاجر]

صح لسانك
وهذا ابتلاء من الله بسبب كثرة ذنوب العباد ليعلم الصابرين
لاهنت
تحياتي

[الطامي]

صح بدنك دكتور
نعم هو ابتلاء ... الله يرفعه عن المسلمين
شكرا لمرورك
ولاهنت

[منيع]

جزل ورائع
رفع الله البلاء عن هذه الامة
تحياتي لكم

[الطامي]

منيع
شكرا لك لمرورك
والله يرفع عن المسلمين البلاء وينصرهم على اعداء الاسلام
لاهنت

[داعي الشوق]

اللهم امين
وصح لسانك ابومحمد

قصيده معانيها وافيه
الله يلطف بعباده ان شالله
وصح لسانك

[الطامي]

اهلا بو سعد
صح بدنك
اللهم امين يلطف بعباده من كل شر

وشكرا لك لمرورك
لاهنت

[بنت النور]

الحمد لله على ماابتلانا وان شاء الله تخفيف لذنوب العباد
كفانا من الشرورفع البلاء
صح لسانك قصيدوافيه
لاهنت
تقديري لك

[نجم الإبداع]

صح لسانك ابا محمد
واجارنا الله واياكم ورفع عن الامه هذا البلاء

[سناعيس]

صح لسانك وبيض الله وجهك
اللهم ارفع الغمة عن الأمه

تحياتي