تختلف عنهم طبوعه / مسندة لصديق

ماجد الزيد · 05-12-2011, 01:31 AM

عاطف ارقب من شمال وتلها سحب القوافي=ياعشيري مانسنّد غير من طابت نجوعه
كلما هبت هبوب وقام يسفى الرجم سافي=ما تقول الا بقلبي ذيب يقنب من ضلوعه
واوجودي وجد عود*ٍ نايم*ٍ بالله غافي=فزعه صوت المصوّت موّتوا قتل*ٍ ربوعه
قبل يغفي كلهم مافيهم الا اللي متغافي=مار من يسمع شوير*ٍ تختلف عنهم طبوعه
ويا وجودي وجد من يمشي على الرمضا حوافي=شايل*ٍ جثّة حبيب وكل مايطرق يروعه
واوجودي وجد من شاف المنايا باصطفافي=ميقن الساعة وكشّح عنها قاسي دروعه
واوجودي والتوجد ليل فيه البرد ظافي=والظلام الي كسى العالم شنيع وياخنوعه
ليتني بكابوس واصحى يوم مالمقبل بخافي=الا والله علم وانا عالم بوضعه ونوعه
العزا بالوقت راسي يوم شيّب راس وافي=يالاهي رد هالعالم على الصدق وفروعه
يا نبي الله وجهك كل ماجاني مْتعافي=مرّني لاصاح قلبي وانطفت عقبك شموعه
والله ان قلبي من اللوعات كالسم الزعافي=وين انام وكل صر الريح في صدري يلوعه
والعشير اللي عليه القلب مرتاح*ٍ وصافي=ليتها فيه الليال تعود واجري في عروقه
كل حسن الوسم وسمه جوّه اليا فل شافي=من سواد العين لين العوج والي تحت كوعه
والله اللي كل مابي ينتفض لاقبل وحافي=السحايب له ركايب والبدر وسهيل طوعه
ضحكة العمر وسلام القلب يوم يجيه لافي=لابعد به من له المؤمن يسبح في ركوعه