اكبر خطا

[الطائر المهاجر]

اكبر خطا انك تكرر للخطا اللي به عليم= ولا تعلم من تجاربك السنين الماضيه
واكبر خطا انك تدور حاجتك عند اللئيم = اللي اذا جيته تلاقي اعذار دايم واهيه
واكبر خطا انك تطارد شهوتك مثل البهيم = ما يحكمك عقلٍ ولا تخشى عليم الخافيه
واكبر خطا انك تحول عبد من اجل البريم = تهين نفسك عند طرطور بمنصب عاليه
واكبر خطا انك تمدح لنذلٍ تقول انه عظيم = وانته تعرف انه حرامي لو هو اكبر داعيه
واكبر خطا انك تاخذ اللي مطلقه بين الحريم= الا اذا من بعلها شافت علومٍ واطيه
واكبر خطا عقلك اذا سلّمته لشخصٍ سقيم= بالتفتفه والدين يخدع كل لحيه غافيه
واكبر خطا انك تخدع لنفسك تظن انك فهيم= تبخص بكل الناس من نظره وحيده كافيه
واكبر خطا انك تحسب انك خبيرٍ او حكيم = تاخذ قراراتك ولا تشاور احد لو خاطيه
واكبر خطا انك تظن انك بهالدنيا مقيم= وتنسى بأنك راحلٍ لا وقف قلبك ثانيه

[بنت النور]

ابدعت واتقنت في سرد الكلمات
صح لسانك وعتلى شانك
لاهنت
تقديري لسموك

[منيع]

جزل ومبدع وكلامك على متمه

كل الشكر والتقدير لكم
تحياتي

[الطامي]

صح السانك دكتور
ابداع شاعر علم ممارس للحياة بيسرها وعُسرها
قلت فأبدعت وصدقت لاغض فوك
ولاهنت

[داعي الشوق]

صح لساانك و اعتلا شانك

ابيات حكيمه يا حكيم

الله يصلح الحال

و لاهنت يا مبدع

[ساهر الليل]

شعر ومشاعر وابداع في التركيب

لاهنت ياشاعر الحكمه

نص فاااره ،،،،،،،،،،،،

تقبل تحيااتي وودي

[الطائر المهاجر]

شكرا بنت النور
على كريم المرور
تحياتي