فتل ووووووووووو نقض

[ترانيم المطر]

صحت ألسنتكم حاولت أجاري إبداعكم

يا شجون قلبه صب مغرم ومحروم = هاتي دواه ولا تزيد الونيني
وأنا اعتقد ماعندك إعلاج محسوم = قلبه طواه البعد كثر الحنيني
إن كان قلبك يبن منشار مكلوم = وقلبك على فرقاه تايه حزيني
حاول تسامح صاحبن لك على الدوم = نسيانه أصعب من فراقن هويني
قمراك شعت ما تشابه لها إنجوم = لا تحجب القمرا عن الرافديني
خلك وفي لو عاذلك يكثر اللوم = اتبع رضاه وربك اللي يعيني
لابد ما يرجع رحيقن ومختوم = إن كان حبه في فوادك مكيني

[نجم الإبداع]

اررررررررحبي وصح لسانك ياترانيم وحضورك قدا واثراء للموضوع

وننتظر رد الشجون والطرقه سليمه

لاهنتم

[زهرة اللوتس]

صحت السنتكم
مبدعين
تحياتي

[نجم الإبداع]

راعي الهوى ياهيه بالعشق مكظوم=والي يبا ماجابه الحظ شيني
دونه حجاب وحوله جنود وخصوم = بايديه سوى القيد وادمى يديني
لوّه تحملني وبادلني العوم = ماكان صاب الخافق الجرح بيني
قالو العرب يكفي نقيسٍ من الثوم=كذبتهم واثر المثل مبتليني
طاوعت قلبي عقب ماكان شغموم=اضحى قتيل الطرف والوجنتيني
صار ايتسمع لاغنيات ام كلثوم =من عقب ماهو مرشد القبلتيني
لاوالله الا للهوى كف زيزوم = من يلطمه يغدي جوي مستكيني
هذا الغرام وحرف بالحب ملغوم=تاه الدكاتر فيه والمنجديني

[نجم الإبداع]

الاخوه الكرام

الطامي

عبدالله الحمدان

سعود الحافي

زهرة اللوتس

صحت ابدانكم وشكرا لحضوركم المشرف

لاعدمناكم

[سعيد الصاعدي]

صح السنتكم
لاهنتوا

[شجون القصيد]

انا نصحتك مير طاوعت رنوم = وظنيتوا الوصفه من العاذليني
ومن لايطيع النصح لايبعد الزوم = باكر يجيه من الدهر ضربتيني
مادام قلبه من هوا البيض مصروم = لافاد به طبٍ ولا من عويني
يبقى على حاله معنى ومسقوم = يطرد ورا المقفين والمقبليني
وانا نويتك بالشفا وانت مسهوم = ماعاد ينفع فيك شور الذهيني
ابيك تصحى قبل ترديك معدوم = تصير حره وانت مثل الرهيني
ومن شاف حالك قال يانجم مسموم = رح للمطوع يسعفك بآيتيني
يقرا عليك الكهف والناس والروم = قدام لاتصفق يسار بيميني

[ترانيم المطر]

رح للمطـوع يسعفـك بآيتينـي
يقرا عليك الكهف والناس والروم

ههههههههههههههههههههههههههه

مابعدها دواء عن كل عله

صحت السنتكم جميع

[نجم الإبداع]

نصيحتك فيها من العرف مرسوم = لاكنها ماتنفع العاشقيني
اقول لك مجروح وتقولي اتصوم = ياكيف اصوم وهو هوى الريتّيني
هو لي الغذاء والماي وصحاي والنوم=هو نور عين الصب والمقلتيني
السستر الي جابت ابره وميسوم =ماتدري ان العلّه جوف البطيني
شالت شراشفها وراحت لابو الدوم=فوق البحور الهوج جاها الونيني
جيت الذي يقرون قالو انت ملطوم= من صوت عذراء صاب منك الوتيني
مالك علاج وخافقك صار منجوم = الا بشوفة صاحب الحاجبيني
بالله ياهل العرف لن كنت موهوم = هات الدليل وهيجنو بالهجيني

[صنداح الزلامى]

انا اسجل اعجابي وادون ملاحظه عليكم ايه الشعراء

اول اقول صحت السنتكم

وثانيا المحاورة هذي غير المحاورة المتعارف عليها

مازاد عن بيتين ليس محاورة ونما يقال قصيدة او ابيات

المحاورة من بيتين فقط من عرفنا المحاورة وفتل ونقض

اما القصيدة ليس فيها فتل بل رد على شاعر مقابل قصيدة

او مجارات شاعر