15-09-2007, 06:57 PM
|
رقم المشاركة : 2 | |||
|
وش أسميهـا !! أسميـهـا مــلاك=ماجذبني غيـر ظبـي الهـاف مـون
الله أكبـر شفـت بعيونـك هــلاك=ماهقيـت المـوت مخلـوق بعيـون يـا أدعـج العينيـن عذبنـي جفـاك=يش تنوي مـن تمنـاك .. بجنـون مايعذلونـي عـن مداعـب هــواك=مايهـم الـرأس ناسـن يزعـقـون لله الـلـي بالمحـاسـن اصطـفـاك=كملـك بالـزيـن يــأروع فـتـون لو بغيت أوصف وش أوصف من حلاك=كاملـة بالقـد .. والطـرف الحنـون سلهمـي بالرمـش يـوم الله عطـاك=الجمال اللـي يسبـب لـي شجـون مـا نسـاك اللـي تعـذب مانسـاك=باقيـة فـي خافقـن دايـم يصـون قلبي اللـي يشربـك شـوق وظمـاك=يرسمـك بالحلـم أبـداع الفـنـون لاتمايلتـي وليلـك مــا عـصـاك=يرتمـي فـوق الحواجـب والجفـون الله اكبـر شـف بعيـونـك هــلاك=ماهقيـت المـوت مخلـوق بعيـون |
|||
|
|
15-09-2007, 06:58 PM
|
رقم المشاركة : 3 | |||
|
فديت العنـق بوشـاح القلايـد=فديتك.. بالحلـى يـأم الفرايـد فديتـك ياعيـون ٍ ناعـسـاتٍ=تغني للوصـل عـذب النشايـد فديت المبسـم الـوردي فديتـة=فديت الخد ... بـراق الرعايـد فديت الضحكة اللـي جننتنـي=وغمزاتٍ علـى خـدك شهايـد فديت اللثمة وخصـر ٍ جذبنـي=فديت الريـم مزمـوم النهايـد انا ..أكتب في وصوفك وأتردد=وحسنك في عيونـي يـتزايـد طيوفـك بالليالـي سامرتـنـي=أعيشك بالرخى .. ضيم الشدايد إلبي دعوتك يـاروح روحـي=وأجيك أمشي على دروب النكايد أنا.. لو لاك وش لي في حياتي=أعيش أبها على شانـك وعايـد أشوفك في مقامي في جلوسـي=أشوفك في منامـي ع الوسايـد أشوفك بالحلم وأصحى أشوفـك=تصحيني علـى قولـت وكايـد أشوف أبـك البدايـة والنهايـة=وأغني فيك احـزان القصايـد أنا ..عشقي مثل عشق الملـوح=عشق ماشاف في حبة رغايـد أنا.. أشبة لبـو زيـد الهلالـي=من أشواقـة فـلاذاق الفوايـد أنـا قصـة نهايتهـا كئيـبـة=على أجزاء.. تنشرها الجرايـد الطــلوحي |
|||
|
|
|
15-09-2007, 06:59 PM
|
رقم المشاركة : 4 | |||
|
قديمة تلعب بقلبي وأنا بالمرجلة مذكور أنا بالعشق مايوم ٍ قد قالو ترى أبن الاسد مكسور قديمة تلعب بقلبي وأنا بالملعبة مشهور أهز سطور وأهز حظور أنا شاعر ولد شاعر كتبت أنواع مع أنواع وكتبت من الشعر ...أبداع تبي تضحك تبي تلعب ياهية .... يابعد هقواتك أبي تسمع ..طرف كلمة رووح زين شفاتك ترى مـ أنتا أ بقدي أنا مثل الثريا فوق صعبة يمي تعدي نصيحة أنتبة لا جيك مثل شهب السماء ردي أنا الشاعر أنا الساهر أنا نبض الهوى كلة أنا شوق العنأ الطاهر انا أشبة لايسموني على الكاسر على الكاسر تبي تعرف شنو الكاسر أقولك...... روح زين شفاتك روح على المرأية شوف ... وأمشط شعرك الناثر بلاش توقف بوجهي ترى منتا أبد قدي
أية شاعر كان ماعنـدك خبـر=أية فارس لاعلى صوت النذيـر ماخذ ٍ من جدي السادس عشـر=طيبت أبن مهيد والسيف الشطير من رقى النايف وفي رجلة كسر=مادرى أن معانق النايف عسير تحسب اللعبـة تقاليـد وقـدر=وترمي حمولك على متن ٍ صغير اسمع أبياتي تجـي بالمحتصـر=منت وارد عد وحبالـك قصيـر ماقلت لك منتا بقدي ؟؟
انا طبعي على جدي اية شاعر اية شاعر اية فارس وعندي لسان ٍ شطير والشعر عندي يثير كل ماتتخيلة الحميا السَطر النعرات البداوة وكل ماتتخيلة !! ماقلت لك أنا مثل الثريا فوق صعبة يمي تعدي نصيحة انتبة لا جيك مثل شهب السماء ردي |
|||
|
|
|
15-09-2007, 07:00 PM
|
رقم المشاركة : 5 | |||
|
كـان تبـي تعـرف غــلاك
أســأل الـلـي مـانـسـاك أسألـة عـن دمــع عيـنـة عن محاجرٍ ساكن فيهـا غـلاك عن عذاب الحب وأشواق الاماني وعن خفـوق تسكنـة بالحـب يـــا أغـلــى مـــلاك لـو تغيبـي عــن عيـونـي لــو تملكـتـي شـجـونـي أطلـبـي الـلــي تبـيـنـة ولا أقـــــولك .... !!!! أمــري وكـلــي فـــداك يــاحــدود الامـنـيــات يـاعـيـون التـضـحـيـات وياغرام ٍ أرشفه مـن نبـع صـافـي فـــي هـــواك أمطـري بالـحـب ياغيـمـه تخيل البرق فـي دنيـا سمـاك أعشقـيـنـي لا هـويـتــك غربـلـيـنـي لاجـفـيـتـك والله أنــي فــي عيـونـي مــا اشــوف الا ســواك .................... هــل بـلـغـكِ ياحـيـاتـي أنـنـي بـالـحـب كـامــل أعامـل بالحـب والاخــلاص كـمـا أحــب أن أعـامــل أنتـي لـي نـبـراس حــبٍ عانـقـت شـفـتـاي فـــاك ....................... مـن عيونـك وفـي عيـونـك شـفـت مكـنـون الـغــرام ولـعـيـونـك يـاحـيـاتـي بـمـشـي دروب الـهــلاك مــن عرفـتـك ياخلـيـلـي مــن عرفـتـك يادلـيـلـي والله أنــي مــن عطيـتـك مـاوصـل بـذلـي عـطـاك ساكنـن فـي رمـش عيـنـي وجفـنـي لجسـمـك غـطـى !!! أنتـظـر مـتـى أشـوفــك هـايـم بلـحـظـة لـقــاك ياسـعـد ذيــك اللـيـالـي ياشـقـى عـمـرٍ يـبـيـك ليـة تقصـر فـي وصـالـي وأنا فـي كـل لحظـة أجيـك صـدقـي قلـبـي ياقـلـبـي / \ / \ / \ والله أنــة مـــا نـســاك |
|||
|
|
|
15-09-2007, 07:00 PM
|
رقم المشاركة : 6 | |||
|
أنـا شاعـر رومنسـيـة إذا ودك رومنسـيـة=شهد لي شاعرن أسمـة (نديـم الليـل) ياغالـي
على الفطرة خلقني الله على النيـة علـى النيـة=أردد فيـك عذبـات القصايـد يابعـد حـالـي أنـا شوقـي علانيـة... علانيـة... علانيـة=أبي أسأل عن أحوالك وأبي تنشد عـن أحوالـي مشاعـر حبنـا تلـفـح هبايبـهـا شمالـيـة=أغني لك أنا حبك ...وأسامـر طيـب الفالـي صدوق الود من عينـي يجيـك ومابقـى فيـة=عطيتك كـل ماعنـدي ولا طاوعـت عذالـي إذا كنـتِ شقاويـة فنـا روحــي شقـاويـة=أرقص لك حروف الحـب وأردد فيـك موالـي أجيلك يأمل عمري وأسوق الـروح لـك حيـة=لجل عينك رقيت الصعب لوهو شاهقـن عالـي أنامك.. وأسهرك.. ضميان ..وأشربكِ زلاليـة=قراح .... المي من عينك ... عيونك بحر أمالي إذا ودك رومنسيـة فأنـا شاعـر رومنسـيـة=أردد فيـك عذبـات القصايـد ياهـوى بالـي |
|||
|
|
|
15-09-2007, 07:01 PM
|
رقم المشاركة : 7 | |||
|
قلت وينك ... غايبٍ يابن الحلالْ=ياعريب الساس من عمٍ وخـــــالْ
هو جفا .. ولاغلا .. ولاظروف=هوزعل .. ولامشاغل.. وإنشغالْ ؟ منتظر كل يوم أقول .. اليوم جاي =وإنتظاري زاد عن حده.. وطـــالْ غيبتك طالت .. وكنك مستريح !=كلما زدت الجفا .. زدنا وصــالْ (ابو طلال ) ياشمعة ( البيت ) وضواه=ياخفيف الظل ... ياحلو المقـــالْ مجلس ٍ فيه .. إنت عزالله كبيـــر=مايضم من الرجال .. إلا الرجالْ مايملونك .. ولو قمت وسريــت=قبل لاتسري .. ينادونك تعـــالْ بيننا ( يبوطلال) شعر وشعــور=بيننا بالمختصــر واوٍ .. ودالْ إبتسم ثم قال ياصبري .. عليك=لوسمحت شوي بسْ عطني مجالْ أحمدالله وأشكره .. وأثني علــيه =العزيز اللي .. ترفع بالكمـــالْ غيبتي ماهي جفا .. ولا غناة =أو تغلي مثل ماقت .. ودلال ْ قلت له طيب .. أجل ليه الغياب=قال أبشرك جاب لي ربك ( ليالْ) |
|||
|
|
|
15-09-2007, 07:03 PM
|
رقم المشاركة : 8 | |||
|
طلت بنوراً يشع من الجبيـن =وأسلبت قلبي بعـد نظراتهـا
شفت أنا بعيونها نظرة حنيـن =وأثبتت أني هـدف مشهاتهـا رجعتنـي لليالـي والسنيـن =وذكرتنـي بالغـرام وفاتـهـا أني لجل العشق قدمت الثمين =كنت أدور بالهوى مرضاتهـا يا عيوني كـان ودك تنظريـن =لا يغـرك بالحسـن حلاتهـا قلت كانك بالمحبـه ترتجيـن =ليه نفسـك زايـده حسراتهـا قلت أهل العشق دايم خاسرين =وبررت لي بالهوى عثراتهـا قالت أهل العشق دايم خاضعين =واستدارت رافعـه ضحكاتهـا مادرت عن قلب من حبه يبين =ما يخفي الحـب زي سواتهـا صادقاً بالحب رغم الحاسديـن =ما تجاهل بالهـوى لوعاتهـا عذبتني بالهوى وأنا الحزيـن =يكفي يا قلبي جروحك هاتهـا أبعدت عني بعد طول السنيـن =وقمت أسابق بالهوى خطواتها |
|||
|
|
|
15-09-2007, 07:03 PM
|
رقم المشاركة : 9 | |||
|
جابني لك شوق ساكـن بالحنايـا بالحنايـا =جمرتينن يا حبيبي تشعـل بقلبـي صليـة
جيت يمك ياحبيبـي سالـك دروب المنايـا =شايلن حضرة جنابة مع جروحن لـة معيـة ساقني لك يالغظي حلـو عذبـات السجايـا =وأشهد أن أشواق قلبي ياحبيبي لـك قويـة صادقن بالوعد يوم الناس في كذب النوايـا =مؤمن باللي يقول النيـة لابـن آدم مطيـة حبك اللي محتويني ياهـو مسـوي سوايـا =والجدايل فوق متنـك لاعبـات السامريـة صرت أنا وياك قصة في أساطير الروايـا=وصرت أنا من زود حبي مثل قيس العامرية كل عاشق بالهوى يأخـذ ويعطـي عطايـا =الا أنا أهدي بغرامي لا ولا أقبـل عطيـة شامخن وأعز نفسي وتارك دروب الخطايـا =مبعدن نفسي عن دروب الرذايل والخطيـة ياغرامن تاهفيني وتهت وأخلفـت الحكايـا =وأشهد أنك ياغرامـي ناويـن فينـي أذيـة شفت ذك اللي تغنى فـي حبيبـة والزوايـا =والله انة ما وصل قـدري بتقديـم الهديـة ماعرفـت الوايلـي يـوم تقديـم العطايـا =يرخص القلب المشقى لجل عيون أجوديـة جيت يمك ياحبيبـي سالـك دروب المنايـا =شايلن حضرة جنابة مع جروحن لـة معيـة جابني لك شوق ساكـن بالحنايـا بالحنايـا =جمرتينن يا حبيبي تشعـل بقلبـي صليـة |
|||
|
|
|
15-09-2007, 07:04 PM
|
رقم المشاركة : 10 | |||
|
سألت الليل وأصحاب وحبايب=سألت العين عن زيناً نظرتة
سألت القلب وش لك بالطلايب=يقول القلب حبي ماقدرتة يهل الدمع من عيني سكايب=اذا مرت طيوفة ثم ذكرتة حبيباً صار لي اغلى القرايب=ويشهد ربي اني ما هجرتة أسامر نجم في دنيا الغرايب=وقصيت الليل مع حزناً سهرتة أنا في دنيتي شفت العجايب=وحتى الهم فلا عمري نهرتة قنوعناً والصبر ماهوب غايب=عزاية في نباتاً قد بذرتة جروحي كلها جروحاً عطايب=وحبيبي غاب عني وأنتظرتة الا يازين يكفينا مصايب=مدام الحب بوفاية عمرتة تأكد لو يصير الراس شايب=طريق الغدر فلاعمري حدرتة |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| فهرسة ديوان علي إدريس الغانمي | الطائر المهاجر | منتدى الشعر والخواطر بالفصيح | 15 | 16-12-2010 06:50 AM |
| : فهرس ديوان شمس القحطاني | أميرة الليل | دواوين شعراء وكتاب الفطاحلة | 15 | 16-12-2010 06:50 AM |
| فهرس ديوان الخريف الحزين | أميرة الليل | دواوين شعراء وكتاب الفطاحلة | 15 | 16-12-2010 06:50 AM |
| : فهرس ديوان اميرة القلم | أميرة الليل | دواوين شعراء وكتاب الفطاحلة | 5 | 30-11-2010 08:32 PM |
| ضيف الله الطلوحي ياهلا | منيع | قصر الفطاحلة | 7 | 02-11-2006 01:35 PM |
ديوان صقر الشمال(عبدالعزيز الطلوحي)
