ما كل من سمّي تميمي قبلناه

[الطائر المهاجر]

ما كل من سمّي تميمي قبلناه = حتى ولو هو مثبته في الهويّه
فاللي تميمي تعرفه يوم تلقاه= حرٍّ أصيلٍ ما يداني الدنيّه
رمز الشهامه تاجده يوم تنخاه= ورمز الشجاعه لا بدت يوم هيّه
يامر ولا يومر مدام الله اعطاه = عرش الزعامه حاضر وجاهليّه
له هيبته في وقفته قبل ممشاه = الارض تعرف خطوته بالسويّه
ولا شفت من تاقف له الناس لرضاه= فهو تميمي ما بها من مريّه
انصه مدام إن الرجاجيل تنصاه = وابشر بسعدك تنضوي تحت فيّه
مخلوق لامرٍ واحدٍ دوم يهواه = يقود كل الخلق لاجمل سجيّه
احقاق حق ابلا نفاق وممالاه = ونشر العداله بين كل البريّه
سيفٍ على الباطل من الدين ماتاه= يفداه عمره مايخاف المنيّه
تاج العرب فخر العرب درع لحماه= ما للعرب دون التميمي هويّه

[الطائر المهاجر]

قصيدة لم يتم الرد عليها

[منيع]

رائعة ومعبرة
تحياتي لكم

[الطائر المهاجر]

شكرا منيع
على كريم المتابعه
لاهنت
اطيب التحيه