بعض من واقع الحال للساحة الشعريه

[الطائر المهاجر]

عــزي لشـاعـر اجـبـرنـه ظـروفــهيبيـع شعـره شــان يـاكـل ويعـتـاش

لعبـوا علـيـه الـقـوم مـافـاد شـوفـهحتـى خـذوه ابــلا عـنـاد ولا هــواش

قالـوا نبـي نعطيـك مـابـك حسـوفـهعطـوه طفسـه عقبهـا صـار ينـداش

زاد الطلب في البيت ما من مروفـهفـي ظنهـم مقـرش وللكنـز حـواش

وجوه الجماعـه قبـل تاصـل ضيوفـهكـل يبـي رزقـه مــن البـيـه بـكـاش

ومـن شـان يتمشيـخ ولا احـد يعوفـهصـار يتديـن والرهـن صـك لعشـاش

وشـرى لـه الكشخـه وجيـبٍ يحوفـهوقام يترزز في الملاعب على اللاش

قدمـه ذيابـه مـا دروا عــن حـروفـهدامـه بليـا "واو" مــا طـالـه فــلاش

فـكـر وقــدر بـيـن يـاسـه وخـوفــهوفـي الاخـره بالليـل للـبـر ينـحـاش

[منيع]

اذا وصل الحال الى هذا المستوى على الشعر السلام
الشعر اللي يباع ماادري كيف يتقبله الطرفين
اخي المشرف العام
شكرا لترجمة هذا الواقع الذي اصبحت له سوق سوداء ان صح التعبير
تحياتي وتقديري

[سعود القت]

صح لسانك وهذا الوضع نسمع به لكن لايوكد اخوي العزيز
مع خالص التحايا

[انكسارات النخيل]

مشرفي الفاضل

لايزال للحرف جزالته وعذوبته بنبضك

كل الود

[الــذاهبه]

المشرف العام

ابيات من ذهب

دام نبضك ولاهنت

تحيتي

فديت الجزاله





وفديت هالقاف




صح لسانك ولاهنت





وشهادتي فيك مجروحه





تحيتي

[الخنساء]

ومن شان يتمشيخ ولا احد يعوفـه
صار يتدين والرهن صك لعشـاش
وشرى له الكشخه وجيـبٍ يحوفـه
وقام يترزز في الملاعب على اللاش
قدمه ذيابه ما دروا عـن حروفـه
دامه بليا "واو" مـا طالـه فـلاش
فكر وقـدر بيـن ياسـه وخوفـه
وفي الاخره بالليـل للبـر ينحـاش
صح لسانك مشرفنا
لاهنت قصيدة تحكي واقع البعض
سلمت وسلم عرك
دمت بخير

قدمه ذيابه ما دروا عـن حروفـه
دامه بليا "واو" مـا طالـه فـلاش


اي والله انك صدقت ياابو عبدالله وحكيت الواقع بهالأبيات

عجباً لهؤلائك الفئه ..

صح الله لسانك مليون على هذه الجزلهـ

ويسلمـ فكرك وبنانكـ ..

لاهنت

شيــ القوم ــخــة

صح لساااانك مليوووون

دبل مليووون


وبيض الله وجهك على هالجزله


تحيتي

[الطائر المهاجر]

كل الشكر والتقدير لأخي منيع
على كريم الحضور والتفاعل الرائع دوما
لاهنت يالغالي
تحياتي الطيبة