26-09-2007, 03:43 PM
|
رقم المشاركة : 1 | |||
|
هائية الملك عريعر بن دجين:
يقول الغريري الذي بات مـاله =هوى غير طلب الطايـلات هواه إلى ناموا السمـار جنحا من الدجا =كـأن بموضى ناظـريه قـذاه كأن بها ساق أم عوق إلى سرا =إلى نام هلباج وطاب كـراه وبات على وثر من الزل مـاله =جضيع سوى خود يفـوح رداه فانا فوق شروى نحلة الصيف ساقها =أثر ماطر أمسى يعـط نداه جضيعي من الهندي مصقول صارم =لما ناش من جثل العظام رماه وثوبى من البولاد درع وطاسة =يبين لعين النـاظرين سناه وزلي وزبني فوق مجتمع الشوا =كميت من الخيل الجياد غياه ونروي بخمس صنعة الشام زانها =طراز ومن زين الجياخ وقاه ولالي نديم غير هذا وصارم =ومن لون زينات العـروق قناه إلى كل من جازا حساني بساية =يذوق من أنواع العـذاب رداه فيا وجـعي من لابة خـالدية =غدوا للملا والعالمين حكـاه عفيت لهم مافات باغ إلى اوجهوا =على الضد فلوا بالجموع قـواه مشيت لهم ممشا تعيب مرامه =مكاد على واني العزوم سـراه وبالورد والمصدر خطر على العدا =ولاكل من قاد الجموع مشـاه على ساقتي قوم ويا رفاقـه =صفوا قبل هذا ثم جـاه بلاه إلى ما بقا نوار الأريـاض كنه =مضاحك زينات العـيون بقاه تفكهت للمرباع باغـي طرابه =وصاروا عن افعال الجميل عماه بنوا للردى ساس وغبوا مناجل =إلى البوق وامسوا للقبيح شراه وسووا لما لايطرب النفس ذكره =ولايشرح القلب الذهين نبـاه رموني وأنا في ضف ماكنت زارع =ومن قدم النو الجميل وقـاه ومن ضيع الحسنى والأحسان لوصفت =له أيام جـاه بكـدرهن بلاه ولونى والعفو من الله حاظر =والاجال ما تدني بغير قضـاه فلا ما حلا يوم بغير الذي جرى =عليه وجا بالحاظـرات منـاه ضحي يوم أجي له على واضح النقا =كما الحـر منحوط وشاف جزاه شفيت صدا كبدى بتنجيز راشد =وشوفي لمرزوق كسـاه دمـاه ومن غير هذا والقروم صرايع =على الأرض ما يرجي لهم بنجاه وياما بعدي من شفا المال حاظر =ومن ساعة يبحث لها بقصاه فيا مبلغ منى شهيل رسالة =بها من بقايا ما بغاه وصـاه تراني مجير عن عداوات خالد =سـواك فلا تبعد لها بفـلاه ولاهي بمقناصى ولكن فربما =تدنيك لي واخذ قضـاي بلاه فيا شهيل هباس بعيد عن الردا =ومنى عليهم عفة ونقــاه مشيتوا بنا يا شهيل ممشا قطايع =بكـم رز شيطـان الرجيم لواه وصارت بكم هذي والأخرى وربما =تجيك وعن خبر الخيار هواه وياما براسى لك من الحرب والشقا =فكن عن شلايا ما شربت تقاه فانا راعي الهدلا شقا كل عايل =ولو صار مدح الروح فيه سفاه وأنا سافه في الحكي هذا ان لم =أزينـه بأفعـالي وازيد وراه وياطارشى سقها وسرها لزامل =لعل عسى تلقـا حداه بداه بعيد مدى تدبير الاريا ومن به =على شد غارات الزمان نباه اخو تركي بلال الارياق زامل =ومن زاد في عسر الزمان قزاه نديمي ومن لالي برجوا سواته =أبنصح ولالي في العباد سواه وقل له بعلم فضوة لا تكنه =شحوح ترى القلب الجريح دواه تبينك في حرب لمن قد شرى له =وشا أقشر القالات ثم نصاه وداروا لنا يازامل الحمد والثنا = كما دار الاما في اليدين رحاه خف الله هل ترضا بهذا وراسك = يشم الهوا والسيف جاه صداه ترى ذلكم ذلي وذلي يذلكم = وعزي لكم عز براس صفاه وهل ترضى ياالغريري ولك نبا = فيابيسهـا من شيمة وحياة ولا الموت الا لي ولك ينشفى به = ومن مات ما يدرون ويش وراه فقم قام ناعينا غدينا فريسة =وصرنا لى خباث البخوت وقاه وعط خالد منى جوار جميعهم = ودين ومثلوث الطـلاق وراه عن اللي مضى منهم سوى اللي سعى بها = من اولاد شمروخ فانا له دواه فلا يامن الضرغام عن قرص راسه = ومن خبطة منها يقال فراه فما الشعر الا يفرح القلب ساعة = والافعال تبرى للعليل حشاه وصلوا على خير البرايا محمد = عدد مازهـا وطـاب سنـاه قال زامل بن حسين رداً على ابن عمه الملك عريعر بن دجين بن غرير :
ويامن لقلب كل مابات همه =لطلب العلا والطايـلات منـاه إلى ما خلى البال طلاب راحة = تزايد على نجـل العيون نبـاه ينير ويسدي في مشاحي طرابة = هواه على درب الجميل عداه يربي ميلان وينمي تجايـر =بها عن جميع الطايلات شفـاه فلي همة ما قد رمت بي إلى الفلى =ولا سامرت جنح الظلام سـراه ولاشببت عيني على زي كاعب = كأن بعيني عن صباه قـذاه ولا أدري عجوز أم فتاة إلى مشت=ولا حرة أو أن تكون أماه ولا لي بها شف صبي وشايب =مدا العمر ما مازحتها بسفاه وفي صفا الحارات ما بيته الحمى = لها عند طيفات البدور نفـاه وللجار عندي كل يوم كرامة =تزايد إلى زاد الخسيس جفاه فما الحمد الا من قديم غريزة =لنا دون كل العالمين سناه غريرية ما ترتضى بالذل مسكن =ولا الهون لو زاد السفاه سفاه ونشقى بما يدني لنا الحمد والثنا = ولا فرض دون المكرمات بلاه ولنا ديرة منها وفيها جدودنا = قديم فهل دون الديار سـواه لنا الحلم فيها والجهالات للذي = يبي الجهل منا وان بغاه لقاه فيا مجهد راعي خصال حميدة = لقا بالشفا حتى لقـاه دواه قضا رسالة جاني مجاهر = شواني أنا وحرق الفؤاد بلاه اخو داحس مالي شفيق ولا له = شفيق سوائي من عناي عناه أبو باطن بلل صدى القلب عرعر= حجا من لجا من هو وراه عداه حمى الدار عن من دور فيها ملامس = بالغدر جاها من عناه فجاه جزا ما سقا بالغدر منا على النقا = جزيناه عن ربع الديار جلاه على همة منا لعينا كبيرنـا = سقينا العدا فيها كبير السقاه وكم ذا صنعنا قبل ذا من صنيعة = بهم محترين يدركون جزاه ذخرنا بهم ذخر جميل وتفتحت = علينا به أبواب الخراب قضاه وكم غرت الراحات غمر متيمم = وكم نعمة زالت عليه جزاه فمنا لهم لين ومنهم جفاسة = جزا الضيق من هذا وهم بنفاه فيا مبلغ مني شفيقي رسالة = بها من عريبات النشيد قضاه ترى الشيمة العليا لنا ما تغيرت = نطا ما تطا لو كان ذاك نطاه وقولك ما تاليت نفسك حسافة = عفيت وصدينا الحريب وراه صدقت لك العفاة ياكاسب الثنا = والاقدار تاطا والأمور قضاه وقولك لي ما الموت الا شفيقة = لنا دون كل العالمين مناه صدقت هو اشوى من حياة زرية =ومن شيمة نرمي لها بوطاه فلا كن ترى ياشيمة الناس ساقنا = عن الهون شيمات نبا ونباه وبعنا لمن باعك وقمنا كرامة = لعيناك عفنا الوطن وربـاه إلى جيت جيناها على واضح النقا = كما جاب رجفات الفؤاد دواه وقولك داروا يا الغريري زهابنا = كما دارت ايدي الطاحنات رحاه فهذا سدا من بهم مثلما سدا = بنا قبل ما نرجي لها بحـراه وعافوا وشافوا مثلما شاف غيرهم =لهم عندنا هـذا بكـل لقـاه فانا ياالغريري لك حسام وخودة =ودرع وفي راس السنان سناه وأنا لك على خبث الليالي وطيبها=مدا العمر حتى أن يهال ثراه وأنا عضدك الايمن إلى كل ساعة=وشاهدت من بعض العقود وماه وأنا حيدك اللي تقصر الناس دونه=وأنت الذي تنزل برأس شفاه وياما بشيباتي بعدت الذي لك =حريب الين الحق لذاك قصاه فلا مهدتني يا الغريري خسيسة =ول ا قابلتني بالرضاع حـداه ولا جيت إلا من على روس لابة =لهم خير لما الأمور حـواه وأنا وأنت يادرب البنانين واحد =فهل كيف يرضى الذل ذاك لأخاه فانا زامل وأنت الغريري عريعر =شفيق رفيق ما تطاه نطـاه وأنا زامل الطولات ما ارضا مهونة =صبى ولا عند المشيب ارضـاه ولا ارضا لك النقصان والذل والجفا =ولا الهون ياتاج الجميل تـراه وعش سالم أني على ما تظن به =من الجود لو جاني جفاك جزاه وصلوا على خير البرايا محمد = عدد ما جنا جاني الكروم نمـاه وسلامتكم ارجوا ان تكون قد اطربتكم |
|||
|
|
27-10-2008, 03:04 AM
|
رقم المشاركة : 2 | |||
|
ليراها من شاء ان يقرأ |
|||
|
|
|
27-10-2008, 01:28 PM
|
رقم المشاركة : 3 | |||
|
الزيد |
|||
|
|
|
30-10-2008, 07:58 AM
|
رقم المشاركة : 4 | |||
|
حياك حياك يابو محمد تشرفت بمرورك |
|||
|
|
|
12-11-2008, 01:12 PM
|
رقم المشاركة : 5 | |||
|
الله يرحم الملك عريعر ويغفرله ويرحم ولد عمه زامل واموات المسلمين |
|||
|
|
|
05-03-2009, 03:38 PM
|
رقم المشاركة : 6 | |||
|
شكرا للمجهود الطيب ابو حمد |
|||
|
|
|
09-04-2009, 08:02 PM
|
رقم المشاركة : 7 | |||
|
يعطيك العااافية |
|||
|
|
|
01-10-2009, 09:35 PM
|
رقم المشاركة : 8 | |||
|
صح لسانها |
|||
|
|
|
13-10-2009, 04:54 AM
|
رقم المشاركة : 9 | |||
|
تسلم..ماجد |
|||
|
|
|
29-11-2009, 07:21 PM
|
رقم المشاركة : 10 | |||
|
روعه الله يا دكتور ما اجمل ما جلبت |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كيف الحال ياشعراء(3) .. نزهه مع قاتل الملك | ذيب السنافي | منقول الأدب العربي | 15 | 16-12-2010 06:50 AM |
هائية الملك عريعر بن دجين (من روائع النبط)
