حار الفكر والرجل عيّت تسيري

[الذيب الذيب]

السلام عليكم ورحمة الله وبركاته
اسعد الله اوقاتكم بالخير ومالمسرات
وهذه مشاركة متواضعة ارجوا ان تنال رضاكم واستحسانكم

حار الفكر والرجل عيّت تسيري = في ماقفي وقفت لاجي ولا روح
وش حيلت المجروح جرحٍ خطيري = غير البكاء والدمع من عينه يفوح
يا وجد حالي وجد طفلٍ غريري = عقب الترف شاف القرف ويله يلوح
يمضي عليه اليوم ما شاف خيري = في كلّ دربٍ سار ياتيه لافوح
ولاّ وجودي وجد عودٍ ضريري = خلوه ربعه بين الأنذال مطروح
طيرٍ كسير إجناح لا ما يطيري = يصير عند وحوش وسباع مذبوح
طعم الحلا لأهل الشقاء مر مريري = والحظّ لاقفّى جفى كلٍ مصلوح
يا غافلٍ وقتك يبي يستديري = لوهو صفا لك يوم ياتيك ملفوح
والموت ما خلاّ كبير وصغيري = كلٍّ يجيه الدور يحمل على اللوح
والحقّ واضح مثل نورٍ منيري = ما هو خفي يحتاج له وصف وشروح
والوقت مثل السيف حدّه شطيري = وإخذ الحذر بعد النذر بان بوضوح
يا ربّ يا معبود بك مستجيري = عن عالمٍ قشرا بها الشّرّ ملقوح
ناسٍ ضعاف عقول لا تستشيري = لو شفت فيهم كبر لزنود وفطوح
رتبه على متن الجبان الحقيري = لاجاه علمٍ صاملٍ صار مفضوح
ويفر هارب لو سمع له صفيري = يهتزّ قلبه مثل طفلٍ بمرجوح
لاضاق صدرك من بلاوي تحيري = والهمّ وسط الجوف ما هو بمنطوح
إنصى الفياض الواسعة وستخيري = عن جلسةٍ ما بين عفنٍ و مشفوح
تشتمّ نسناس الهواء والعبيري = والرزق بابه للمخاليق مفتوح
يا زينها جلسة بجنب الغديري = انا اشهدّ إنه يا عرب ينعش الروح
وختامها صلّوا عليه البشيري = إعداد ما تقبل من أيّام وتروح

[الطائر المهاجر]

سلمت
وصح لسانك
ولا هان راسك
جزلة وطيبة
تحياتي

[عبدالعزيز العمار]

الذيب الذيب

صح لسانك وجاد بيانك

جزل ماتجيب الا الجزل والحمدلله على السلامه

تحياتي وتقديري

[الذيب الذيب]

المشاركة الأصلية كتبت بواسطة الطائر المهاجر

سلمت
وصح لسانك
ولا هان راسك
جزلة وطيبة
تحياتي

صح بدنك ولاهنت شرفني مرورك الجميل
تحياتي لك

[عبدالله الدخيل]

صح لسانك وسلم بنانك

قصيده مميزه وجميله

لا هنت يالغالي

[الذيب الذيب]

المشاركة الأصلية كتبت بواسطة عبدالعزيز سعد بن عمار

الذيب الذيب

صح لسانك وجاد بيانك

جزل ماتجيب الا الجزل والحمدلله على السلامه

تحياتي وتقديري

صح بدنك ولاهنت اسعدني مرورك الجميل
تحياتي لك

[الذيب الذيب]

المشاركة الأصلية كتبت بواسطة عبد الله دخيل الدخيل

صح لسانك وسلم بنانك

قصيده مميزه وجميله

لا هنت يالغالي

صح بدنك ومليون شكر وتقدير لك على المرور الجميل
تحياتي لك

[مسلم عواد العميري]

الذيب الذيب
صح لسانك
شاعر متمكن يصيغ
القوافي كما يريد

[الطامي]

الذيب
صح السانك
رائعة جدا
لاهنت اخي

[سناعيس]

صح لسانك يالذيب
قصيدة وافيه وكافيه
لاهنت

تحيياتي