باعد عن اللي ...

[عالي مستواها]

صح لسانك
عدنا لنمتع ناظرينا ونطرب ذائقتنا
يعطيك العافيه

[الطائر المهاجر]

ترفع لمزيد من الردود
التي تستحقها
صح لسانك
ولا هنت
تحياتي

[الخنساء]

المشاركة الأصلية كتبت بواسطة عبدالله راشد الثويني

السلام عليكم ورحمة الله وبركاته

متواضعه لعلها ترتقي لذائقتكم

باعد عن اللي رفقته .. ربـع ساعه = لجـل الموصل حبل وصـله .. يمده
أخير من قربك لزوله .. وداعه = حذرا تبادله الغلا ... والموده
وابعد عن اللي كل ما الوقت لاعه = جسر المكارم والرجوله . يهده
ماله على الشدات ربع استطاعه = تلعب به الدنيا بعيد .. وترده
وابعد عن اللي مايودّ . الجماعه = فيه العلوم الخايبه .. مستجده
علم الردى بين المخاليق ذاعه = كن الوفا . ياسامع القاف نـده
وابعد عن اللي داعي الشر طاعه= حتى خلط مابين مزحه وجده
ماعدت تفهم فالمجالس طباعه = مع الوفا في يوم ، وايام ضده
وابعد عن اللي فيه عرق القطاعه = باب الوصل بين المواليف سده
اقرب قريبً له مع الوقت باعه = عن عزوته قد طال بعده وصده
وابعد عن اللي يستمع للإشاعه = شوفه على الزلات دايم يلده
ماله على حكي العواذل مناعه = قول الرديّ . على الهزيلات حده
وابعد عن اللي مـا رضى القناعه = دايم وديناره بجيبـه .. يعده
يقصر على الواجب بمده ذراعه = المال له سيّد بكيفه يكدّه
وابعد عن اللي نظرته في متاعه = بين البشر ماشاف له شخص قده
الوقت غرّه وابتدى بإنصياعه = واصبح غروره للرذيـله يشده
وابعد عن اللي ماظفر بالشجاعه = اقرب ولايفه الكسل والمخده
مازادته دنياه غير .... المياعه = مثل النساء يفخر بلبسه .. وخده
هذي نصيحه جعل فيها نفاعه = ماجابها غير الغلا والموده

للتميز والابداع عووووودة
لاهنت ودام حرفك

[عذب القوافي]

جمال النص أجبرني على المرور

صح لسانك

تقديري ,,,,,

[الخنساء]

للتميز والابداع عودة

لاهنت ودام حرفك

[صعبة المنال]

للتميز عودة

صح لسانك وحرفك

صعوووب

[نفحات حساسة]

لها عودة تليق بها
لاهنت

[الفرهود]

سلمت وسلم فكرك وقلبك
ابدعت فأجزلت فامتعت
لله درك
مع أطيب التحيه

[السهل الممتنع]

للإبداع الخلاق جماله
وهنا تذوقت الجمال
صح لسانك حتى ترضى
تحياتي