وطفا الحجاجين

[عمر ال شيبي]

المشاركة الأصلية كتبت بواسطة محمد بن عمار

السلام عليكم .
جديدنا بين ايديكم
عسى أن ينال إعجانكم .


وطفا الحجاجين

مفهوم حبي ، له نظام ، وقوانين = مبني على ساس ٍ مكين ٍ قراره
مع الحبيب ، اللي بكل المضامين = من وين ما وجّهت حـدّد مساره
أغليت شخصه مرخص ٍكل غالين = والروح بين إ يديه رهن الإشارة
وأقول أنا للي ،، يلوم المحبين = ان آخرة مسعاه ذل ّ وخسارة
في صاحب ٍ تفداه وطفا الحجاجين = من جملة أهل البادية والحضارة
أقفا وقلبي منشطر ، منه نصفين = أتلف سراجيفي ، بجور انشطاره
مصهور من نار الغلا بين ضلعين = ذوّب عظامي من شديد انصهاره
من بعد ما كان الحشا به بساتين = اصفرّ زرع القلب عقب اخضراره
على زما نٍ ، مابقي ، به موالين = أقرب قريب ٍ لك ، كثير ٍ هذاره
من كلمة ٍ يقلب جميع الموازين = وهو غشيم ٍ ما يصيغ ، العبارة
وأنا على هالحال لو، لي جناحين = أطير مثل الطير، وأسبح جواره
مدام طول الصد ّ، والبعد حادين = والقلب ، ماله خيرة ٍ فى اختياره
بأشوف خل ٍ منتويني من سنين = من عقب ماشطّت ، علينا دياره
ولوالهدف إنه ..! تمتع مع الزين = اللي سلب عقلي ، بجد وجدارة
ان كان ماغضّّيت من نظرة العين = يوم الهوا يلعب بقرضة خماره
ولاعذلت القلب من بادي الحين = و مليت عيني منه ، بأ ول زيارة
وسلمّت نفسي والعقل للشياطين = وأخذت شفي منه في عقر داره

محمد بن عمار -
الاحد 11 / 5 / 1431 هـ

شاعر مشاعر والنعم منك وصح لسانك

[صعبة المنال]

في صاحب ٍ تفداه وطفا الحجاجين
من جملة أهـل الباديـة والحضـارة


دوم مميز

صح لسانك

[شجون القصيد]

وأقـول أنـا للـي ،، يلـوم المحبيـن
ان آخــرة مـسـعـاه ذل ّ وخـســارة
في صاحب ٍ تفداه وطفا الحجاجين
من جملة أهـل الباديـة والحضـارة


الله الله

عوده للابدااع

تحياتي

[صعبة المنال]

أقفا وقلبي منشطر ، منـه نصفيـن
أتلف سراجيفي ، بجـور انشطـاره

مبدع

صح لسانك

[شجون القصيد]

وأنا على هالحال لو، لي جناحيـن
أطير مثـل الطيـر، وأسبـح جـواره
مدام طول الصـد ّ، والبعـد حاديـن
والقلب ، ماله خيرة ٍ فـى اختيـاره



صح لسانك

عوده للتميز

تحياتي

[داعي الشوق]

صح لساااانك مليوووووووون

و صح بدنك


ولاهنت

*********

[ابو أنس]

العذب محمد بن عمار........................
كما قال عمر ال شيبي
القصيده تغني لوحدها
وهكذا معظم نصوصك الغزليه
لها مذاق غذب وجرس موسيقي راقي
دمت بود

[شعيل الزلامي]

صح لسانك يابن عمار

قصيده جزله وشاعر

متمكن يعطك العافيه

[محمد بن عمار]

المشاركة الأصلية كتبت بواسطة بائع الورد

صح لسانك واعتلى شااانك جميلة جدا ورائعة...دمت بخير.


بائع الورد

السلام عليكم الأخ الفاضل / بائع الورد صح قلبك اخي الكريم لاهنت ولا هان غاليك تحيتي و تقديري محمد بن عمار

[محمد بن عمار]

المشاركة الأصلية كتبت بواسطة عمر ال شيبي

القوانين

ولجلها نعود لك يا شاعرنا

السلام عليكم الأخ الفاضل / عمر صح قلبك اخي الكريم لاهنت ولا هان غاليك تحيتي و تقديري محمد بن عمار