لو كل من يملك دلر يملك احساس

[احمد الجريفاني]

يابو محمد عشقتي ترفع الراس=هله تميم اما الخوال السناعيس
عذراء جميله عينها عين قرناس=جارنّها الحلوات وامسن مفاليس
لا كلمتني ينقلب حزني اوناس=ولا قفلت تصبح حلومي كوابيس
تصيبني ربكه ولبكه ووسواس=وابدا اتعوّذ طول ليلي من ابليس
ولا زارني من يمها ريح نسناس=حلمت نفسي عنده اليوم عرٍّيس
احلم بقربه واشرب من الهنا كاس=وابيع همي والغثى والهواجيس
(الحب) هو متنفّس الناس يا ناس=ولولا الامل كان انتحر خالي الكيس
لو انه افقر شخص ينسيه الافلاس=انشد فقارى الهند وان شئت باريس
قلّ الوفا موجود في كل الاجناس=الخلق معظمهم بليا احاسيس
وشلون ينسى من لها عطر الانفاس=نظم به اشعاره وعبى القراطيس
بعض البشر لو زوجته صافي الماس=لا حل ذكره قال ذي لقطة غليس
لو انها درّه وله قد ميّاس=يسبها ما يدري انه هو الهيس
ولو كل من يملك دلر يملك احساس=ما كثرت قصور السروقين في (نيس)

[منيع]

ياسلام عليك
مبدع وخطير
ودي وتقديري لكم

[داعي الشوق]

حياك الله يالعريّس

و صح لسانك و طاب حالك و فالك

ولاهنت يا بو فراس

ابدعت يا مبدع

وصح لسانك مدد

[الراقي]

صح فكرك

صح بيانك

ودام حرفك ..

و صح السانك

[طوفـــان]

صح لسانك أخي الشاعر أحمد على هالقصيدةالجميلة ،،،

كل الشكر لشخصك ولقلمك على طرحك الرائع ،،،

تحياتي

[حي الضمير]

ياسلام قصيده رائعه
وابدعت وامتعت ياجزل وستين ونعم فيك وفي ربعك
ومدد صح لسانك

[سناعيس]

صح لسانك يالجريفاني
ولله درك

تحياتي

[الطامي]

الجريفاني
صح السانك ملايين
رائعة جدا
لاهنت اخي

صح لسانك ويعطيك العافيه

تحياتي

[عبدالله راشد الثويني]

صح لسانك ولا هنت ايها المُبدع

أبدعت وامتعت

كل الشكر وتقبل تحيتي