الا يا ديرةٍ في القلب محياها ومسكنها

[الطائر المهاجر]

الا يــا ديــرةٍ فــي القـلـب محيـاهـا ومسكنـهـاترى الطير المهاجر ما نساك ولا نسى الغراس

نخيـلـك شـاهـده بالـلـي غرسـهـا يــوم وامنـهـاوبنى بين الجبال بيوتـك اللـي عزمهـا بالسـاس

لتبقـي دوم فـي العالـي ببصمـاتٍ لهـا السنـهـاتقـول إن الحريّـق عزهـا يلمـع كـمـا الألـمـاس

لهـا الصـولات والجـولات عـن شـرق وميامنهـاعلى درب الفخر والمجد ترفـع للنصـر أقـواس

فـكـم مــن غــازيٍ جـاهـل نـواهـا مــا يثمّنـهـادفـن واللـي معـه مـا حققـوا عـزٍّ ولا نـومـاس

والـى منّـه نخاهـا الجـار يمشـي المـوت يعلنهـاوراي رجال شجعانٍ لنـار الحـرب هـم مقبـاس

رجـالٍ مـن نصـاهـم نـاصـي الـعـزّه وموطنـهـايعرف إنّ الشهامه نبضهم في الدم والأحساس

خذوا من ارضهم أصل الرجوله وطيـب معدنهـاوصاروا بالذكر رمز الكـرم مـا مثلهـم أجنـاس

ولـو فكّـرت فـي معنـى الحريّـق دون اخمّنـهـافهو اسمٍ على مسمى على الأعـداء والأنجـاس

لقـوهـا كنّـهـا البـركـان مـــن يـقــدر يـوازنـهـاومـن قـرّب حواليهـا شوتـه النـار كالقرطـاس

بفعـال رجالهـا اللـي مـا رضـوا للخصـم يغبنهـابراكين الغضب تهدر وتشعل في السماء قدّاس

مـنــارات الـشـمـوخ ابـرّهــا تـهــدي مـآذنـهــاشمـوعٍ بالفـرح توضـي وتلبـس عزهـا نومـاس

وتعـلـن للـمـلا رمــز الشجـاعـه ويــن مزبنـهـااذا ذكر الحريّـق فـزّ مـن فـي داخلـه وسـواس

تـوسـط حبـهـا "واســط" بقـلـبٍ مــا يخـوّنـهـاولـو هـو مبعـد عنهـا لهـا فـي ضامـره أرمـاس

[الطوير]

احسنت
ولاهنت
تحياتي

[اللهيب]

احسنت
ولاهنت
تحياتي

[اصيل]

احسنت
ولاهنت
تحياتي

[الجفلان]

احسنت
ولاهنت
تحياتي

[سالي]

شكراً لك
تحياتي

[الجهيمي]

شكراً لك
اسمتعت بالقراءه
تحياتي

[طويق]

لك الشكر
على ما فاض به قلمك
تحياتي

[المؤذن]

مشكور
على ما افدتنا به
تحياتي

[الهامس]

وفقك الله
وسلمت اناملك
تحياتي وتقديري