هواجيس ومساحات للخيّالة

[خيالة الشعر]

مرايتي والكحل والعطر والروج = واشياء كانت يوم ذكرى زواجي
احيا بها واسهى وبضلوعي العوج = آلآم واهات ن وجرح ازدواجي
تقتلني الاحزان فوج ن ورى فوج = اصيح لكن من يحس احتياجي

,,,,,,,,\\


تخنقني العبره

ويخذلني البوح

[سناعيس]

المشاركة الأصلية كتبت بواسطة خيّالة الشعر

مرايتي والكحل والعطر والروج = واشياء كانت يوم ذكرى زواجي
احيا بها واسهى وبضلوعي العوج = آلآم واهات ن وجرح ازدواجي
تقتلني الاحزان فوج ن ورى فوج = اصيح لكن من يحس احتياجي

,,,,,,,,\\


تخنقني العبره

ويخذلني البوح

خيّالة الشعر
صح لسانك وياسلام عليك
صحيح انها ثلاثة ابيات
ولكن كل بيت يعبر عن قصيدة بأكملها لقوته وجزالة معانيه
واسمحي لي بمجاراتك
مع الاعتذار اذا كانت لاترتقي لابياتك الرائعه

تشكين واشكي والفضا واسع فجوج=لكن نبي منهو يعَدل المزاجي
احد قضى عمره حصافه ومنتوج = ثم صار حظه كالطحين بعجاجي
واحد قضى عمره سفيه ومرجوج=ثم استقام الحظ عقب اعوجاجي
هذي هي الدنيا كما اليمّ والموج=ومنهو من صدوف المقادير ناجي ؟

تحياتي

[خيالة الشعر]

اللللللللللللللللللللللللللللل له

تعتبر ابياتي قطرة من بحر ابياتك

انت شاعر كبير وانا لازلت في بدايتي

صح لسانك

اسعدتني بردك اللذي اعلقه وساما على صدري

لاعدمتك

[خيالة الشعر]

ياعين هلّي دمعتك ياعيني = على وليف ن دايما ناسيني
اقفى وخلاّني وحالي صعبه = والناس ماتدري وش الّي فيني
ياليتهم حسوا بكسر الخاطر = يومي وحيده اصفق بيدّيني

......\\

ياليت ترجع لي سنين الطفوله = وابدا حياتي جدّ أحلى بدايه

[نفحات حساسة]

صح السااانك وسلمتي

وسلمرنبضك واحساسك،،،

والف الف مبروووووووك افتتاح كشكولك

اتمني ان تتقبلي مروري الخفيف

وتسمحي لي بالعوده،،

[خيالة الشعر]

هلا وغلا حبيبتي نفحات حساسة

الله يبارك بعمرك ياعمري

صح بدنك غاليتي

ويشرفني وجودك

فديتك

[خيالة الشعر]

بيتين اهداء لنفحات حساسه

هلا هلا بك يابعد حيي = يانفحة احساس يادانه
انتي لصـفحاتنا ضيي = نوّرتي الكون واوطــانه

.....\\



.....\\

يمّه عسى ربّي يخلّيك يمّه = خلّيني بحضنك بحاجه لحضنك
يمّه جروحي مالها أي ذمّه = فيني الزمن يلعب ولا آريد غبنك
ضمّيني بصدرك حنانك اشمّه = بنام يمّه بين عينك وجفنك

[سناعيس]

ياسلام عليك وصح لسانك ياخيالة الشعر
الله يخليكم لبعض
ويرزقك بر والدتك
متابع ...

تحياتي

[خيالة الشعر]

الله يحييك اخوي النيزك

صح بدنك

تنور صفحتي في كل مرة

لاعدمتك

[خيالة الشعر]

النفس طابت وانت لاهي ومشغول = دايم اذا جيتك تروح وتعلل
تتعلل بشغلك وتسهى على طول = وآنا وحيده والحزن لي تسلل
لا جبت لك قهوه وجبت إلك معمول = تصدّني والحال مني تملل
وان جيت في وقت الغدا جيت مهلول = والاّ تجي شبعان ثمن تخلل
وانا على ماصار ما اخلفت لك قول = دايم اقول آمر حبيبي تدلل
وش فيك صاير ملتهي مو بمعقول = ماعدت الاول يوم اجيلك تهلل
صاير غريب اطباع والحب مشلول = اصبحت في حبك حياتي تقلل