اتحد جمع النصارى واليهود

[الطائر المهاجر]

اتحد جمع النصارى واليهود أهل الخزايا =والهـدف واحـد ولكن في حروف امريكيه
واعطوا اسرائيل ترضى بالعلن غير الخفايا = والعـرب تدفع ليذبح بعضها كنه ضحيه
فرقوا شمل العـروبة واشعلوا نار الشنايا = كل واحـد ما يـداني ينصحه حتى أخيّه
كلنا شيـوخٍ نـدوّر للأمـاره والمزايا = وكل واحـد شاف حاله نادرٍ بين البريّه
عايشين بـوهم دايـم واخـذٍ كل الـزوايا = كيف نـدري بالحقيقه دام ضيّعنا الـرويّه
نصدق لقـول الأعادي نجهل لخبث النوايا = ناسي الماضي تفضّل وش أفادك حسن نيّه
ما تأدبنـا الليـالي سرع ما ننسى الوصايا = ولـو نردد كل آيـة أو حديثٍ من نـبيّه
يحـرقون (الشام*)ننظر كالعجـايز والولايا = كلمـا نقـدر نصلي ونسـأل الله الحميّـه
وان وقعنا في المصيبه ما نعـالج للخطايا = نطلب الغرب المشوره والحمايه والوصيّه
واثقين بـدون شكٍ حتى لو صرنا الضحايا = فالمخـافه من قريب وحتى من كل الرعيّه
ياخساره يالنشاما كلكم صرتـوا عـرايا = بين محكوم(ن) وحـاكم انتهيتوا للـرزيّه
يبغي الغرب نفط وخدمة اسرائيل غـايا= ثم تدمير العقيـدة بين صبح(ن) أو عشيّه
اسفكوا كل دم واحـرقوا شعوبٍ برايا= يوم يالظالم يجي لك ، قــدرة الله يالقويّه
أرض يعرب خصبه تنتج رجالات المنايا= اسألوا التـاريخ عنهم ما يهـابون المنيّـه
من علا فوق الثريـّا يوم يسقط في الهبايا= لو يطول الوقت نصبر فالصبر أحلى سجيّه
وعـد من رب البرايا مجزلٍ كل العطـايا= النصر لايد آتي لـو تزيـد العنجهيّه

*بلاد الشام تشمل فلسطين ولبنان وسوريا والأردن

[الطائر المهاجر]

بدون ردود ربما تم حذفها

[منيع]

جزل ومبدع يادكتور
تحياتي لكم

[الطائر المهاجر]

شكرا منيع
على كريم المتابعه
لاهنت
اطيب التحيه