خبرة سنيني \\ من الذي شيّب وهو مابعد شاب

[ماجد الزيد]

http://maged04.googlepages.com/snyny.rm

قال الفتـى الـي حايـم براسـه الشيـبراعي القوافـي ان قـال اباتـوب كـذاب

وصيتـن مـن ذيـب تسـنـد عـلـى ذيــبوالذيـب يشكيلـه مــن الـجـرح بقـنـاب

يـــا عـاقــلا يـاخــذ بـلــب المكـاتـيـبومـازل منهـا يجدعـه دون مــا عـتـاب

خطيـت لـك مـن واقـع النـون تهـذيـبولخصت لك خبـرة سنينـي بـلا حسـاب

هــادوك خـذهـا واول النـصـح ترغـيـبسيف الفتى نصفه ونصفن تـرى كتـاب

ولا خيـر فـي رجلـن عديـم الشواهيـبحمـرن تـزف المـوت لاثـارت انـشـاب

ومـنـلا ثـنـى ساقـيـه عـنـد الكتـاتـيـبالمـوت خيـرن لـه وتالـي الفتـى تـراب

ومـنـلا جـمـع ثنتـيـن عـنـد المنـاكـيـبصبرن وحسن الظـن فـي رب الاربـاب

خسـر الـثـواب ولانـفـع شـقـه الجـيـبافـلـس مــن الدنـيـا وبـالاخـرة خـــاب

ومنـلا نـفـع ربـعـه فــلا يـذكـر بطـيـبولا يـشـرب دلالــه كريمـيـن الانـسـاب

يعـيـش منـبـوذن لـمـا راســه يشـيـبييبـس كمـا تيبـس بملـهـاب الاعـشـاب

ومنـلا تواضـع شـاف تـالـي العواقـيـبيجيـه وقتـن يقـهـره عـكـف الاشـنـاب

ون اجتمع عكف الشوارب علـى طيـبافزعـلـهـم وايـــاك مـــن ردة الـبــاب

ون جـاح ربـعـك كايـداتـن فــلا تغـيـبعنـهـم وخـلـك بينـهـم مـثـل الـعـقـاب

وقـت الرخـى كـلـن يلـبـي المطالـيـبولا يصمل الا الحر فـي وقـت الاكـراب

عشنـا وشفنـا مــن الليـالـي اعاجـيـبتدعـي حليـم العقـل يعـوي لـه اقـنـاب

وا كثـرهـم حـولـك قـرايـب واجـانـيـبون عـزت حدهـم ماوقـى عنـك ذبــاب

مادمـت ميسـورن فكـلـن بــك يهـيـبون اعسـرت تلقـى المخاليـق اغضـاب

ترقـى ومعـك يرقـون فـوق المراقيـبون طحـت خلـو جثتـك نـهـش لـكـلاب

ومـنــلا تـوقــع دوس درب الـعـذاريـبزلـت خطـاه ولـو نـوى خـيـر مـاصـاب

خذهـا مـن معـدّي عسـيـر المعاطـيـبمـن الـذي شيـب وهــو مابـعـد شــاب

نصيـحـة تـشــرى بـغـالـي المـذاهـيـبيـعـدّهـا الـحـيـيـن لــلــي بــالاصــلاب

ان طحت لاترجـي سـوى عالـم الغيـبالـواحـد الــي مـــن تـرجــاه مـاخــاب

منشـي الريـاح الـي تسـوق السواكيـبالـي نصـر عبـده علـى جـنـد الاحــزاب

الــي بـعـث نــوح(ن) وداود وشـعـيـبومنـقـذ ابراهـيـم مــن نــار الاحـطـاب

لاتجـزع ان جالـك مـن الوقـت ترهيـبولا تـفـرح بشمـسـن تواليـتـهـا غـيــاب

واعلـم تـرى ماخطـاك ماكـان ليصيـبولاصابك الا اللـي كتـب لـك بـه تصـاب

من عاش مات وكل حي(ن) يبي يغيبوجميـع مـن فــوق الاراضـيـن لـتـراب

ويــن المهـلـل سـالـم او ويـنـه كلـيـبويـن الخـلاوي وويـن شامـان وحـجـاب

ويـن الفـديـع او وينـهـم شـالـح وذيــبويـن اجـودن بـن زامـل وويـنـه ذيــاب

قــد جـاهـم الـــي مـاتــرده تسـابـيـبولا واحــدن مـنـه تـشـاوى ولا طـــاب

المـوت يامهـفـي الوراعـيـن والشـيـبكانـك تبـي حلقـي فانـا اقـيـف بالـبـاب

يـامـوت انــا مشـلـت هــم الرعابـيـبولا غمضـت عينـي علـى دنـي الارغـاب

يامـوت انــا مـاريـد مــال ومكاسـيـبولانـي بمزهوفـن علـى عنـق الارقــاب

همـي عظيـم ولايشيلـه سـوى الـذيـبالــى عـلـى نـطـح المهـالـيـك رغـــاب

قـولـوا سفـيـه ولا يحـسـب العواقـيـبوقولـوا فلـت عقلـه ولا تنـفـع اطـبـاب

وقولـوا هروجـه حكـي لـيـل وتكـاذيـبوقولـوا خيـالـه جامـحـن مابـعـد تــاب

قولوا... ومن في خاطره صوتن يجيـبعمـر الوحـش ماعثـر خطـاه سنـجـاب

باكـر يجيـكـم عـلـم ذيـبـن ولــد ذيــبمايردعـه طاغـوت ومرجـف ومـرتـاب

لي همتـن يخسـى حمـل همتـي هديـبوتخسـى المبانـي والبواخـر والهـضـاب

تعجـز مصـر والشـام صيـن وسرنديـبتشـيـل ذاك الــي حملـتـه ونــا شــاب

هـمـي يـعـود الـمـجـد تـالـيـه لـعـريـبونجمع على صهيونـن جيـوش الاعـراب

الـى متـى نصبـر علـى الـذل والعـيـبويدوسنـا الـي ماحسـب للمـلا حسـاب

ابكـي عـلـى ربـعـن قوانـيـص للطـيـبوابـكـي بـنـي عــم وبعيـديـن واقــراب

ابكـي العـرب فـي عاليـات المصاليـبوابـكـي عليـهـم كــل مـاحـل الغـيـاب

بالعـيـن مـالـوم البـصـر لـوهـو يعـيـبوالقـلـب مالـومـه ولـوهــو بـعــد ذاب

ويـن العريعـر ويــن هـبـس المعـازيـبويـن اخـو عينـا اللـي لــلارواح جــذاب

او ويــن زيــدن مانـفـع فـيـه تطـبـيـبومـانــع اســـد غـابــن عـــن الــغــاب

قد غاب من بعد عز الدار دار المواجيبفي ظـل مقـرن سيـف الإسـلام غـلاب

لـه مخلـب يشبـع بـه الضبـع والـذيـبويـامــا تـعـشـن برتـغـالـيّ واجــنــاب

ينـطـح عـدانــا مـاحـسـب للعـواقـيـبولا أرسلـهـم مـنـدوب للصـلـح بكـتـاب

يـوم الكريـهـة شـيـب الكـفـر تشيـيـبكـم علـج أستليـث رجـع تقـل سنجـاب

وسعدون! رد الترك وأضحـوا مطاليـبوبــراك حــراً مـاتـرك للـعـجـم بـــاب

ودار الزمـن والوقـت جتـلـه اعاجـيـبعقـب المعـزه قـام يلسـن لنـا الــداب

لاتفـتـخـر يـامـعـرب الــجــد تـعـريــبولا تقول انـا مـن نسـل ذلال الاصعـاب

الـي عليـه العلـم فــي عـالـم الغـيـبشـربـوا حـمـام وعنـهـم قـفـل الـبـاب

يـافـلان لــو جاحـتـك بـيـوم منـاكـيـبلاتنتـخـي يـافــلان بـطــوال الاشـنــاب

لاتنـتـخـي يـاتـايــه الـعـقــل بـعـريــبصايـل عليـهـم كـافـر وصــاروا هـبـاب

شــد الرحـايـل يــم ربـعـن مكاسـيـبالعـز مــا يبـنـى بــلا ضــرب الارقــاب

مـن يطلـب العليـا عـن الـذل والعـيـبلــو انقـتـل سبعـيـن كــرة فــلا تـــاب

خـطـو الـرجـل لاغــار كـغـارة الـذيـبوالبـعـض تيـسـاً ثـورتـه زبــل وتــراب

ياذيـب قـل للـي رضـى بحالـة عـريـبيلبـس خمـار وفــوق المـتـون جلـبـاب

ياذيب أنا راسي قـد أشعـل بـه الشيـبومعدود بين الناس مـن جمـع الاشبـاب

يـاذيـب جــاء وقـتـاً تـدابـي الجنـاديـبوإلا نقـزت يـاذيـب مــا طــار العـقـاب

ياذيب وش ترجـى بـدار(ن) بهـا الذيـبيرعى مع الطليان مـن كسـو ال تـراب

ماهـم عـلـى خـبـرك قحاقـيـحِ عـريـبلامقـرنـن فيـهـم وقــد مــات خـطًـاب

مقـرن ابـن زامـل بـن غـريـر ماجـيـبمـثـلـه ولا مـثـلـه بعـربـيـن الانـســاب

أرض الـعـرب تبـكـي لـهـا ون ونحـيـبدنـس ثـراهـا كــل علـجـن بــن كــلاب

مالومـهـا تـصـرخ تشـلـق بـهـا الجـيـبأضحت هدف كل علج عات(ن)و نهـاب

الـحـر يـأبـى الــذل وعـاهـدك يـاذيــبدارن طغـت بالـذل مـالـي لـهـا إيــاب

وا جرحـي اللـي كـل ماقـلـت بيطـيـبجــدد صـوابـه وانفـتـح دامـلـن طـــاب

دنـيــا تـقـلـب بـالـبـشـر كـالـدوالـيـبسـاد اللكـع والسـيـد صاروبـهـا هـبـاب

والكلـب صايـر لابسـن لـه جلـد شيـبوالذيـب نسـل الـذيـب يـركـع للـغـراب

واكـبـر هــم بمـاجـد مـنـاجـي الـذيــبولد حمـد بـن زيـد مـن صلـب الاذيـاب

تمت كما جرح(ن) عصيّـن فـلا يطبيـبفي كبـد اخـو خضـرا قديمـن ولا طـاب

ماجد الزيد=نشرت في 2 جماد الثانية 1428[/poem]

[الطائر المهاجر]

صح لسانك وبيض الله وجهك
على هالملحمه الجزلة والنابعة من ضمير حي
ولكن تراك مثل المصيح في الخلا الخالي
همـي يعـود المجـد تاليـه لعريـب
ونجمع على صهيونن جيوش الاعراب
اذا خلص النفط ، وجاعوا الناس ..
لاهان راسك
تحياتي الطيبة

[ابو زياد]

الله يبيض وجهك

ابداااااااااااااااع

واسهاب وامتاع

الشاعر ماجد

صح لسانك

[صقر سبأ]

[شوق]

الفاضلـ

//

مـــاجــــد الـــزيــــد

صح السانكـ . لاهنتـ

وصايا كلها دررررر

ابداااع وامتااااع

تقديري لكـ

شوق

[سناعيس]

صح لسانك ياماجد
قصيدة حماسية وجزله من شاعر جزل

بيض الله وجهك

تحياتي

لا اعرف فى كل مرة تمتعنا بكلمات من خيال واحساس مرهف يسلمو اخى

[عبدالرحمن الصباح]

صح السانك وسلمت بنانك جزله من شاعر جزل ودي وتقديري

[مروان الشيخ]

صح لسانك وعلا شانك ولاهنت

جزله من راس جزل

قصيده رائعة

بل ملحمه كما نعتها الدكتور

والقاء اضفى اليها رونق



تقبل مروري

[ماجد الزيد]

المشاركة الأصلية كتبت بواسطة الطائر المهاجر

صح لسانك وبيض الله وجهك
على هالملحمه الجزلة والنابعة من ضمير حي
ولكن تراك مثل المصيح في الخلا الخالي
همـي يعـود المجـد تاليـه لعريـب
ونجمع على صهيونن جيوش الاعراب
اذا خلص النفط ، وجاعوا الناس ..
لاهان راسك
تحياتي الطيبة

صح بدنك ووجهك ابيض
يابو عبدالله
(فانما عليك البلاغ والله بصيرٌ بالعباد)

لعلني لاجيت بالبعث معذور=بلغت قومي وليت قومي يعلموا

شاكر لك مرورك اخي الفاضل