مجنون صاحي

[ابراهيم غضيان الشراري]

بوح القصيد وصمت الإحساس مدفون=في داخلي وأنا بعيد الهقاوي
كم جرح الدمع الشقي جفن وعيون=والشوق يحرقني وبالحيل كاوي
لو أبتسم لازال بالقلب مخزون=عبرة شقى غصة حنين وبلاوي
مجنون صاحي إيه صاحي ومجنون=هذي صفات اليّ خفوقه هواوي
وأنا بلاي من المخاليق مزيون=أقفى وخلاني وحيدن خلاوي
والبعد مايرحم وقاسي وملعون=يسوق همه للعشيق الشقاوي
ويزيدني من فوق مافيني حزون=وأجاوب اليّ تالي الليل عاوي
أضحك وأنا كلي على كلي طعون=من خوف لايضحك علي كل غاوي
ياصاحبي مافيه آمل ليّ تردون=ريح خفوقي يالطبيب المداوي
ترا حبيبك بين الأحزان مسجون=صبره نفذ ماهو على البعد قاوي
=الشاعر/ إبراهيم بن غضيان الشراري

[داعي الشوق]

قاوي ....

الله الله يا بو غضيان

جزله ووافيه و عانقت الالباب

لله درررك يا شاعر الفطاحله

و صح لسانك و طاب حالك

و مافيك حيله

ولاهنت

[هترل]

صح لسانك يابراهيم ملاااايين
شاعر جزل ومتمكن لله درك

تحياتي

[الراقي]

صح السانكـ

غاية بالروعة

سلمت أناملك وصح قلبك ..

لروحك ود لاينتهي ولك خالص الأمنيات وأرقها

[ساهر الليل]

ياصـاحـبـي مـافـيـه آمـــل لـــيّ تــــردون
ريـــــح خـفــوقــي يـالـطـبـيـب الـــمـــداوي
تـــرا حبـيـبـك بـيــن الأحــــزان مـسـجــون
صـبـره نـفـذ مـاهـو عـلـى الـبـعـد قـــاوي


الله الله ابراهيم

رووووووعه وكاني بها

كل يوم تفاجئنا بكل جميل

يدوم لنا نبضك وفنك يافنان

تقبل تحياتي

[مشعل التريباني]

ياصـاحـبـي مـافـيـه آمـــل لـــيّ تــــردون
ريـــــح خـفــوقــي يـالـطـبـيـب الـــمـــداوي
تـــرا حبـيـبـك بـيــن الأحــــزان مـسـجــون
صـبـره نـفـذ مـاهـو عـلـى الـبـعـد قـــاوي
الاخ ابراهيم غضيان الشراري
انت رائع ياابراهيم
صح لسانك الى يوم الدين شاعر من العيار الثقيل
وهواوي من الطراز الاول فلله درك ماجمل ماتكتب

[ابراهيم غضيان الشراري]

الأخ العزيز والقدير/ داعي الشوق.سعود العتيبي.

صح الله بدنك والله يعافيك.

الله لايهينك على كلماتك الطيبة.

بيض الله وجهك. لاخلا ولا عدم.

تحياتي وتقديري لشخصك العزيز.

[ابراهيم غضيان الشراري]

الأخ العزيز والقدير/ هنرررل.محمد القثمي.

صح الله بدنك والله يعافيك.

الله لايهينك على كلماتك الطيبة.

بيض الله وجهك. لاخلا ولا عدم.

تحياتي وتقديري لشخصك العزيز.

[ابراهيم غضيان الشراري]

الأخ العزيز والقدير/ الراقي.

صح الله بدنك والله يعافيك.

الله لايهينك على كلماتك الطيبة.

بيض الله وجهك. لاخلا ولا عدم.

تحياتي وتقديري لشخصك العزيز.

[ابراهيم غضيان الشراري]

الأخ العزيز والقدير/ ساهر الليل .محمد الزهراني.

صح الله بدنك والله يعافيك.

الله لايهينك على كلماتك الطيبة.

بيض الله وجهك. لاخلا ولا عدم.

تحياتي وتقديري لشخصك العزيز.