تحت البساط

[نفحات حساسة]

صح السانكـ

يوسف

ولاهنت يالجزل..أبيات رائعه

سلمت وسلم لنا أبداعك

تحيتي.

[عبدالعزيز العمار]

يوسف الشقران

صح لسانك وجاد بيانك

كتبت فأبدعت وأجزلت

تحياتي وتقديري

[ماجد المهدي]

ماينفع العبد الأسود لانـوى الإنخـراط ماينجهل في بلاد الروس عبد اسـودي

الله الله يابو عيسى

من عرفتك وانت كاش وبساطك احمدي

ابدعت بالقافية والمغزى والبحر

صح لسانك ولا هنت

مغليك

ماجد المهدي

[الـزلـزال]

يوسف الشقران

نص رائع وجميل

من شاعر تعودنا منه تقديم كل مايليق

ابدعت وأمتعت شاعرنا رعاك الله

دمت ودام بوحك العذب

صح لسانك ملايين ملايين

ولك فائق تحياتي وتقديري

[ماجد الزيد]

المشاركة الأصلية كتبت بواسطة يوسف الشقران

السلام عليكم


بعد التحيه ..


خل البساط احمدي ...

خل البساط احمدي وشلك بتحت البساط = يعني اشيفيدك لو اني مخفيٍ مقصدي
خلك طبيعي ولا تلعب بصف احتياط = صف النوايا ترى ان ضيعتها بتغدي
لامن سألت ابعبط جاك الجواب اعتباط = بامشي معك وافتح ابكفيك ظاهر يدي
أشتم في بعض ماتبديه ريحة شياط = بس أترفع و باسكت ياعسى تهتدي
في منهج السفسطه بعض الكلام انحطاط = ماهي تفلسف وسوء الظن مستبعدي
ماينفع العبد الأسود لانوى الإنخراط = ماينجهل في بلاد الروس عبد اسودي
لا لا تذاكا عقب تبلش بحل الرباط = ما كل عقدة تبي تفكير يالأجودي
ما كل غلطة تطوف او كل شقٍ يخاط = وافهم ترى العقل تعمة والردى للردي
دام البساط احمدي عش لحظتك بانبساط = لاتعكر الجو مادام البساط احمدي

وسلامتكم




><><><><><><

لك أنت

الشوق / أبطيت عننا يا صديقي

أما النص فله الجزالة كعادتك

صح الله لسانك ولأني شرهان عليك مابي اعطي القاف حقه من المدح :d

[همس الورد]

صح لساااااانك مليوووووووون


و صح بدنك

بوووووح رائع

[الطامي]

خل البساط احمدي وشلك بتحت البساط
يعني اشيفيدك لو اني مخفيٍ مقصـدي
خلك طبيعي ولا تلعب بصـف احتيـاط
صف النوايا ترى ان ضيعتهـا بتغـدي
/////////////////////
الشقران
صح السانك
وخل البساط احمدي
شكرا لك

[مبروك بن ماضي]

الاخ الفاضل الشاعر / يوسف الشقران

حضور يروي الذائقه..وحروف راقيه

ابدعت وامتعت بهذه الدره الرائعه بكل المقاييس

صح لسانك واعتلى شانك

لك تحياتي وتقديري ،

[مسلم عواد العميري]

صح لسانك وفكرك
نص رائع وجزل
لاعدمنا تواجدك ياغالي
تحياتي

[عبير الورد]

صح لساااااانك ملايين
سلمت وسلم منطوقك الجزل
ربي يعطيك العافية