نظر ألى مخطوبته وهى عارية تماما !!!!!!

[كريمة محمد]

القصة حقيقة .. كانت البنت تدرس في الجامعة وكان عندها اختبار .. وأهلها ذاك اليوم بيطلعون للمزرعة .. فقالت لهم ابي اجلس بالبيت أدرس .. وفعلاً راحوا .. اهلها للمزرعة وخلوها تجلس بروحها بالبيت ..

بعد كذا كانت متأكده ان اهلها كلهم في المزرعة البعيدة عن البيت .. خصوصاُ إن فيه تليفون في المزرعة .. ولذلك فهي متأكدة أنه ما راح يجي أحد للبيت في هذا الوقت .. ومتطمنة تماماً من هالناحية .. وهي جالسة تذاكر جا على بالها انها تاخذ لها دش بارد علشان تصحصح مع المذاكرة .. وبما إن أنسب حمام وانتم كرامة في بيتهم هو حمام مجلس الرجال فيه بانيو وحركات .. والبيت زي ما قلت لكم فاضي وما فيه خوف ان أحد يجي .. كل اسرتها كانوا في المزرعة .. وابواب البيت مقفلة ..

البنت فصخت كل هدومها في غرفة الجلوس وراحت للحمام ربي كما خلقتني ..بعد ما كانت منسجمة بالحمام .. وفي هالوقت بالذات جا اخوها اللي يدرس في مدينة ثانية ودخل للبيت وكان معاه واحد من أصدقائه ..رغم انهم كانوا بوسط الاسبوع يعني من غير المتوقع انه يجي في هالتوقيت .. ولا فيه خبر انه بيجي

ابو الشباب دخّل خويه بالمجلس وراح يدور بالبيت يشوف فيه أحد ولا لا ..ما حصل أحد بعدين راح للمطبخ يسوي شاهي وقهوة وحركات لخويه .. بهالوقت طلعت البنت من الحمام عريانة ولا على بالها إن فيه أحد بالبيت .. يوم راحت تبي غرفة الجلوس شافت اخوها في المطبخ ارتبكت وبلشت وين تروح .. المطبخ كان بطريقها لغرفة الجلوس يعني لو حاولت تروح لغرفة الجلوس بيشوفها اخوها .. على طول رجعت ودخلت للمجلس ومسكت الباب وصارت تويق من المجلس من فتحة صغيرة بالباب ما يطلع الا عيونها .. وما أخذت بالها من اللي جالس وراها بالمجلس اللي هو صديق اخوها

الرجال انصدم بالموقف وش هالبنت اللي واقفة قدامه بدون ملابس ربي كما خلقتني تماماً وجلس بدون شعور يطالع في جسمها شوي يوم استوعب الموقف ان البنت متغبيه عن اخوها وانها ما درت عنه نزل عيونه بالارض وكتم النفس وصار ينتظر الفرج من الله ينتظر الموقف يعدي على خير .. هو كان بقمة الاحراج وده تبلعه الارض فما بالكم بالبنت المسكينة لا درت فيه ... البنت حست كن فيه احد ..كوّش جلدها.. يوم التفتت وراها شافت الشاب الغريب وراها

على طول طلعت من المجلس من غير فكر ودخلت بالحمام مرة ثانية وهي تبكي ومنهارة تماماً من الموقف .. اخوها بعد كان حس بالموقف قبل تطلع من المجلس وما قدر يتصرف ما يدري وش يسوي .. انتظر لين طلعت من المجلس ( لاحظوا ان كل الموقف صار بلحظات ) .. بعدين وبعد وقت ما هو قصير تحامل الاخو على نفسه وراح لزميله اللي جالس بالمجلس يوم دخل للمجلس ما حصل زميله اللي راح بتصرف يدل على ذوقه ما يبي يقابل زميله بهالموقف البايخ .. والاخو بعد يوم شاف زميله راح طلع هو بعد وما رجع الا بعد كم ساعة وجلس يهدي اخته اللي لقاها حالتها حالة ..

البنت بعد كذا صارت بحالة نفسية مايعلم بها الا الله وما راحت للاختبار من بكرا .. وحتى بعد كذا استمرت حالتها النفسية ميب زينة .. واخوها ما شاف خويه بعد كذا .. وبالنسبة للشاب اللي شاف البنت .. صار على طول يفكر بالبنت والموقف اللي صار بينهم
وما قدر يشيل صورتها من عينه .. صار يفكر فيها بشكل ثاني .. بعد كذا صار شي رائع وحل كل الاحراج .. الولد واهله تقدموا لخطبة البنت .. وبعد كذا صارت الملكة ..




وفي يوم الملكة كان اخو البنت يقول لصديقه

الناس توري الخاطب وجه البنت .. وحنا وريناك البنت كلها

القصة زي ما قلت لكم صحيحة بكل تفاصيلها


منقول

هههههههههههههههههه
سبحان الله
اختكم فى الله / كريمة

واقعة فيها من العبرة اثبت الشاب انه صديق في زمن اصبح الصديق نادر ثانيا اثبت انه رجل في زمن نقول فيه اين رجال زمان .

منقول رائع تحياتي كريمة

[كريمة محمد]

مشكووور اخى الفاضل المغترب على المرور والرد الجميل
تسلم يالغالى ودمت بخير
اختك
كريمة

الموضوع فيه من العبر الشيء الكثير ولوان فيه بعض الشك من يرجع الرجال ويتزوجها الابعد ماشاف ان حالتها النفسيه سيئه ورحم البنت الغلبانه علي امرها والتي من المفترض يكون عليها بعض الشيء من الملابس

[العمده]

بصراحه أعجبني في هذه القصه أخلاقية الرجل العاليه وتعامله مع الحدث بعقلانيه واقتناع في زمن نفتقد فيه الأخلاص .

للأسف نحن في زمن الخيانه والغدر الأخ يغدر بأخيه والصديق يخون صديقه .........الخ. والبلوتوثات التي فضحت في الناس واستخدمها معدوم الضمير وألأنسانيه ( الله يستر على الجميع )

تحياتي

القصة حقيقية
وقد سمعتها من الوالد الله يطول بعمرة قبل فترة طويله
بس اثبت ان الصداقه اسمى من طلعات وسلف .........ووو

بس الصدق والحق يقال ... اكيد الولد يومن شاف البنت اصابه منها اعجاب
لو ماهي زينه كان خطبها ؟؟؟؟ هنا السؤال....
شاكر لك القصه والطرح

[نجم الإبداع]

فعلا اخت كريمه

انا سمعت بالقصه هذي قبل كم سنه والله من احد الاصدقاء
وكنت افتكرها قصه خياليه

لاهنتي

تقبلي مروري
وودي

[كريمة محمد]

الافاضلة ...عمالقة الفطااحلة ا/ الوليدى ا/ العمدة د/ حبر ا/ فلاح مشكووورين جميعكم على المرور والرد والمشاركة بهذه القصة اتمنى لكم كل التوفيق والسعادة الابدية اختكم فى الله / كريمة

[البتار]

لك الشكر
على ما فاض به قلمك
تحياتي

[المتابع]

الف شكر
على ماجاد به قلمك
تحياتي الطيبه