ومثلك بديوان الهوى ما يراهن

[فواز الغسلان]

مـاجــور ياقـلـبـي بـالاريــام مــاجــورولـو تشتـكـي مايفـلـح الـلـي شكـاهـن

راهـنـت ماتطـلـع وراهـــن بمـخـسـورومـثـلـك بـديــوان الـهــوى مـايـراهـن

ربحك غدى جفن(ن)من السهر مدمـوروجرح(ن)بجوفك يشتكـي مـن جفاهـن

لا هاج عاصـوف الهـوى عقـب عاشـورمــا ينفـعـك عـنــد الهـبـايـب ذراهـــن

احـذر سهـوم الريـم لـو كـنـت هـامـورومـا يربـح اللـي بالمـضـارب شـراهـن

ترجـي وعـود اللـي بهـا الغـدر مـبـذوروانـا اشهـد انـه خايب(ن)مـن رجـاهـن

طبع(ن)غدى حرفه بالاجيـال مسطـوروحروفهـن جرح(ن)علـى اللـي قراهـن

تبـدى هـواك بريـح الاطـيـاب وعـطـورويـغـريـك فستان(ن)بـلـونـه كـسـاهـن

كم عاشق(ن)قبلك وقـع تقـل مجـدورغـره لبـاس(ن)فـي طــروزه زهـاهـن

وداسـه مـن همـوم الكوابيـس طـابـوربـيـن الغـبـون وبـيـن جـمـرة شقـاهـن

لـمـا يـقـع بـرمــاح الاريـــام مـغــدورومـدري وش الـلـي بالغيـالـه دهـاهـن

وطبـع العـذارى عنـد الاحبـاب مخـبـورتـتـرك غــرام الـلـي يـطــارد هـواهــن

وان عفتهـا ترجـع لدربـك علـى الـفـوروالله فــلا ادري بالـهـوى وش بـلاهــن

وياقلـب لــو عـفـت الغنـاديـر مـعـذورويامـا قضيـت سنيـن تـركـض وراهــن

ومن طارد الخفرات يصبر على الجـورويصبـر ويسقـي خافـقـه مــن غثـاهـن

والله يـلـو تعـطـي لـهـن كــل مـقـدورانـك فــلا تكـسـب طــوارف رضـاهـن

ماانتـه علـى طيبـك بالاريـام مشـكـورويـاويـل حـالـك لــو تـأخــر عـشـاهـن

علم(ن)غدى في محكـم الذكـر ماثـورمـثـل النـجـوم الـزاهــرات بسـمـاهـن

بس البلى كـان انـت بالبيـض مسحـوروداهنـت وانـت مـن اول(ن)مـا تداهـن

وامسـيـت بــدروب الغنـاديـر مـجـبـورماتسـتـريـح بـــدون شـمــة شـذاهــن

لاتشتكـي لـو عـشـت بالقـيـد مـاسـوراو ذقـت عـن طيـبـك خبـاثـة جـزاهـن

اعطيـك شـوري وانـت ماتقبـل الشـوروعقبـه تجينـي تشتـكـي مــن رداهــن

انـتـه غـديـت بعـهـد الاريــام مـغــرورومازلـت ترجـي طامع(ن)فـي وفاهـن

وتكتم جروح القلب مـن نظـرة الحـوروتمـزح وتضـحـك بالسـوالـف معـاهـن

وان عشت في روض الغنادير مسـرورمـن دون مـا تخطـي تـلاقـي خطـاهـن

تنسـاك لاجـل اللـي تـقـل زول زنـبـوراللـي علـى صـوت المسـجـل دعـاهـن

وان جاء نهار الكـود يطمـر مـع السـورولا يلـتـفـت لـلــي بضـيـمـه وطـاهــن

وانتـه تعـيـش بتـالـي العـمـر مجـمـورعطشـان وانتـه طايح(ن)عـنـد مـاهـن

ودرب الشفاء ماهو عن الناس محظوريالـلـي تـريـد مــن الـعـذارى شفـاهـن

حـبـل الـهـوى عـنـد الغنـاديـر مـبـتـوروحــاول تـبـت حبالـهـن مــع رشـاهـن

والا تعيـش اللـي بـقـى تـقـل مسـعـورمـثـل الــذي بالطـيـب قبـلـك بغـاهـن

عمـرك يضيـع بــراي الاريــام مـامـورويـاويـل قلب(ن)بـالـقـراده عـصـاهـن

وقبلـك غديـت بطـرد الاريـام مشـهـورويامـا ركضـت بصبحهـن مـع مسـاهـن

اقـعـد بليـلـي ساهـر(ن)تـقـل نـاطــورارجـي متـى الفـرصـه تـجـود بلقـاهـن

والفجـر اراقـب نجمـة الصبـح مقـهـورمـن ليـن قلبـي بالهـوى مــع قسـاهـن

شفـت الدمـوع بمـوق الاريــام منـثـوروظنيـت سيـل دموعهـن مــن غـلاهـن

وصارت كمـا التمسـاح لا غـاب بجحـوربـالـدمـع صـيــدات المـنـابـع كــلاهــن

صــار الـوفـى بـيـن الغنـاديـر مـقـبـورتكـوي خفوق(ن)بالـهـوى مــا كـواهـن

ورحلت لـو قلبـي مـن الغبـن مكسـوروارتحـت مـن قـولـة لـعـل وعسـاهـن

وشافـت عيونـي فجـة الصـبـح بالـنـورعقـب الظـلام وعقـب فتـرة عمـاهـن

وخلـيـت شيـطـان الغنـاديـر مـدحــوروسحر(ن)لعـب بعقولـنـا تـقـل كـاهـن

والطيـر رزقـه تحـت مخلـب ومنـقـورويعتـاش لـو حيلـه مــن الـبـرد واهــن

ولا راح يغلبنـي علـى العيـش عصفـورواعـتـاش مثـلـه مانـراجـي عـطـاهـن

نومـي بنجـم شـبـاط بالـبـرد مسـمـوراحلى مـن غبـون الحشـى فـي دفاهـن

وحمدت من نادى كليمـه علـى الطـوريـوم الخـفـوق بـجـود فضـلـه نسـاهـن

ويطـلـع لـهـن بـيـن المهـابـيـل ثـابــوريـفـهـم طرايـقـهـن ويـلـعــن ثــواهــن

[داعي الشوق]

الله الله يالشاعر فواز الغسلان

صح لسانك ويسلم راسك

رائعه بروعة شاعرها

تحياتي لك ،،،

[عذب القوافي]

الجزل / فوازالغسلان

صح لسانك

نص عالي من شاعر ٍ جميل

لله درك يالغالي

تقديري

عبدالكريم,,,,,,

[سناعيس]

الله الله يافواز
صح لسانك ولله درك
رائعه وجزله بكل المعاني

تحياتي

[ابو أنس]

الفاضل فواز الغسلان..................
متعب من بعدك ومن يكتب الشعر في مكان ترتاده
جزالة في المعنى وعذوبة في القافيه وطول نفس غير محل
نص يكتنفه الجمال من كل جانب
أستعد كثيرا لقراءة نصوصك وأحرص ان لا أكون منشغلا بشيئ
لك كل الشكر وكل عام وانت بخير

[ابومياس]

فواز الغسلان

اخي الغالي وشاعرنا الراقي

نص لا استطيع ان اكتب به شهاده

فهو فوق الشهادة ولا يحتاجها

ولكن انا هنا انهل من عذب الحروف

صح لسانك وبيض الله وجهك

دمت بخير

[الخنساء]

صح لسانك اخي الشاعر فواز

لاهان راسك قصيدة رائعة

سلمت وسلم شعرك

دمت بخير

[الـزلـزال]

فواز الغسلان



الأبداع الشعري منك وإليك

عندما نشاهد أسمك نعلم بأننا موعودين

بعذب الكلام ورقيه

من معاند حروف القوافي


صح لسانك الى مالا نهايه

وتقبل فائق تحياتي

[عبدالعزيز العمار]

الشاعر فواز الغسلان ...

صح الله لسانك وجاد بيانك ...

قصيدة رائعه بروعة حضورك لاهنت ..

تقبل اجمل تحيه وتقدير ..

[الطامي]

فواز الغسلان
صح السانك ولاهان راسك يالغالي
وافيه بالحيل
لاهنت عيني