يالله عساني لاهرجة بمقاله

[الطامي]

لو كل مايطري للأنسان قاله = بذ بخفايا الناس قول السنتها
لكن على ماقيل حاله وحاله = وتعرف عقول العارفين بسمتها
بعض الكلام الزين لاجاء بمجاله = يرفع هله ويعلَي بمنزلتها
وبعض الكلام ان جاك مالك وماله = زلة السان الفاهمين ومحتها
ولابد من هرجة شبيه الحثاله = سقطه لمن هروجها ماحمتها
فكم كلمة تطلع وترجع محاله = بانت عواقبها على اللي حكتها
وكم كلمة جات لراعيها بزواله = يصفق بيدينه ليت عقله كمتها
وكم كلمة تبعد رفيقٍ لحاله = وكم كلمة تبعد جموعٍ عنتها
وزلات الالسن وارده لامحاله = وتدمح لهلها كنها ماروتها
وهرجة رفيقٍ طيبٍ ونعنى له = نصد منها لو الاذنين اسمعتها
وان جات من غيره ولاهي جهاله = الله يكافي شرها ومحقتها
ويالله عساني لاهرجت بمقاله = نفنى وشمطان اللحى مانقدتها

[الطائر المهاجر]

كـــــم كـلــمــة قــالـــت تــرانـــي خـطــيــره
دعـنـي وشـانـي كــان تبـغـى السـلامـه
لا تـنـدفــع مــــن دون فــكــر وبـصـيــره
وتـخــم مـــا تـلـقـى ولـــو هـــو قـمـامــه

صح لسانك مليون
لاهنت
تحياتي

[منيع]

ويالله عسانـي لاهرجـت بمقالـه=نفنى وشمطان اللحـى مانقدتهـا

جزل ومبدع ياالطامي
شكرالكم
تحياتي وتقديري

[الطامي]

الطائر
صح بدنك والسانك
وشكرا لمرورك
لاهنت

[الطامي]

بو حمد
صح بدنك
وما عليك زود ومنكم نقتبس
وشكرا لمرورك
لاهنت

[نفحات حساسة]

لااااااا هنت

ولاهان راسك...قصيده رائعه

[الطامي]

هلا نفحات
صح بدنك
وشكرا لمرورك
لاهنتي اختي

[داعي الشوق]

المشاركة الأصلية كتبت بواسطة الطامي

ولابد من هرجة شبيه الحثاله = سقطه لمن هروجها ماحمتها
فكم كلمة تطلع وترجع محاله = بانت عواقبها على اللي حكتها

صدقت وصح لساانك ابو محمد

ابدعت ياجزل ولاهنت

دمت ودام ابداعك

[بنت النور]

صح لسانك ياشاعر
لاهنت

[الطامي]

صح بدنك داعي
وشكرا لمرورك وتعليقك الأجمل
لاهنت