( دروب الـمـهـتـديــن )

[وليدالبسطي]

مرحبا مليون يالشاعر

نصيحه في محلها

بيض الله وجهك


لاهنت

[عبدالله الدخيل]

اللهم آمين

صح لسانك ولا هنت والله يهدي الجميع

[نفحة الطيب]

المشاركة الأصلية كتبت بواسطة راشد فاروع

السلام عليكم ورحمة الله وبركاته


من الجديد اتمنى لها القبول

يارب تهديني وترزقني دروب المهتدين=أطلبك درب الاستقامه والزياده في الأجر
أنت المجيب أنت الحكيم أنت الموفق والمعين=أنت القدير تفجَر الانهار من صمَ الحجر
خوف ورجا، في الارض تسجد لك جباه الخاشعين=ياحظ صدر اللي بتوفيقك وتسبيحك تجر
ياحي ياقيوم ياعلام ماتخف السنين=الحظ فضلٍ منك ماهو بالمحايل والزجر
مايستهم من الزمان إلا صدور العاقلين=اللي يعرفون السنين أتشابه اوراق الشجر
ياصاحب القلب النصوح النصح طبع المصلحين=كلٍ له اعماله رصيد اللي صدق واللي فجر
صل الفروض الخمس وأركع لك لوإنه ركعتين=في غفلة السالي قبل لايذن آذان الفجر
رتل من الأيات وأقراء في رياض الصالحين=هذي تراها أخير من دنيا التفاخر والهجر
وإن كان ماأنته لا كريم ولا حكيم ولا عوين=يعني بدون مجامله لا أنته زناد ولا نجر
من واقعي صغت الدرر ماجات من شوق وحنين=لوإن شوقي مثل كسر العظم يسجرني سجر
وسلم ويسلم من عطال العلم يالقلب الفطين=المعرفه والطيب مافيها صكوك ولا حجر
ياللي تشوفون الحقايق شوف وأنتم ساكتين=يامعمرين المدن والأبراج من بعد الهجر
أكبر دليل من العقل والمعرفه متشبعين=أصدوركم لو ماتحسب حساب يمكن تنفجر
هذي حقيقه والحظيظ اللي كسب دنيا ودين=يالله توفقنا وترزقنا الهدايه والأجر

صح لسانك واعتلى شانك

[عمر ال شيبي]

روعه من شاعر طيب
لا هنت ابد

[محمد بن عمار]

السلام عليكم
صح لسانك يالشاعر
وجاد بيانك لاهنت
تحيتي وتقديري