من ثماره قطفنا زهر نادي وراح

[نجم الإبداع]

مارد الشعر مايرحم كبير وصغير = من تهاون في امواجه تردى وطاح
مايتوب الذي يلمس بحور الغزير = لو يصل عمره التسعين غنى وصاح
يبدع الهيض للجلاس من غير زير= كيف يسلى المشاعر من يذوق القراح
ماسلى حبها عنتر وقيس وزهير = واذكر النابغه من قبل بالهيض باح
والفرزدق يساجل بالقوافي جرير = صطروا المجد والحرف المتيم رماح
واذكر عبدالله الفيصل وشوقي الامير= واسمعوا خالد الفيصل يطيب الصباح
ناضروا للزلامي واسمعوا بن طوير= وابن مصلح وماننساك يابو فلاح
والعتيبي خلف لو جيت عنده عُصيّر = عاشق العيس بالجزلات يشجي المراح
والحبابي ومستور العصيمي خبير = والعطاوي وبن ثايب شديد المزاح
اعذروني في الاسماء عددها كثير = اهل نظم الجزاله منهم الطيب فاح
اشهد ان القوافي عشقها مستطير = يسكن الروح بين افراحها والجراح
قلت باترك بناها وادرس العلم خير = واطلب الله يصبرني فهذا كفاح
عشت حيران واشاهد عيون الفقير = واتصبر وحملي مايشيله صلاح
قلت باخفي المشاعر جعل ماطار طير=واهجر القافيه واسلى بما في الصحاح
واثرني في هواها صرت مغرم كسير=كل ماغبت عنها ضاق صدري وناح
حلّ بالروح من هجر القوافي زفير = واصبح الفكر والهاجوس ساحة صباح
يضوي الشقر روعه والخبيتي ينير = والقوافي لها بالروح سحرٍ مباح
مارد الشعر موجاته تعم الأثير = من ثماره قطفنا زهر وادي وراح
قبل شهر الصيام اهديك منها عبير= واطلب الله يبلغنا الشهر والصلاح

[مبروك بن ماضي]

الشاعر القدير / فلاح بن منشار

قصيده رائعه وحضور يحمل بصمتك المميزه
وسيكون لنا عودة لقراءة هذا الإبداع

فائق تقديري واحترامي

[مبارك أبوظهير]

بن منشار ..


سلام الله عليك يافلاح ..



أبدعت أبدعت ابدعت ..



بس لي عتب عليك .. دام القافيه على (( يير )) وراك ماحطيت (( أبوظهير ))



أمزح والله طال عمرك ..



ألف صح قلبك وفكرك .. قصيده وافيه جزله .. بيض الله وجهك عليها ..



إعجابي وغلاااااااااااااااااااااي




م ن

[سناعيس]

فلاح بن منشار
صح لسانك
شعور ومشاعر وشعراء
الله لايهينك
تحياتي

[بارقةأمل]

صح لسانك وعلا شانك على هالرائعة
والإبداع والتألق يسلم
بوحك ونزف قلمك
الـــــراقي
أختك أم زياد

[يوسف الشقران]

كبير يافلاح وتبقى كبير

قصيده ماعندي شي اقوله فيها

فهي رائعه جدااااا


صح لسانك

والف تحيه

صح لسانك

قصيدة رائعة

تحياتي

[منيع]

احسنت يافلاح
ابيات رائعه ومعبره
بارك الله فيك
تحياتي

[الأموره]

صح لسانك و دام نبضك

تسلم عالمنطوق الطيب

الف شكر لك

دمت برعاية الخالق

نص رائع ومعانى جميله
سلمت ايدينك