اسمحوا لي ربع ساعة

[قـرنـان]

اسمحـوا لي يالفطـاحيـل اسمـحـوا لي ربــع سـاعــة = ودنـا نـاخـذ مع الشـعـار طـاروقٍ خيــالـي
البـضـاعـة تـنـشـرى وتباع في سـوق البـضــاعـة = وبعد ما هـاضـت شطون الفكـر لعنبو حـلالـي

[الطائر المهاجر]

ما نحاور من ورا الحيطان لابد.. لا.. ولا نرجي طماعه= ولا نبارز من تلثم حتى لو كان الهلالي
من يهاب النور يبعد خايفٍ زود ارتفاعه = فانتهض حرٍ بلا برقع نوى شم الجبالي

[قـرنـان]

ليـه يا عـثـمـان جـفـص ولـيـه في ردك شـنـاعـة = وليه ما تـدرج على الضـيــفـان من صفـر الدلالي
بس أظـن إنك مـصـاب بـعـلـة ونـقـص المـنـاعـة = (ولا تـبـرق في حــرام ولا تـبـرق في حـلالـي)

[الطائر المهاجر]

من لفانا ضيف يرحب كان مايلبس قناعه = يعرف الرجال من وجهه ولو مال الظلالي
ومن تقنع من يثق به لو هو من ضمن الجماعه= خوف انه كالحرامي ما يفكر في الحلالي

[قـرنـان]

منتدى والكل يابن الناس به حسب اقتناعه = مالفيتك خاطبٍ بنتك لواحد من عيالي
كن حسك يالمهاجر حس من داخله راعه = أشهد انك ما توردنا على مي الزلالـي

[الطائر المهاجر]

منتدى لرجال في وضحى النقى اهل الشجاعه = كل منهم واضحٍ كاالشمس مايقبل ميالي
ومن بغى يارد معاهم يقدم بليا لكاعه = ماخبرنا رجال تتقنع ولاهو من طبوعٍ للرجالي

[الطيف المسافر]

وشبلاكم وشبلاكم يارجاجيل السناعه=فهموني فهموني قبل مايشطح خيالي
وشبلا الطير المهاجر جاي من اقصى كراعه=ضايق والحال عنده طافح بليا مجالي

وينك يارجل اشتقت لمجاراتك هههههه

[الطائر المهاجر]

افهم اللي قلت يالطيف المسافر للجماعه = المحاور يمنع اسم مستعار ولا يبي اسم خيالي
انت واسمك عارفينه وعارف طبعك سناعه= وذي قوانين الفطاحل ماتناقش بالجدالي