آخــــر أبــيــاتــي !!

[عادل العتيبي]

صح ابدانكم جميعا



اسعدني مروركم واثلج صدري



عاجز عن الشكر لكم



وكلماتي لاتوفيكم حقكم جميعا



تقبلوا تحياتي

الله الله ياعادل


دائما ً مبدع


صح لسانك مدد بلاعدد
على هالدرّه الشعريه



لاهنت




إحترامي وتقديري

[عادل العتيبي]

صح بدنك اخوي محمد


وكل الشكر لك على مرورك الجميل



تقبل تحياتي

كلمات رائعه كروعة تواجدك

سلمت و سلم فكرك

[بارق السيف]

يا سلام

جزاله وحبك صح للقصيد

صح لسانك عادل العتيبي

جزله ووافيه

تحياتي

[صنداح الزلامى]

المشاركة الأصلية كتبت بواسطة عادل العتيبي

آخر أبياتي كتبته قبل تقريبا شهر=ماطرقت ألآ النزية وما كتبت ألآ النزية
أبتدي وأكتب شطر وأليا انتهيت أمسح شطر=لجل أميّز كل بيت(ن) بالجزاله وأنتقيه
أحيان أشوفه من ورود وياسمين ومن زهر=وأحيان أحس اني لحالي في زماني معتليه
وأحيان أحس أنه عذاب ومن لهيب ومن سقر=وأحيان أنزّل قدر نفسي لين أقبّل راحتيه
وملهمي يبغى قصيدة / قلت تامرني أمر=وكل بيت(ن) من قصيدي شام لعيونه يبيه
القصايد فيك منظومه مثل نظم الدرر=كل بيت(ن) في عيونك اكتبية وعانقيه
جابك الله وأنت لك في وسط شرياني مقر=وصار قلبي لك يردد والمشاعر تحتويه
مرحبا بللي حضر يامرحبا بللي حضر=مثل ترحيب الفقارى للريال وللجنيه
جيت يمي من شموخ وكبرياء ومن فخر=مثل شيخٍ بالمواقف كل ربعه تنتخيه
أنتضرتك كأني اللي جالسٍ فوق الجمر=جاملي قلب المعذب في وصالك وأرحميه
انتضر لحظة وصالك لين مليت الصبر=والمولع ياغناتي اسعفيه وعالجيه
وحالي أللي لاظواها الليل واغواه السهر=زارني طيفك وطيفك بالبشر ماله شبيه
أرسمك صورة تشابه فالسماء وجه القمر=كل ليله مع خيالك ابتديه وانتهيه
وكل ماشفتك اغني الخبر نفس الخبر=ماطرا علم(ن) جديدٍ ياخفوقي تحتريه
ياغناتي والمعزة مالها عندي عمر=العمر فدوة عيونك كان تبغينه خذيه
عاتبيني لجل أشوفك كل ماشح النظر=وأزعلي ورضاك غايه والله اني ل/ أشتريه
أنت بس اللي رضاك أقوم له عز وقدر=كأني الشهم الكريم اللي يراضي والديه
انت كلك ياغناتي غير عن كل البشر=انت بس اللي خفوقي ياحياتي يهتويه
شفت في عينك عفاف وشفت في ذاتك طهر=انت تشبه للكرامه في تطاريح الوجيه
لو بعض أحيان من قدام خلق الله يمر=كل خلق الله تقول الله عليه الله عليه
ولو بغيتي نور عيني سقته لعينك مهر=والكلام اللي اقوله لازم اني احتميه
ودي اني اعتذر لك بس ماعندي عذر=بس شاعرك المعذب اعذريه وسامحيه
جعلك تعيش بسعادة مايجي حالك كدر=ومن يعادي حضرتك جعل المصايب تبتليه
تبغى الصراحه والحقيقه بالمفيد المختصر=أنت بس اللي خفوقي ياحياتي يهتويه

[blink]الصمت عنوان تعليقي = وشهادتي فيك مجروحه[/blink]

صــــــح لســـــــــانـــك

[عبدالعزيز العقيدي]

الشاعر /عادل العتيبي
صح الله السانك
رائعة بمعنى الكلمة
تحياتي لك دمنم بكل الود

[عبدالله المسعودي]

عادل العتيبي ..؛
صح لسانك وقصيدة جزلة من شاعر جزل ..؛

[ابومالك رسام]

عادل صح لسانك ممتع قصيدك بروعة فكرك الناضج
واحساسك المرهف سلامي لك

[نجم الإبداع]

ارحب ياعادل

وصح لسانك على المصافحه الراقيه

ابدعت ياشاعر

لاهنت

فائق الاحترام