الميدان ياحميدان.. لمن يرغب

[نجم الإبداع]

يا مركبٍ بالفكر طابت مساريه = فيه الجواهر كامنه من يجاريه
شدوا شراعه ثابتاتٍ صواريه = متميز الموضوع للكل تقدير

[الطائر المهاجر]

على ديار اللي رفض من يناديه = قام يتبعد مخفي ويش ينويه
ان كان في باله علينا مشاريه = نرضيه دامه فالمواجب سنافي

[منيع]

طيرك غدى يم الثريا محاريه=وهذي على ماقيل رحلة وترفيه
اصبرعليه اليوم ولابتاليه=ويرجع معك صافي ونعطيه تقدير

[نجم الإبداع]

ياطير يصدح بالغناء حن واديه= ساق الشجون ودز بالجزل تنويه
اجرى دموع القاف شفها تباريه= لكن صراحه يستحق الف تقدير

[الطائر المهاجر]

طير بلا جنحان تاهت خطاويه = وغدا مثل ضب يردد غناويه
متى ربيع الوسم تزهر مفاليه = لو كان محروم ولاشاف تقدير

[منيع]

الطيرياعثمان ضاعت حراويه=يومك بمخلابك شطحته وناويه
خل التباكي كان تقدرتداوبه=دزاعتذارك وان قبل لك تقدير

[نجم الإبداع]

الطير ربك يرزقه في مغاديه = يسرح خماص ابطون ويروح ماليه
والصبر زين وربك الهم جاليه = عادك عزيز ولك من الكل تقدير

[ابو زياد]

الذيب اشكرك يابيه على المرور
بس ما اعتقد اني بانفعك مع هالفطاحلة

[ابو زياد]

الحق ضاع وضايعات مباديه=واللي لهن الثار ماشوفهن ليه
بعض القلوب يطيب جرحه ويسليه=وانا بقدر كل لحيه بتقدير

المشاركة الأصلية كتبت بواسطة ابو زياد

الحق ضاع وضايعات مباديه=واللي لهن الثار ماشوفهن ليه
بعض القلوب يطيب جرحه ويسليه=وانا بقدر كل لحيه بتقدير

كلن شطح في درب من غير تنبيه **** وخويك اقفى مع فقيد يناجيه
مدري ولع والا يبي رايك يتيه **** بين الفطاحل من لهم كل تقدير