،، لا تعتذر مـاعــاد تنفعك الأعــذار ،،

[داعي الشوق]

لا تعتذر ماعاد تنفعك الاعذار = خلاص يالمزيون حبك نسيناه
ما عاد بالخاطر لكم أي تذكار = تذكاركم هديت ساسه و مبناه
مالى بحبك وأنت خاين و غدار = درب الغدر يازين ما قد مشيناه
أخلصت لك بالحب ياشمعة الدار = واهديت لك قلبى وحبك شريناه
لرضاك عانيت المشقه والامرار = من شان من نهوى ومن شان عيناه
كنت الأمل عندى وانا كلي إصرار = أحضى بمعشوق ٍ بذاته عشقناه
واليوم لا والله لو صار ما صار = قلبى سمح من كان عينى تمناه
أعطانى إنذارٍ وانا عطيته انذار = إنذار مكتوب بسببكم عطيناه
الحب عند للي يعرفون مقدار = ماهو تسلي يا هوى من هويناه
دوّر على غيرى من اشكالك كثار = ياما مثل شرواك عشنا وشفناه
عفتك وعافك قلب محروق بالنار = لا واحسايف وقتنا اللى قضيناه

[عبدالعزيز العمار]

الغالي داعي الشوق ::

صح لسانك وجاد بيانك على هالجزله ..

لاهان راسك وتقبل اجمل تحيه ..

[حوريه]

الحب لـه للـي يعرفـون مقـدار
ماهو تسلي يا هوى مـن هوينـاه

مشكله الي ما يعرفون للحب يادااااعي

قصيده راااائعه كروعة شاعرها

صح فكرك ......وقلبك

لاهنتــــ............ ولا هان مغليك

[خافي العبره]

لا تعتذر ماعـاد تنفعـك الاعـذار
خلاص يالمزيـون حبـك نسينـاه
ما عاد بالخاطـر لكـم أي تذكـار
تذكاركم هديـت ساسـه و مبنـاه


الله الله
ابيات ع العوق
دومك مبدع .. وابياتك حلوه
وهالشي مب غريب عليك
صح الله لسانك ولاهنت

[ابومياس]

داعي الشوق

اخي الغالي

في هذا الصباح المبارك

عايدتنا بهذه الحروف العذبه

والمعاني الجميلة

والصور الرائعة

صح لسانك وبيض الله وجهك

وكل عام وانت بخير

[منيع]

ياسلام عليك ياسعود
ابيات رائعة
وعيدكم مبارك
تحياتي واعجابي

[الطائر المهاجر]

كتبت فأبدعت

جزلة من راس جزل وشاعر مبدع

صح لسانك ولا هنت يابوسعد

تحياتي الطيبة

[حسين العنسي]

صح لسانك ولاهنت

رائعة بروعة حضورك

ومبروك عليك العيد وكل عام وأنت بخير

دمت بود..

[داعي الشوق]

المشاركة الأصلية كتبت بواسطة عبدالعزيز بن عمار

الغالي داعي الشوق ::

صح لسانك وجاد بيانك على هالجزله ..

لاهان راسك وتقبل اجمل تحيه ..

صح بدنك يا بن عمار

ولا هنت يالغالي

وألف شكر لك مع التحية ،،،

[داعي الشوق]

المشاركة الأصلية كتبت بواسطة حوريه

الحب لـه للـي يعرفـون مقـدار
ماهو تسلي يا هوى مـن هوينـاه

مشكله الي ما يعرفون للحب يادااااعي

قصيده راااائعه كروعة شاعرها

صح فكرك ......وقلبك

لاهنتــــ............ ولا هان مغليك

أكيد أكيد مشكلة يا حورية ،

وصح بدنك ..

الروعة مرورك المميز

وألف تحية لك مع التقدير ،،،