صوت وصدى / راع الهوا

[ماجد الزيد]

راع الهوا لامن سمع نبرة العود= تل الجوى قلبه ووجده عزف ناي
اليوم مابي عرق ما مرّه النود =نبضي ضريس سباع وعيوني عداي
تعصف بي الذكرى وتغني لها السود= وحشة غياب وذيب يعوي من اقصاي
في مرقبي مابي من المقبلة زود =خذيت ما يكفي عن الغايب الجاي
مار الهبايب كل ما حرّكت عود=صحّت وجود(ن) داخل الروح حكّاي
واسمع حسيس النار وآشم بارود= كبدي على صاجة ولا حس مركاي
يابو فهد لي عشرة سنين ٍ آرود=اصبح على نجران وامسي على ماي
والجوف عنها للعمل قمت مبعود=ليت الوزارة سكّرت قبل منفاي
واليوم في نجد العذيّة مع أسود=خلفة بني خالد هل الطيب ملجاي
فيضة بها نمسي ولا يمّها نعود=نجهم على الدلّة ونضحي على الشاي
شوف الربيع مطورخ وشوفة الذود=تانس خفوق اللي كره جلسة الهاي
لكن ليا هبّ الهوا واوقد رقود=دقّت جروس الشوق للجوف رجواي

رد الشيخ بدر بن فهد البليهد

ليا هنفت بالحاظ برموشها السود=وش تنتظر من عاشقه غير عزاي
مع ونة من حرها تهدم الطود=تهز بركان الضماير من اقصاي
راع الهوى لوصاح مافيه منقود=لكن منعت الحب عن بحثة خفاي
أي الذي يشكي ومشكاه موجود= أوالذي: موتي ولاحرف شكواي؟
أي الذي يصرخ لو العالم شهود= أو الذي: بالبسمة أستقبل عداي؟
أي الذي لاغاب ماهو بمفقود= أو الذي: لو راغ قالوا متى جاي؟
حملت امانة ورث شيبان وجدود= ما هي عرية حقي وملك يمناي
لا اخطيت من شرواك يا ماجد الجود= ماهمني من هو يسابق لمركاي
لاطاولك متسلق نافد الفود= اعرض، وما اسرع مايقع تايه الراي
لاشعرة حرك ولا كنه موجود= ولاحدني عفن السجاياعلى اقصاي

[كظيم]

الله الله الله
صوت وصدى في قمة الروعه والجزالـه
ماجد الزيد
فهد البليهد

صحت الألسن
ابدعتم لله دركم في هذه الفارهــــه
كلمـات في قمـة الجمـال
عانقت السحـاب صوتا وصدى
لاهنتم يالنشـامـا
تقبلوني وتقبلوا مروري المتواضع لاهنتم
ودي وتقديري

[روح الشعر]

[color="rgb(72, 209, 204)"]صح لسانك ماجد


تقبل هدوء مروري[/color]

[منيع]

ابداع بلاحدود
شكرا لكما
ودي وتقديري

[داعي الشوق]

صح لسانك يا بو حمد

و صح لسان الشيخ

ولاهنتوا

[عمر ال شيبي]

صحت الالسن
صوت وصدى روعه

والله يعين

[الخنساء]

أي الـــذي يـشـكـي ومـشـكـاه مــوجــود

أوالـــذي: مـوتــي ولاحــــرف شــكــواي؟

أي الــذي يـصـرخ لــو الـعـالـم شـهــود

أو الـذي: بالبسـمـة أستقـبـل عــداي؟

أي الــــذي لاغــــاب مــاهـــو بـمـفـقــود

أو الـذي: لــو راغ قـالـوا مـتـى جــاي؟

حمـلـت امـانــة ورث شـيـبـان وجـــدود

صح لسانك مليوووون ولايكفووووون

قصيدة جزلة من شاعر متمكن

صدى وصوتين راااااااائعين

سلمت ودام حرفك

[الـزلـزال]

ماجد الزيد

صوت وصدى رائعه ومميزه
أبدعت في صوتك ماجدنا رعاك الله
دمت ودام لنا حرفك الراقي
صح لسانك ملايين ملايين
ولك فائق تحياتي وتقديري

[حوريه]

روووووعه بكل مافيها
صحت قلوبكم
ودمتم بكل خير

0
0

[بنت النور]

صح لسانك مليون ولا تكفي
ولاهان راسك
تقبل تواضع مروري
واطيب تحياتي