قبل أمس وأمس

[متعب المينيح]

قبل أمس وأمس وقبل ولي دونه=العين عيا نومها يا لاها
العين جرّح سكب دمعه نونه=تنثر ولا لي كود مسحة ماها
يا عون قلب المبتلي يا عونه=حالة على رب الملا مشكاها
قلبي غلا الترفه يدك أحصونه=سوت سويا ما حدٍ سواها
تشرف مراقيبه وترقب كونه=قلبي وجأشي و الضمير أحماها
العاشق ألي موجسٍ له بونه=يصبر على الجمرة يلو يا طاها
قامت تصافق حيرته وأضونه=بإقصاء خفوقه يبترم رحاها
نووبٍ ورآه ونووب تقصر دونه=ونووبٍ على الحر وه ولا يلقاها
جاوب حمام الدوح جر لحونه=قصيدةٍ قبله ما حد غناها
أقران شعره مغرب يزورونه=لا زار طيفه فكره أو راعاها
مجنون يوم المترفة مجنونه=بجنونها وبقومها تتباها
العين حورا حجته مقرونه=سبحان ألا سبحان من سواها
ووجينته جوريتٍ مصيونه=جوريتٍ غر المزون اسقاها
جمر وبرد وش لون ما من مونه=كيف امتزج جمر وبرد بشفاها
عينٍ عليه وعين تقصر دونه =وعينٍ تبي الحروة ولا تلقاها

[ابومياس]

نووبٍ ورآه ونووب تقصر دونه
000000000000ونووبٍ على الحر وه ولا يلقاها

هنا روعة الوصف

بيت عن قصيدة

صح لسانك وبيض الله وجهك

جزل جزل لاهنت

دمت بخير

[صوت الإحساس]

لله درك

هطولك غير


من الآن اشتاق


اللقادم

أعجابي بك وبحرفك الأخآذ

[راجي الحاج]

ابيات رائعه اخوي منيح

سلمت وسلم قلبك

[احمد الفارس]

قلبي غلا الترفـه يـدك أحصونـه
ســوت سـويـا مــا حــدٍ سـواهـا


.. صح لسانك متعب ... كيف سوايا العشق تتعب .. ماقصرت يالغالي

متعب
شهادتي فيك مجروحه
مع اني كنت متوقع ان عضويتي موقفه بالفطاحله لاني مبطي عنهم ولهم حق يزعلون لكن الاشغال لا تنتهي عند حد
ولكن هذا النص اجبرني على الدخول من جديد لكي ابدي اعجابي الشديد بهذا النص

وخصوصا هذا البيت الجزل الذي يكفي عن كل النصوص


جمر وبرد وش لون ما من مونه
كيف امتزج جمـر وبـرد بشفاهـا

مزاج غير طبيعي من شاعر فوق مستوى الوصف بهذا البيت
بيت عن ديوان شعري كامل لانه غزلي حتى الثماله
شاعر جزل
شاعر مميز
شاعر يكتب لكي ينتصر للشعر الحقيقي
شاعر معنى
شاعر استطاع ان يحدث ثوره في المفردات القديمه ويحدثها لكي تواكب التجديد
شاعر لا املك معه الا ان اتفرج واصفق له طويلا طويلا ً
ومن هنا اسجل الاعجاب والمتابعه له
واسجل العوده للفطاحله من جديد بنص جديد

[داعي الشوق]

قامـت تصافـق حيرتـه وأضنونـه
بإقصـاء خفـوقـه يبـتـــــــرم رحـاهـا

..................

صح لسانك يالشاعر متعب

رائعه من شاعر رائع

تحياتي وتقديري ،،،

[سناعيس]

متعب المينيح
صح لسانك
جزل كالعاده ولا تأتي الا بالجزل
لاهنت

تحياتي

[الطامي]

العاشـق ألــي مـوجـسٍ لــه بـونـه
يصبر على الجمرة يلو يـا طاهـا
قامـت تصافـق حيرتـه وأضونـه
بإقصـاء خفـوقـه يبـتـرم رحـاهـا
نووبٍ ورآه ونووب تقصر دونه
ونووبٍ على الحر وه ولا يلقاهـا
"""""""""""""""""""""""""" """"
المينيح
صح السانك
قصيدة طيبة ابدعت بها يامبدع كعادتك
لاهنت والى الأمام دائما
شكرا لك

[عذب القوافي]

الأخ الشاعر / متعب المينيح

صح لسانك

وافيه من وافي

تقديري

ابوابراهيم,,,,,,,