المساجلة الفكاهيه والتحدي بين الشعراء

[الطائر المهاجر]

ودك تطارح يابو طله تعال = ودك تسابق ولا ظني تفوز
مثلكم يحتاج دعمٍ بالحلال= استخر ربك ودور للعجوز

[منيع]

جوز يارجال لاتلبس عبات=خاف ابوطله يخطفك بالونيت
النظر رايح ومفلوع بحصات=والحلايا وجهه ديمن اوسبيت

[الطائر المهاجر]

يتقي من خلف طله يا منيع = حط رجله يو م شاف اني بديت
النظر سته على سته جميع = وانت بالدربيل لو تلبس بشيت

[منيع]

شيتوهم بالملابس وبشت من وبر=لايجي المشرف زكام شديد و يطرحه
العجوز اللي تعدى سبعين وخطر=مادح نفسه كما قيل ودك ترمحه

[الطائر المهاجر]

طرحتك سهله مثل اكل الكباب = والملع ماله دواء لو تمرخه
ضلع عود ولاضلوعٍ من شباب = كلها رزٍ وفولٍ ترشخه

[منيع]

ترشخه خل الامور المبهمات=والعجوز لوهوتصابا منحطم
روح دورلك بدار المسنات=وحجزالغرفه قبل ما تنصدم

[نجم الإبداع]

صد مد الشعر دون مسببات = مايغير شي على اهل الحكم
القوافي والنفوس الطيبات = غاية الفكر الجريح المحتدم

[منيع]

دم بعض الناس ياخفه نبات=يفرحك لوهوبعيد مطرحه
مثل ابن منشارراعي المكرمات=لاحضرحطه براس المروحه

[الطائر المهاجر]

روحه ولا هي روح عذب الثنايا = لا مزها الشايب لقى خوش لذه
وروحك بلاها الله ببعض النوايا = مثل البصل لامن لقيته فهذه