الجامعه ومشاكلها ؟؟

[احساس أنثى]

غاليتي أم فيصل
كل الشكر لك لهذا الطرح الرائع

وأنا بالنسبه لي ارى أنك هناك ظلم ليس في الجامعات فقط بل حتى في الكليات
وهذا الظلم لاأقول من جميع الأساتذه بلعكس في ناس عندها ذمه وضمير وفي ناس ماعندها ضمير

وأوردلك قصه طالبه في قسم اللغه الإنجليزيه وكانت من أوائل دفعتها فهي طالبه حصيلتها اللغويه جداَ ممتاز ومعروفه بين أساتذتها وبذات في ماده الترجمه فدكتوره الماده كانت دائما تشكرها وتثني عليها وتتمنى من جميع الطالبات أن يكونون مثلها وعند انتهاء الإختبارات وجدت الطالبه أنها حامله لمادة الترجمه فاستغربت من الأمر كيف تحمل الماده وكان حله في الاختبار جيد جدا ودكتوره الماده دائما تشجعها
مع بدايه النصف الثاني راحت تسأل الدكتوره لماذا حملت مادة الترجمه

فردت عليها الدكتوره بكل برووووووووووود(((ليش جت فيك هالمره)))؟؟


وهناك بعض الاساتذه من يذاكر ينجح يعني يراعون الله في كل شي

تحياتي ياحياتي

أقول يا أم فيصل

كل مايقال صحيح ...

وظهر في القناة الشبابيه السعوديه هذا الكلام وتكلموا الطلاب وأنا من الي تكلموا

جاء التلفزيون في شقتنا وقابل معي أنا وثلاثة من الزملاء وغسلنا أم النظام الجامعي وعريناه تعرية كاملة للأسف ما أذاعوا اللقاء ولكنهم بعد البرنامج بأسبوعين أذاعوه في موضوع ثاني سموه معاناة الشباب وخلوه في سياق بحث الشباب عن أماكن الترفيه <----- مهزلة فاتصلت على المذيع وغسلت شراعه وقعد يتعذر وقال أبشروا نسوي لقاء ثاني قلت خل لقائك لك مادام مافيه مصداقيه ...

أقولك الجامعه قصة معاناة لكل شاب وشابه ...

بل دكتور مرة من المرات كان داخل عند طلابه ويقولهم بالحرف الواحد (الي أعرفه أشوته رجفتين الا هو ناجح والي ما أعرفه نص ونص بالدف والي أكرهه رسوب لو هو ممتاز...

أقول والله أن سبب الدهورة في الجامعات فقدان الرقابه ..

ليس هذا فقط بل الي في أهل أمه خير يروح يطلع ورقة إجابته من الجامعة يدفع خمسمائة ريال ويهددونه بأنه لو أكتشفوا أنه أقل درجاته يويله ياسواد ليله بنفصله وبنسوي به لين الواحد الي متأكد من إجابته يخاف ويتراجع ..

أنا أقول أن الجامعات من مديرها إلى أصغر موظف فيها وضعت خدمة للطالب وليس خدمة للدكتور ومادام الدكتور بكبره خادم للطلاب فيجب عليه الإلتزام بكذا ولا مجالات العمل واسعه يذهب لأي مجال ...
ويترك الطلاب الضعوف في حالهم ...

والله فقان الرقابه الذاتيه ثم فقدان الرقابه الحكومية جعل هؤلاء يستمرأون القوة وفرد العضلات على طالب همه يبي ينجح ولا انكر وجود شباب تافه لايعي معنى الدراسة ومضيع الطاسه لكن ليس المفترض معاملة الجميع بمعاملة هؤلاء...

تحياتي

[الخنساء]

شكرا ذيب فقد قلت كلمة الحق
للاسف الكثير تركوا الجامعه
بسب دكتور ظالم ومحتكر المادة
وهذا الدكتور متخرج بنسبة مقبول
راح لامريكا وجاب الدكتوراة
وجاء وفرد عضلاته علي ابناء وطنه
كم هو قاسي علي قلوبنا ان نري ونسمع
هذه الاخبار
لم يحس بالمعاناة الامن يعايشها
تحياتي للجميع
شكرا ام فيصل لطرح هذا الموضوع

[الطائر المهاجر]

المشاركة الأصلية كتبت بواسطة الريم

حبيبتي ام فيصل آهنييك على الموضوع الي جد يستحق النقاش

لانه من جد هاليومين بالذات كثيير ما نسمع عن ظلم الجامعه وبالذات في جامعة العيال

ماادري اذا ما كان ظلم اجل وش نقدر نسميه؟؟
وانا سمعت ايضااً انه كثار الي ما يصححون الامتحانات

انا عن نفسي الحمدالله للحين ما واجهت مشاكل مع الجامعه.

لكن السؤال الحيين لو ما كانو الجامعه ظالمين و و و,,,,الخ ,,,,

اذن لييش الطلاب يحطون اللوم على الجامعه او يتهمون الجامعه بالظلم؟؟

هل عشانهم فشلو انهم ينجحون؟؟

و اانا صراحه من دراستي بالجامعه مؤمنه بقاعدة الي يدرس بينجح غصبن عن اي دكتور او دكتوره..


وبالنهايه اتمنى للجميع التوفيق والنجاح

ويعطيكي الف عافيه ام فوفو

هذا الكلام اللي يتكلم بالحق والواقع .... ما فيه دكتور يستطيع أن يظلم أي يطالب يثبت جديته ويشتغل صح .
الرقابة موجودة ، وفي كل قسم وهذي مهمة رئيس القسم ووكيله ، ومن فوقه عميد الكلية ووكيله ، وأي دكتور
يراجعون الدرجات التي يمنحها للطلاب ، ويتعرض للمساءلة ، والحساب إذا تبين أنه خان الأمانة...
اذكر كم مرة يسألوني ، عن كشوف الدرجات للمواد التي ادرسها ، فأشكرهم على المراجعة ، ولو ارادوا الإطلاع
على اجابة أي طالب اظهرها لهم...

هلا ام فيصــــل

والله موضوعك يبررد القلب


انا مع ذيب يوم قال ((( ليس هذا فقط بل الي في أهل أمه خير يروح يطلع ورقة إجابته من الجامعة يدفع خمسمائة ريال ويهددونه بأنه لو أكتشفوا أنه أقل درجاته يويله ياسواد ليله بنفصله وبنسوي به لين الواحد الي متأكد من إجابته يخاف ويتراجع ..))


بصراحه والله الظلم مووجود بكثــــــره بعد

انا بالنسبه لي حسيت اني انظلمت مرتين والى الحين مقهوووره


المره الاولى كنت اخذ ماده سياسه مع دكتووور وكان ماشي مضبووط معنا
بس كلمته مشرفه كانت عندنا وقالت ان نص البنات ماحضروا ومن بعدها
وهو منقلب 180 درجه وكل يوم يهددنا

واخرر شي بالنسبه لي انا نجحت ب مقبول مع اني حافظه المنهج وحاله زين 100 %

بس الشكوى الله ....


والمره الثانيه عندنا دكتوره مصريه مللت من الدنيا وملت منا .. وكل يوووم تسمعنا انواع التهزيئات
وانا بروح لمصر وانا بروح لمصر
وهذي اخر سنه لي

وفعلا نجحت عندها بس بمقبوووووووووووووول .. مع ان معدلي في مادتها مرتفع ,, وكثير حملوا الماده
.. يوم راحوا البنات يكلمونها ..



تدورن وش قالت ::





والله اني منقهره




تقوووول

في الجامعه ديه اللي بينجح بتقادير سيئه يعطووونه شهاده تقدير وشكر

واللي يكون بينجح البنات بتقادير عاليه يحووولونه للتحقيق


وكم استاذه بعد قالت نفس الشي .....





بس الشكووووووووووووووووووووووى للــــــــــــــــــــــــه



الله يسامحهم ويهديهم ...

[الطائر المهاجر]

"في الجامعه ديه اللي بينجح بتقادير سيئه يعطووونه شهاده تقدير وشكر
واللي يكون بينجح البنات بتقادير عاليه يحووولونه للتحقيق"
وهذا يؤكد وجود الرقابة ، لكن كل دكتور وذمته ، فلما يكون ماشي صح ، ماعليه
من التقديرات اللي يعطونها له ، لكن المتعاقدين والمتعاقدات يخافون تسوء تقديراتهم
فلا تجدد عقودهم ، وبالتالي يحفرون من جهة ويدفنون من جهة اخرى..

[أم ريما]

عزيزتي احساس انثى

مشكوره يالغاليه على التفاعل والرد
وفعلا هناك بعض الظلم لكن ما نقول الا حسبي الله ونعم الوكيل


اخوي ذيب
الف شكر لك على التفاعل والكلام الصادق والصراحه
يعطيك العافيه والله يوفقك وحسبي الله ونعم الوكيل على كل ظالم وما يراعي الأمانه والحق ...


اختي ميلاد
يعطيك العافيه حبيبتي والله يوفقك ان شاء الله يارب
والله حرام الظلم وحسبي الله ونعم الوكيل على كل ظالم ..لكن وش الحل مع هالأشكال اللي ما تخاف من الله ولا تراعي الأمانه في العمل والحق ...


الف شكر للجميع ...

ابو عبدالله أنت ربما كنت تخاف الله وكنت تعامل الطلاب بمعاملة عادلة لكن والله يابوعبدالله لا تعرف ماذا أحدثوا بعدك ..

ولا أعمم على كل الهيئة التدريسية لا والله في ناس قسم بالله عادلين ويحاسبون على ربع الدرجة من زود العدل ..لكن فيه دكاتره وهم كثير يعاملونك معاملة معرفة وهذا ملموس ومعروف بين الطلاب وأما الرقابة لايمكن تكون فيه رقابه حقيقية من رئيس القسم ولا حتى نائبه لأنه هو بنفسه رئيس القسم دكتور ووصل لمده معينه ويرجع للتدريس ويجي ربما صاحبه الدكتور الآخر الي كان يراقب عليه محله يعني المسألة لازم تدخلها مراعاة ومش لي وأمشي لك علشان مايمسكون على بعض ..

وأنا لا أنكر وجود شريحة من الأساتذة بالجامعة عادلين وصالحين لكن هناك شريحة كبيرة ولها وزنها تمثل الجانب السيء وهذا معروف ومشاهد وحصل لكثير من الطلاب وعلى قولة المثل (مافيه دخان من دون نار)


شكراً

تحياتي ..

مرحبا جميعاً

للاسف الكثير تركوا الجامعه
بسب دكتور ظالم ومحتكر المادة

أنا أحد هؤلاء الطلاب ( مع العلم بأنه لم يتبقى لي سوى سنه واحده لتخرج من هذه الجامعه )

نصيحه لأي مستجد ( يعني توه داخل الجامعه )

لا تتحمس وتذاكر قبل الإختبارات إلا بيوم أو يومين ( والسبب ) إنك راح تشوف أسئله غلط أو مو من المنهج أو حتى من شرح مدرس الماده ( يعني ما تدري من وين جابها ) فـ شيء طبيعي تتقبل بصدر رحب

لأن إخوكم جلس يذاكر ماده وجلس يذاكرها قبل الإختبار بأسبوعين ( مسوي دافور أنا وخشتي )

وأخرتها سؤال ( مكتبوب بصيغه صحيحه ويقول طلع الغلط ) لما ناديته وقلت صح الجمله وأنا متأكد قال لي غلط وسلم ورقتك فاضيه إذا مو عاجبك .

بالله لو أحد مكاني وش يسوي ؟؟؟ كملت والورقه وكتبت على الجمله صحيحه وراجعت لكن للأسف حامل الماده مع القهر والتكدير

رحت بأراجع ورقتي ( يقالكم خربتها ) قالوا لي نصيحه تراه سعودي ومحتكر 4 مواد في قسمك

قلنا الشكوى لله حملت الماده وسكت والترم إلي بعده نفس الشيء مع العلم بأني من أفضل الطلاب في القاعه ( موب مدح في نفسي إلا خبره من كثر ما حملت عنده ) وأخرتها إنذار ورى الثاني قلت يا ولد أسحب ملفك لا يجيك فصل أكاديمي ثم ما تلقى جامعه تضفك .

بإختصار الدكاتره في الجامعه من السعوديين ( ينعدون على أصابع اليد الواحد ) هذولا إلي ندعي لهم بالتوفيق

أما الباقين أستغفر الله بس على الدعاوي إلي جتهم الله لا يوفقهم


تحياتي وإحترامي

أخوك كماند

و في كليتنا يوجد دكتور ماسك مادتين في فصليين متتابعين و المادة الاولى متطلب للمادة الثانية..الطلاب ياخذون عنده المادة الاولى من المستوى الثاني و لا يخلصون من المادة الثانية الا في الفصل الاخير (الدراسة كلها 8 فصول) بالاضافة الى ان الطلاب اللي درجاتهم ما تقل عن B+ ما ينجحون عنده الا بالc ~___~