أفلح يافلاح عاجلا غير آجل

[سناعيس]

ولا عنك زود وطبعكم بالعرب ساد=ان جابك الله في وعد أو مفاجه
قدرك على راسي وكله لك شداد=وسكناك في عين ضحك لك حجاجه

[ماجد المهدي]

الله الله

صح لسانكم وما في احلى من لقى الاحبه

تحياتي لكم

[نجم الإبداع]

تسلم وقدرك ياسليمان يزداد = في كل يوم القلب فيك ارتهاجه
لاشك ودك ثابته منه الاوتاد= بقلوبنا حبك سكن واختلاجه

[سناعيس]

الى بغت ترسي مراكبك وراد=وسط الخليج أو هي بمينا سفاجه
أبسألك ياشيخ ياولد الأجواد=عن قلب من هو صالي الحب لاجه
هو يشتكي للناس ويواجه أضداد=والا يتحرى من الولي بانفراجه

[سناعيس]

الأخ الشاعر ماجد المهدي
متابعتك لنا شرف ووسام
والله لايهينك

تحياتي

[عبدالرحمن الصباح]

صح السانك اخوي سناعيس وصح السانك اخوي فلاح ابداع ترانا متابعينكم الله يعافيكم

[نجم الإبداع]

ياشيخ دامك بالمواجيب سداد = فامخر عباب البحر واخش انعواجه
الحب للرجال لاشك قداد = الله يكفينا هواك وهياجه
ان كان عندك مقدره وانت وراد = فالشرع حلل للعباد احتلاجه

[نجم الإبداع]

ماجد المهدي
عبد الرحمن الصباح

ارحبوووووووووووووووا ياشعار
حضوركم يشرفنا

لاعدمناكم

[سناعيس]

صح لسانك أخي الشاعر فلاح بن منشار
وشكرا لك على الإستجابه والله لايهينك

تحياتي

[ابو زياد]

الله الله
ماقصرتوا
ممتعة