صوت وصدى (اطلبك لا تشتكي حرمت قبلك قوتي)

[احمد الكثيري]

هذه القصيده لنجم الابداع الشاعر فلاح بن منشار

اللذي نهـواه وشبـه مايـرد الصوتـي=يوم ناديتـه وروحـي بالهـوى مبليـه
الغزال اللي على شـط الهـوى مفلوتـي=خضب الكفيـن بالحنـى علـى الزوليـه
يوم بينت الرضى له سيفـه المصلوتـي=صابني وسط الحشى بسهومـه المغليـه
ردهـا يدعـي علـي وياتمنـى موتـي=لو درى باللي بقلبي كـان حـن عليـه
حسبي الله عالعيون الحـور بالشلوتـي=تطرد العشاق من نار النـوى المصليـه
ودي اكلّمْه ميـر اخشـى مـن النبوتـي=يقتـل الحـب العفيـف ومدتـه حوليـه
لو عرف دنيا الهوى في شرعي المثبوتي=مات في حبي وصـارت حالتـه مجليـه
غير هو كابر وانا ماقد طـردت الفوتـي=يوم قفى قلـت خلـه يلتـوي فـي ليـه
ادري انه يرقب اهل المـرت والمقلوتـي=ثم يرجع يشتري مـن سوقـه المقليـه
اللذي يشري الذهب ماعاد بـه مبهوتـي=واللذي يطـرد سـراب يضيّـع الاهليـه

وقد رديت عليه بهذا النص المتواضع

اطلبك لا تشتكي حرمت قبلك قوتي =والتعب قد هدني وتحطمت رجليه
يا فلاح الحب في وسط الحشا منحوتي =آه يا خلي ترى روحي بعد مبليه
صحت من حب البنيه لين بح الصوتي =قالت بدربك تسهل لا تناظر ليه
لا تصيح وتشتكي من همك المكبوتي=صحت قبلك وسمعوني كل من حوليه
يوم شفت الزين كله قلت من بيروتي=واثرها من حولنا والديره شماليه
قالت ابعد قلت تكفي قرب موتي=لا تزيدين الحا طعنات بالسحليه
قالت اش تطلب لك العينين والياقوتي=والعمر يفداك مني يا فتى وما ليه
قلت حظي في هواكم صايب ومبخوتي=من نظر بعيونك الحلوه سهر ليليه
قالت تفضل ببيتي لبستني الكوتي=خوفها من البرد لا يقضي قساه عليه
قدمت لي بيالتين من العصير التوتي=ارتبكت وقلت يا عز الله انك الاصليه
يوم تمشي كنها تمشي على الريموتي=قمت اصيح من عنايه قلت يا ويليه
ردت الحلوه تقول لي لا تشل الصوتي=الذي ما بيننا قد تم تمثيليه

[الطائر المهاجر]

صوت وصدى طيبه
من شاعرين كبيرين
صحت السنتكم
وقواكم الله
تحياتي

[داعي الشوق]

صح لساااااااااااانك مليووووووووون يا احمد

مجاراة جميلة و معبره و هواويه

لاهنت يالشاعر

ولاهان فلاح

شعراء كبار و مافيكم حيله

تحياتي لك

[منيع]

صوت وصدى اكثر من رائعيين
كل الود والتقدير لكم
تحياتي

[نجم الإبداع]

صح لسانك وقلبك

والله يسعدك اخوي احمد

يعلم الله لقد غمرتني السعاده وشرفتني بمجاراتك !

شكرا لك اريحيتك شاعرنا

ولاعدمتك

[محمدالحارثي]

ياسلام عليكم شاعر ين وصوت وصدى
من اجمل ماقرات
صح لسااانكم ملالالالالالالالالالالالاين
ابدعتم واجدتم
تحياتي لكم

[حوريه]

أجل كنها تمشي على الريموتي

صحت قلوبكم شعار كبار لاهنتو ولاهان مغليكم
تحيتي وتقديري

[احمد الكثيري]

المشاركة الأصلية كتبت بواسطة الطائر المهاجر

صوت وصدى طيبه
من شاعرين كبيرين
صحت السنتكم
وقواكم الله
تحياتي

كرا لمرورك الجميل وصح بدنك

[احمد الكثيري]

المشاركة الأصلية كتبت بواسطة داعي الشوق

صح لساااااااااااانك مليووووووووون يا احمد

مجاراة جميلة و معبره و هواويه

لاهنت يالشاعر

ولاهان فلاح

شعراء كبار و مافيكم حيله

تحياتي لك

هلابك مليون وشكرا لك على مرورك الجميل
لك تقديري

[احمد الكثيري]

المشاركة الأصلية كتبت بواسطة منيع

صوت وصدى اكثر من رائعيين
كل الود والتقدير لكم
تحياتي

شكرا لمرورك لك تقديري ووافر شكري