لو تطلب القيفان دون نقاطي

[فواز الغسلان]

لاهـاض جاشـي ماتـعـوق حـروفـهلـو تطلـب القيـفـان دون نقـاطـي

لافـــاض نـبـعـه مـايـريـد بـروفــهمثـل الــورود بريـشـة الخطـاطـي

لا شفت مـن ينفـش علينـا صوفـهوامسى يحوس هروجنـا ويطاطـي

الـصـدر يـبــرم بالقـصـيـد بـلـوفـهوتاتيـه كـاش ولا تجـيـه اقسـاطـي

ونـرسـل نــوادر قـافـنـا بـزروفــهكنه كلاش وفيه خمـس امشاطـي

واليا سمـع بالنـاس صفـق كفوفـهواهـتـاش ينثـرهـا ثـمـان انمـاطـي

عنـد الفهـيـم حروفـهـا مكشـوفـهوتلقـى لهـا عـنـد الهبـيـل غـلاطـي

هو راس مالـي لاقضـى مصروفـهيطفـي لهيـب الخافـق المشتاطـي

ميراث شيخ(ن)ساق لـي معروفـهلـه فـي دياويـن الجـبـل مقـلاطـي

قـافـه وهـجـران الـغـلا وظـروفـهمع لاهب(ن)وسط الضماير ساطي

تـودع حروفـي طلقة(ن)مقـذوفـهجمـره يشـادي لسعـة المخبـاطـي

ثارت من اللي ماحصل لي شوفـهوعذره عن صدوف الزمن يحتاطي

ياويـل حالـي مـن صغيـر خشوفـهاللي رموشه تقل ضرب اسواطـي

مـن شفتهـا تشكـي كبيـر ردوفــهوالعقـل طــار وطــاح بالخـلاطـي

واصـبـح يعـانـي بالليـالـي خـوفــهمن جور جرح(ن)صـار ماينخاطـي

بالليـل تـسـري للخـفـوق طيـوفـهوتصبـح سبايـب علـتـي واحبـاطـي

عين اشقر(ن)محدن يجيد وصوفـهكفـه لمعـلـوق الحـشـى معـاطـي

لا هــد يـمــزر للـحـبـاري جـوفــهلـو كـان خـرب الصيـد ماينهـاطـي

او عيـن ريم(ن)داعج(ن)غطروفـهترعـى الرفـاع وتكـره المهبـاطـي

في روضة(ن)مـع طيبهـا مصيوفـهجتها السحايـب قبـل بـرد شباطـي

منـقـع غـديـرن فيضـتـه مـذروفـهماحركـه طفل(ن)جـدع مزقاطـي

تـخــاف صـيــاد الـمـهـا وحـتـوفـهمن فوق جيب(ن)ماعليه قشاطـي

جيب(ن)جديـد ولا يـهـاب جـروفـهواللي يسوقـه فـوق بنصـه واطـي

لــه بنـدق(ن)فـي زيتـهـا ملفـوفـهجمـره لمعلـوق الحـشـى لعـاطـي

روحـي لـشـوف عيونـهـا ملهـوفـهوالشوق يقـدح بالحشـى شخاطـي

دايـم تـسـوق اعـذارهـا مكسـوفـهوبالبيـت ناس(ن)تشبـه الضباطـي

وانــا كسير(ن)ركـبـتـه مشـنـوفـهودون العرب حروة ثمان اشواطي

ذكـراه تـرجـف بالخـفـوق رفـوفـهوتشفط وريـد الجـوف بالشفاطـي

والــدرب والله ماعلـيـه حسـوفـهلــو تنتـحـي جــازان والا الغـاطـي

كان العشير اعطى العهـد وحلوفـهعـن ساعة(ن)يقطـاه عنـا قـاطـي

والا حـيـاتــي زهرة(ن)مـقـطـوفـهمن عقب ماهـي يانع(ن)بالشاطـي

[عدنان كريزم]

الصدر يبرم بالقصيد بلوفه
وتاتيه كاش ولا تجيه اقساطي


الله الله يا فواز


صح لسانك يالذيب


ولا هنت على الجزله

[ماجد الزيد]

صح الله لسانك يالغسلان ابدعت كعادتك

[عبدالله راشد الثويني]

صح لسانك شاعر مُبدع لطالما أتحفنا بروائعه
كل الشكر أستاذي فواز على هذه الأبيات الجزله
طامعين با الجديد ، تقبل وُدي

[عذب القوافي]

فواز الغسلان

صح لسانك

نص وافي لله درك

تقديري,,,,,,

[حوريه]

شاعرنا القدير .. فزواااااز

نص رائع وحظور عذب

استمتعت بوجودي هنا

صح لسانك ودام حرفك الجميل

دمت بخير وعافية

[الخنساء]

صح لسانك اخى الشاعر فواز

لاهان راسك قصيدة رائعة

سلمت وسلم شعرك

دمت بخير

[الـزلـزال]

فواز الغسلان


أبداع يتلوه أبداع

عاداتك غالينا

مدرسه شعريه متجدده دائمآ

صح لسانك ملايين ملايين

تقبل فائق تحياتي وتقديري

[مبروك بن ماضي]

الاخ الفاضل الشاعر والراوي / بن غسلان
لازال اعجابي بشعرك وإبداعك
يزداد يوما بعد يوم
حضرت لأنال شرف التوقيع تحت هذه الباسقه
صح لسانك وسلمت يمينك
تقبل تحياتي واحترامي ،

[مروان الشيخ]

بصراحة

عندما اجد اسم فواز ادخل وبسرعة ودون تردد

وأقرأ القصيدة كاملة لمرة واحدة واشعر بعدها بأني متخم بالشعر الحقيقي


لله درك