|
الا ياكثـر مايطـري هـوى الـلـي ذقــت مسـمـارهلـو انـه فـي سلـوم الطيـب ماسـوى بقلبـي خيـر |
تركنـي ساهـر(ن) ليـلـي وهــو مـرتـاح فــي دارهسهير(ن) لين اشوف الفجر واسمع داعي التكبيـر |
ودليـل اللـي يضيـع بليـل نجـم الـجـدي واقـمـارهولا ينفـع كمـيـخ الــراس كـثـر الـشـور والتفكـيـر |
عـروق الجـوف مـن كثـر الوعايـد تشتـعـل نــارهسبايـب كثـرة اعــذاره مــع التسـويـف والتاخـيـر |
انـا راحـت حياتـي فــي خـطـوط الـزيـن وديــارهولا ادري وش بلى الخفرات بطبوعه تعكس السير |
سبايـب مـن قطـع نــور الخـفـوق بفـصـل تـيـارهالا لاعدت ياخشـف(ن) رمـى قلبـي بوسـط البيـر |
رمى روحي بوسط الناس عقب القصـف منهـارهوانا اللي كنت احسب اني شجاعـة عنتـره والزيـر |
اذا نامـت عـيـون الـنـاس شــن صويحـبـي غــارههقيتـه مثـل حـرب النـاس والغالـي حروبـه غـيـر |
يحـارب خافـق(ن) يشكـي هــواه وقـلـة انـصـارهيجيـنـي طيفـهـا العـابـر بـــلا فـيــزه ولا تـاشـيـر |
صواريـخ العيـون الـلـي تـهـدم القـلـب واســوارهولا لـي حيـلـة(ن) بالـلـي تفـجـر خافـقـي تفجـيـر |
لـهـا خـبـره عـلـى الهجـمـات ماتظـهـر بـــرادارهولا تـقـدر دفاعـاتـي تـصـيـد الـخـصـم بالتـصـويـر |
ولا ادري كيـف مانسمـع نسـور الحـرب لا طــارهواظن الرمـش يستعمـل بحربـي صنعـة التشفيـر |
يصيـب القلـب لـو طفـيـت نــار البـيـت وانــوارهولا عـنـدي لـهــذا الـقـصـف لا حـجــه ولا تـبـريـر |
وفانـا ظاهـر(ن) للـي يـعـرف القـلـب واشـعـارهاذا كان الحشـى راسـب بـدرس الرسـم والتعبيـر |
واشـوف الزيـن مايقبـل شـروح الحـال واعــذارهومهمـا قلـت يرمينـي بعـيـب النـقـص والتقصـيـر |
ابـي كوفـي عنـان يـشـوف حـتـى يـرفـع انــذارهويكتـب فـي هجـوم الريـم قــدام البـشـر تقـريـر |
وقـال الريـم لـه فيتـو وصعب(ن)نامـن اخـطـارهوبالتصويـت مايسمـح لشكـوى الحـرب بالتمـريـر |
ولازم تنتـظـر حـتــى يـمــر الـقـصـف بـاطــوارهوعقبـه يـدرس الشكـوى خبيـر الكـذب والتـزويـر |
وقلـت اهــل الجـرايـد تكـتـب الـغـارات باخـبـارهويرفضـهـا مـديـر النـشـر والتـرتـيـب والتـحـريـر |
واذا طالبـت بالتعويـض لاجـل القصـف واضــرارهرفــض تعويضـنـا نـايـب سـعـادة قـايـد التطـويـر |
بغيـت انسـى غـرام اللـي علـيـه الــروح محـتـارهواذا فـكــرت بالنـسـيـان زادت حـــدة الـتـدمـيـر |
يشيب الراس من ريم(ن) تـرك لـي بـس تذكـارهوذكــرى الـزيـن نيـرانـه تــزود بكـثـرة التـكـريـر |
وصـار القلـب يسـتـورد هـمـوم الـنـاس واكــدارهواذا فـاض الحشـى جابـت قرار(ن)يمنـع التصديـر |
انـا جيـت الطبيـب الـلـي دفــع للقـلـب منـظـارهعـقـب ماطقـنـي بــرواز فـيـه البـنـج والتـخـديـر |
وعقـب الفحـص ناديـت الطبيـب وقـال مـاصـارهاصـاب الجـوف نـيـران الـغـرام ويلـزمـه تسفـيـر |
اشـوف الضـغـط بالشـريـان مايمـشـي بمعـبـارهولا ينفـع معـه درزن لفايـف شـاش مـع قصـديـر |
لأن القـلـب فـيـه آثــار طلـقـة بـنــدق(ن) ثـــارهجروحـه فـي صميـم الجـوف ماينفـع بـه التطهيـر |
ولا لــه غـيـر ريــق الـلـي خــدوده تـقـل جـمـارهعنـود(ن) ريقهـا يشفـي جـروح القلـب بالتقطـيـر |
وقلـت الطيـر جـاه الــرزق مــن كـفـه ومنـقـارهولاني بالحياة اضعف برزقـي مـن ضعيـف الطيـر |
وابـي تعلـن تنازلـنـا عــن الـلـي ذقــت منـشـارهلـو انـه فـي دروب العشـق ماسـوى بقلبـي خـيـر |
|
10-11-2008, 09:54 PM
المواضيع المتشابهه
لو انه في سلوم الطيب ماسوى بقلبي خير
