ارووه ياشعار من جرح غزه؟؟

[نجم الإبداع]

العلم واضح مايبا له براهين=كلن فرح بمرايته جنب قزه
مع القواعد مانَعرّف الميادين=بطه تحط العلم في راس وزه

[الطامي]

ماهو كذا يامشارك ويالفهيمين = امن الرويس اللي مديم نرزه
ضعفة الامه سبة اهمالها االدين = ويالله بعوده طيبه للمعزه

[رفيعة الشان]

ابغي لاجابة واضحة يامجيبين=وش حال من نغليه واللي نعزه
هل ياترى من حكينا مستفيدين=هل ياترى من حكينا تعود غزّه

[الطامي]

هي هيه ياحليلش بليلش تحلمين = حنا العرب نمشي على قطن قزه
ماعندنا غير الحكي والبراهين = دايم انقول القول من دون هزه

[نجم الإبداع]

نحلم ولا نعمل ولا نقضي الدين=ماغير ناتمايل على طبل عزه
سيوفنا لــ العب حتى النساوين =ماحركن نخوه ولا شفت خزه

[داعي الشوق]

للجعجعه نوحي ولا نشاهد طحين = ترى العرب من هرجنا مشمئزة
ما عاد فينا نخوة إخوان للدين = مسكين ياللى حالته مستفزة

[نجم الإبداع]

بين البشر من عقب عزه مهانين=خط التوى ماارتاح منهو يقزه
نومه طويله تحت جور الصهايين =بالحلم ننوي كل راسن نحزه

[عالي مستواها]

صح لسان الجميــــــــــــــــــــــع لا هنتوا


حبيت اشارك بكلمه لاني لستوا مؤهله لكتابة الشعر


اللهم فك كرب المسلمين وانصرهم على اعدائهم وزلزل الارض من تحت اقدام اعدائهم
اللهم ثبت المجاهدين والمدافعين عن دينك وانصرهم
آمييييين

تقبلووووو مروري