كنت احسب الدنيـا تجـي باجتهـادي

الطائر المهاجر · 17-01-2024, 11:03 AM

كنت احسب الدنيا تجي باجتهادي= وأمانتي واخلاصي وحبي لبلادي
لكن لقيت الحظ ماهو براضي= يقول لي اسمع بليا لجادي
مثلك رجع من بعثته به مرونه= يعزف يغني لين حصل مرادي
وظيفة تعطيه جاه وثروه= ويصبح غني بعدما كان غادي
مثله يرى ان االكسب من هالوظيفه = حلال حكومه والاخذ منه عادي
وانته ثمان سنين عايش بامركا= ورجعت منها مثلما كنت بادي
صريح ما تعرف تنافق وتعزف= رجعي بافكارك وكل المبادي
ان كان تبغى العز غيّر طباعك= وساير زمانك فالزمن صار مادي
تنزّل لراسك في خضوع ومذله = تنافق وحتى لو تبوس الايادي
تحصل وظيفه تغتني من وراها= وتصير شيخٍ بين حضر وبوادي
قلت العفو مانيب طايع لشورك= دوّر لغيري من حصانيٍ جدادي
نفسي عزيزه ربي اللي اعزها= وضميري حي ما يباع بمزادي
مانيب لا جايع ولا نيب عاري= قانع برزقي ما ابي ازديادي
عايش بامان ونعمةٍ طول عمري= نعمة امن تندر ببعض البلادي
اما اللذي ياخذ بشورك فمفسد= وما يوفق الله من مشى بالفسادي