محاورة جماعية بين عدة اطراف

[نجم الإبداع]

فرحة الصايم على وقت الفطور=مثلها فرحه مع الرب الكريم
فرحه احلى من شذى كل العطور=ينتشي منها الرجال امع الحريم
قلت لو سجلتها فوق السطور=ترسم البسمه على روضة خريم
ون لمحها الشاعر اكمل كل دور=وارسل الحكمه ومابالقاف ضيم

سعود سعد الحافي الملقب بداعي الشوق

( صح لسانك يا بو محمد )

الشهر نغليه من بين الشهور = أنزل الله فيه قرآن كريم
فرصة المومن مع ربٍ غفور = يقتنصها اللي رجا ربٍ رحيم
يا فلاح الناس بالنعمة تبور = عاثيه بإسرافها و الله عليم
و انت ما يخفاك في بعض الأمور = تعرف اللي نقصده منته غشيم

منيع

الصيام الصح هو صوم الشعور=وتتقي الرحمن من حر الجحيم
ولاجوع البطن كله في حدور=مانفع راعية والمرتع وخيم
صن لسانك والجوارح لاتثور=ورتل القرأن وخلك مستقيم
وجعل الدنيا كما قالو عبور=كلنا فاني ولامنا مقيم

عبد الله الشويمان الملقب بالرعد

عجل الافطار واخر للسحور=قاله المرسل على الامه حليم
النبي المصطفى ولابه نبور=يا صلاة الله عليه إتدوم ديم
والشكر لله وفي شكره سرور=ومن يصوم الشهر له اجر عظيم
ومن تهاون فيه ضيعه الغرور=في حياته عاش محرومٍ غشيم

محمد بن عمار

شهر كل ٍ فيه ، بصيامه فخور= ما يذمه ، غير شيطان ٍ رجيم
من تهاون فيه ، ماهو بمعذور= الا ّشخص ٍ فاقد ٍ عقله سقيم
له جزاء المعبود ، أبكار ٍ وحور= في نعيم ٍ حولهن دايم مقيم
الزبرّجد ، في الزمرّد وامغمور= في خيام ٍ وسط جنات النعيم

تحيتي



عبدالله عبد الكريم المنلقب بالطوفان

=المعاصي حوطتنا بالف سور=ونادر اللي بالزمن هذا سليم
والله الراحم وهو ربٍ غفور=يقبل التوبه من العبد الظليم
والسنة شهرين مع عشرة شهور=بينها شهرٍِ مكرم مع عظيم
من بغى العليا ونورٍ فوق نور=جاته الفرصه وهرجي للفهيم

[نجم الإبداع]

داعي الشوق عبدالله الشويمان منيع
صحت السنتكم

ومنتظرن البقيه

[الطامي]

صح السنتكم جميعا
ويافلاح اترك المجال لغيرك فيييه شعراء كثار يريدون الدور
انت بديت جزاك الله خيرا
الأن الدور على الأخرين
شكرالك

[عبدالله الشويمان]

اشكر كل من مر على هذه الصفحه..واثبت توقيعه فيها..

[عمر ال شيبي]

صحت قلوبكم لا هنتم ولي عوده

[عبير الورد]

صحت السنتكم شعرائنا

نسأل الله ان يعيننا على الصيام والقيام والطاعة


ويجعلنا من المقبولين

[عطر الياسمين]

صحت السنتكم
مبدعين تحياتي

[نجم الإبداع]

المشاركة الأصلية كتبت بواسطة الطامي

صح السنتكم جميعا
ويافلاح اترك المجال لغيرك فيييه شعراء كثار يريدون الدور
انت بديت جزاك الله خيرا
الأن الدور على الأخرين
شكرالك

صح بدنك يابو محمد

شكرا لمرورك

لاعدمتك

[نجم الإبداع]

شكرا لكل من مر وسيمر من هنا وصحت السنت الشعار الذين شاركو

وكل عام وانتم بخير

لاعدمتكم

[نفحات حساسة]

الله الله

صحت السنتكم والله

ويعطيكم العافيه