تشتكي لوسادتك وآنا من همومي اصيح

[الطائر المهاجر]

تشتكـي لوسادتـك وآنـا مـن همومـي اصيـحمن عنـا الدنيـا اعانـي غيـر مانـي مـن يبـوح

مسكني بيتٍ اجار وكـل سقفـه مـن صفيـحوالمكيّف ما اعرفه في وسط صيـفٍ لفـوح

ليتنـي مانـي بصـحـرا نفطـهـا دايــم طفـيـحرزقها عم الديار ومـن بوضعـي فـي شحـوح

والفسـاد اللـي نخرهـا صاحـبـه عـيـا يطـيـحدام متـجـود بــواوٍ ترفـعـه فــوق الـسـفـوح

ولا شبع بالسرق يعفى مثل غيره مـن مليـحويخلفه شفقٍ على النهبه ويسرق في وضوح

ويستمر الوضع حتى صرت من قهري جريحكـل مـا صـوّتّ مالـي غيـر همـي والـجـروح

ولو بغيت اكتب همومي قيل اعقـل يافصيـحالعلـن ممـنـوع لانــه مـثـل اعــلانٍ فـضـوح

بابنـا مفـتـوح لـلـي يشتـكـي ظـلـمٍ صـريـحولا وصلته قيل ارجع مامعك له مـن فسـوح

احسب اهل الدين تنطق كلمة العقل الرجيحواثرهـم باعـوه حتـى يبنـوا لـعـال الـصـروح

ما بقى به من مبـادي فالخلايـق فـي جميـحوالضمـايـر ميـتـاتٍ ســادراتٍ ف الطـمـوح

كل واحد ما يبالي لـو مشـى الـدرب القبيـحكل همه كيـف ياصـل لـو غـدى ذيـلٍ نضـوح

لو تقول انـك رقيـقٍ قـال انـا وضعـي مريـحكاسبٍ سيدي وربعـه والمكاسـب لـي تلـوح

من بغـى درب المكاسـب مايفكـر بالصحيـحيحنـي لراسـه مـع التيـار لــو ريـحـه يـفـوح

ومن بغى درب الفقارى قال انا الحر الجريحرافـعٍ راسـه يحسبـه عايـش بعصـر الفـتـوح

النفـط مـا جـا بخـيـرٍ لــو بعضـنـا مستـريـحفالبعض ينزف بصمت ولا احد سمع الشروح

كلـمـةٍ لابــد منـهـا مــا تـبـي فـكــرٍ لـمـيـحالفقـر لا حـل بـارضٍ فـالأمـن يـبـدا بجـنـوح

[حي الضمير]

ليتـنـي مـانـي بصـحـرا نفطـهـا دايــم طفـيـح
رزقهـا عـم الديـار ومـن بوضعـي فـي شحـوح

الله يابوعبدالله نص قوي
رغم المعاناة لكن يلامس وجدان الكثير
خصوصآ الشباب العاطل
قبله على راسك ياعلم وصح لسانك وفكرك
ودنا نسمعها صوتيه

[الـزلـزال]

الطائر المهاجر

في هذا النص الشامخ المعبر المتقن الجزل
شاهدنا حروف الألم بين طياته
لامست الجروح طائرنا الجزل الرائع
حلق وزد بتحليقك الشعري فحروفك نستمتع بها وبما تحمله
صح لسانك ملايين ملايين
ولك فائق تحياتي وتقديري

[داعي الشوق]

صح لسانك مليووووووووون يا بو عبدالله

قصيدة جريئة المعنى

ولولا النفط ما قامت حضاره العالم ،

لكن مغزى القصيدة فيه مهارة شاعر و دكتور ،

و صح لسانك مدد

[بنت النور]

ويستمر الوضع حتى صرت مـن قهـري جريـح
كــل مــا صــوّتّ مـالـي غـيــر هـمــي والـجــروح
احسب اهل الدين تنطـق كلمـة العقـل الرجيـح
واثـرهــم بـاعــوه حـتــى يـبـنـوا لــعــال الــصــروح
مـا بقـى بـه مـن مبـادي فالخلايـق فـي جميـح
والـضـمـايــر مـيــتــاتٍ ســــــادراتٍ ف الــطــمــوح



صح لسانك يعطيك العافيه

ولك فائق تحياتي وتقديري

[عبدالإله]

شاعر و بحر غزير

قصيدة في قمة الجزالة

قرأتها وأستمعت لها كثيراً

صح لسانك

[الخنساء]

كـل واحـد مـا يبالـي لـو مـشـى الــدرب القبـيـح
كـل همـه كيـف ياصـل لـو غـدى ذيــلٍ نـضـوح
لـو تقـول انـك رقيـقٍ قــال انــا وضـعـي مـريـح
كـاسـبٍ سـيـدي وربـعـه والمكـاسـب لـــي تـلــوح
مــن بـغـى درب المكـاسـب مايفـكـر بالصـحـيـح







صح لسانك مليووووون ولايكفووون

قصيدة جزلة تترجم واقع الكثير

سلمت ودام حرفك

[منيع]

ابيات رائعة ومعبرة
شكرا لك
تحياتي

[وليدالبسطي]

صح لسانك يادكتور

نص في قمة الروعه

لاهنت

[الطامي]

دكتور
صح السانك ملايين
رائعة جدا والله يعين على الدنيا بخير
لاهنت