تكلم ما تبي واعقل

[الطائر المهاجر]

تكلم ما تبي واعقل ، ترى بعض الحكـي محسـوبوإذا مـا تـازن الكلـمـة يـجـي لــك ردهــا الـوافـي

مثل ما صار في القمّـة وشفنـا الريّـس المطبـوبيلخبـط بالحكـي ، ياعـيـب ، معـمـر ولــد قـذافـي

(ترى معروف من جابك وكللش واضح(ن) مكتوبتعقّـل فالكـذب خلـفـك وامـامـك قـبـر) ولفـافـي

كـلام الفـارس العاقـل ، إذا منّـه حـضـر مهـيـوبدروسـه تـردع الكـاذب ، فثـوب الكـذب شفّـافـي

كلامـك يـا أبـو متعـب بـه الحكمـة بـهـا الإسـلـوبيصـحّـي ثعـلـبٍ لا مـيـت ، لا حــي(ن) ولا غـافـي

بدا يحضرم ، بدا يلخبط ، يشوف الناس بالمقلـوبتمنـى لـو يلاقـي بـاب ويهـرب لـو ركــض حـافـي

الا يـــا جـاهــلٍ فـيـنـا تـنـبّـه ، سيـفـنـا مـرهــوببغـاث الطيـر نعرفهـا وحصانـي الـعـرب يالهـافـي

إذا تلعب ، تعال العب علـى المكشـوف يالمغلـوبفمهـمـا كــان تجديـفـك نـكـسّـر كـــل مـجـدافـي

مباديـنـا عـلـى اليـمّـه ولا نقـبـل حـكـي مـكـذوبحــذاري لا تقـربـنـا ونـكـشـف ســـرّك الـخـافـي

كــذا الـقـرآن يأمـرنـا ولا هــو هـرجـك المجـلـوبكتاب اخضر ، كلام أزعـر ، وكلـه جهـل واسفافـي

تبـي تفهـم ، تبـي تـدري ، تـعـذر ارتكـبـت ذنــوبوحنـا نسامـح المخطـي ، إذا كـان الـعـذر شـافـي