(( استراحــــة الشعــــــــار ))

[محمد المغيلث]

هاته جعل ياطيب الساس يفداك=الي علومه بالمجالس رديه
لكن على بيتين عطني وقل هاك=واعطيك مثله والقصايد نديه

هاك وتفضل جاك بيتي على ساس = يرسم مشاعر بالمحاني خفيه
الشعر ثاير والفكر فيه هوجاس = ثارت قوافينا بليله هنيه

[سناعيس]

هزي غصن قلبي وشوفي وش يطيح؟= تطيح لك ذكراك ودموع جفت
ويطيح جرحك لي هو والتباريح=ويبقى صدى الأيام وسنين قفت

[سناعيس]

تاه الغرام بعرق قلبي وضيعت=واخذت من جور السنين ولهدها
وحطيت مأتم للهوى يوم شيعت=حبي وخليت العزاء في بلدها

[مبروك بن ماضي]

أسعد الله صباحك لي ويسعد مساك = التقي فيك وألقى فرحتي والهنى
لاتخافين شايف بك خجل وارتباك = سولفي مابُه إلا انتي وقلبي ونا

الألف ،

انام وطيوف الغلا تسكن العين=واصحى وطيفه جايلٍ في مجالي
واعيش مع لطياف ذكرى المحبين=اللي لهم بالقلب مقدار عالي

[مبروك بن ماضي]

يـسعد صـباحـك والمسـاء، ياآســرة كل القلوب = لكن علي قلبك قسى، يابنت ويش السالفه
ويــنك أدوّر خِـلّــتــك لي فـي شـمالي والـجنوب = كنك على عدم اللقاء يـابعـد عمري حالفه

أنتم على حرف( الهاء ) 00 تحياتي ،

[سناعيس]

هات الكلام اللي أدور من العام=خل الحروف المبهمه تنعسف لي
وخلك على ماقيل ضاري وضرغام=ولا تقول اني دايما ينأسف لي

[محمد بن عمار]

	السلام عليكم ... يوم هب الغلا في الجوف نفحة ورود ................... في عروقي رياح الود شميتها شوف وسط الحشا تصلاه نار ٍ وقود ..................... ماتجملّت لأجل الله وطفيتها محمد بن عما ر

[مبروك بن ماضي]

ايه حبيت لكن : حبي لك انت غير = حب يجري مع الدم الخفي بالعروق
مقدر أوصف شعوري هو وحبي الكبير = الغلا لك على التعبير دايم يفوق

انتم مع حرف ( القاف ) مع تحياتي ،