إن كان تجهل يالمضيّع وش الطير(شيله)

[الطائر المهاجر]

كيبورديه

إن كان تجهل يالمضيّع وش الطيرفالطير حـرّ وعالـيٍ فـي رجومـه

طـيـرٍ مهـاجـر بالفـكـر والتدابـيـربـحـرٍ غـزيـر لا تـهـقـوى تـعـومـه

قلبه نظيف ولا حمـل حقـد للغيـريدمح خطا اللي جاهلٍ في علومـه

يحب لغيـره مـا يحبـه مـن الخيـرولاهوب انانـي كـل همـه سهومـه

ماشي على نهج الرجال المناعيـربدرب التواضع واضحـاتٍ رسومـه

ثابت على مبـداه مـن غيـر تغييـرولا اغتر في علمه وعالـي نجومـه

يشيـل هـم الغيـر فـعـلٍ وتفكـيـرويضحك ولو هـي ذابحاتـه همومـه

وسيـع صـدر ولـو تحـداه طرطيـرخـذه علـى قـدّ العقـل مـا يلومـه

ويثـور كالبركـان مـن دون تحذيـرلاشـاف بـومٍ صـار يطـرد لبـومـه

ولا شاف متذيكي نوى خبث تدبيرولا شاف ابو وجهين رابح بسومـه

ولا شاف تاجر ديـن يخـدع بتكبيـرمن لاعرف اهداف حجـه وصومـه

ولا شاف من يحظى بجاه وتقديـروهـو حـرامـي كاشفـاتـه هـدومـه

ويعلي سهوم اللي نظيف التقاريردرب الفضيله مسلكه بيـن قومـه

ماهوب من يغتـاب او ينفـخ الكيـرشـجـاع نحـريـرٍ يـقـدر خـصـومـه

دنياه ما تسـوى ولـو ربـع قطميـرزاهد بهـا عايـش علـى رزق يومـه

هذي علومه كان تنشد عن الطيـريخـاف ربـه واضـحٍ فــي علـومـه

[داعي الشوق]

	كفو يا بو عبدالله كفو رايتك بيضاء و ( ياجبل ما يهزك ريح ) صح لسانك ثم صح لسانك ثم صح لسانك قصيدة شاملة لكل معنى وافيه يالوافي دمت بخير

[نجم الإبداع]

الله الله

صح لسانك مدد

كفو يابو عبدالله

وصوره راقيه

انا اشهد انك مبدع ووافي

لاهنت

تقبل مروري

وتقديري

[عبدالله الشويمان]

الله الله يا ابو عبدالله

نص يحكي عن الذات الراقيه..كفو كفو

صح السانك واعتلا شأنك

ولا هنت

ابوعبدالله

صح لسانك

وجاد بيانك

قصيدة متألقه

طيرٍ مهاجـر بالفكـر والتدابيـر
وبحرٍ غزير ما بكلٍ يعومه

كفوووو ...ولاهنت

وعساك على القوه يابوعبدالله

تقبل تحياتي

[عبدالله السويلم]

صح لسانك ثم صح لسانك ثم صح لسانك

والنعم والله يابوعبدالله
قصيده رائعه تحكي الواقع يالغالي
تحياتي لك

[دايود صالح الخلف]

ابو عبدالله

والف ونعم والله
وصح لسانك
ولاهنت
بيض الله وجهك
يامبدع

[عبدالله مذكر العقيلي]

ابو عبدالله

شاعر كبير ولافيك حيله

والقصيده جزله ومن الوزن الثقيل

ولكن لدي ملاحظه : اعتقد انك نسيت كلمه في الشطر الاخير او خطى املائي حصل منك بدون قصد

هذي علومه كان تنشد عن الطير
................لعل تفهم ماخفى علومه

اعتقد لوكتبت لعل تفهم ماخفى من علومه

والله اعلم


ارجو ان تقبلها بصدرٍ رحب


تحيتي

[الطائر المهاجر]

شكرا لملاحظتك اخي عبدالله
فقد سقطت "من" مع الطباعه
لاهنت
تحياتي

[عبدالله مذكر العقيلي]

ابو عبد الله

الكبير كبير مهما حصل من نسيان

جزله من راس جزل

وكفووووووووووووو

صح لسانك وفكرك

دمت مبدع